Electric Scooters : నిమిషాల్లో ఫుల్ ఛార్జ్.. ఈ ఎలక్ట్రిక్ స్కూటర్లు సూపర్ ఫాస్ట్!

Electric Scooters : మన దేశంలో హీరో మోటోకార్ప్ నుంచి హోండా 2-వీలర్స్ వరకు చాలా కంపెనీలు స్వాపబుల్ బ్యాటరీలతో ఎలక్ట్రిక్ స్కూటర్లను తయారు చేస్తున్నాయి. అంతేకాకుండా, న్యూ ఏజ్ కంపెనీ బౌన్స్ కూడా ఈ సెగ్మెంట్‌లో చాలా కాలం నుంచి తన స్వాపబుల్ బ్యాటరీ స్కూటర్లతో వినియోగదారులను ఆకట్టుకుంటోంది. సింపుల్ ఎనర్జీ సింపుల్ వన్ ఫిక్స్డ్, స్వాపబుల్ బ్యాటరీ కాంబినేషన్‌తో వస్తుంది. వీటితో పాటు మరికొన్ని ఎలక్ట్రిక్ స్కూటర్లు కూడా ఈ విభాగంలో అందుబాటులో ఉన్నాయి.

Also Read : ఛార్జింగ్ అయిపోతే తోసుకుంటూ పోవాల్సిందేనా? ఈ స్కూటర్ల రేంజ్ ఎంతంటే!

బౌన్స్ ఇన్ఫినిటీ (Bounce Infinity)
ఈ కంపెనీ మూడు మోడళ్లలో ఈ స్కూటర్‌ను విక్రయిస్తోంది. ఇందులో మీకు 1.9 కిలోవాట్ నుంచి 2.5 కిలోవాట్ల వరకు బ్యాటరీ ఆప్షన్లు లభిస్తాయి. వీటి రియల్ వరల్డ్ రేంజ్ 70 కిలోమీటర్ల నుండి 100 కిలోమీటర్ల వరకు ఉంటుంది. ఇక వీటి ధరలు రూ.1.15 లక్షల నుండి మొదలై రూ.1.25 లక్షల వరకు ఉంటాయి. కంపెనీ అనేక నగరాల్లో తన బ్యాటరీ స్వాపింగ్ స్టేషన్లను ఏర్పాటు చేసింది. అక్కడ మీరు సులభంగా మీ స్కూటర్ బ్యాటరీని మార్చుకోవచ్చు. ఈ స్కూటర్లలో కంపెనీ మీకు ‘బ్యాటరీ యాజ్ ఏ సర్వీస్’ ఆప్షన్‌ను కూడా అందిస్తోంది.

హోండా యాక్టివా ఈ (Honda Activa e)
హోండా యాక్టివా పెట్రోల్ వెర్షన్ ఇప్పటికే దేశంలో అత్యధికంగా అమ్ముడవుతున్న స్కూటర్‌గా రికార్డు సృష్టించింది. అదే పేరుతో కంపెనీ హోండా యాక్టివా ఈని ప్రారంభించింది. దీని ధర రూ.1.17 లక్షల నుంచి మొదలవుతుంది. ఇది 102 కిలోమీటర్ల రేంజ్‌ను అందిస్తుంది. ఇందులో 1.5 కిలోవాట్ల కెపాసిటీ కలిగిన రెండు రిమూవబుల్ బ్యాటరీలు ఉంటాయి. వీటిని మీరు హోండా స్వాపింగ్ స్టేషన్లలో మార్చుకోవచ్చు. హోండా తన ఎలక్ట్రిక్ స్కూటర్ విక్రయాలను బెంగళూరు, ఢిల్లీ, ముంబై వంటి నగరాల నుండి ప్రారంభించింది. హోండా యాక్టివా ఈ బ్యాటరీని మార్చడానికి ప్రతి 5 కిలోమీటర్ల పరిధిలో ఒక స్వాపింగ్ స్టేషన్ ఉంటుందని కంపెనీ చెబుతోంది.

సింపుల్ వన్ (Simple One)
సింపుల్ ఎనర్జీ ఇటీవల తన ఎలక్ట్రిక్ స్కూటర్ సింపుల్ వన్‌ను పెరిగిన రేంజ్‌తో విడుదల చేసింది. ఈ స్కూటర్ 248 కిలోమీటర్ల వరకు రేంజ్‌ను అందిస్తుందని కంపెనీ చెబుతోంది. అయితే ఈ స్కూటర్ పూర్తిగా స్వాపబుల్ కాదు. ఇందులో మొత్తం 5 కిలోవాట్ల బ్యాటరీ ప్యాక్ ఉంటుంది. అందులో 3.5 కిలోవాట్ల బ్యాటరీ ఫుట్‌రెస్ట్ కింద ఫిక్స్డ్‌గా ఉంటుంది. మిగిలిన 1.5 కిలోవాట్ల బ్యాటరీ రిమూవబుల్, దీనిని మీరు ఎక్కడైనా ఛార్జ్ చేసుకోవచ్చు. మరో ప్రత్యేక విషయం ఏమిటంటే, ఈ స్కూటర్ బ్యాటరీ మేనేజ్‌మెంట్ సిస్టమ్ మొదట 3.5 కిలోవాట్ల బ్యాటరీ పవర్‌ను ఉపయోగిస్తుంది. ఆ తర్వాత 1.5 కిలోవాట్ల బ్యాటరీ పవర్‌ను వినియోగిస్తుంది. దీని ప్రారంభ ధర రూ.1.39 లక్షలు.

హీరో విడా వి2 (Hero Vida V2)
హీరో మోటోకార్ప్ ఈ ఎలక్ట్రిక్ స్కూటర్ 3.9 కిలోవాట్ల వరకు రిమూవబుల్ బ్యాటరీతో వస్తుంది. ఇది ఒక్కసారి ఛార్జ్ చేస్తే 165 కిలోమీటర్ల వరకు రేంజ్‌ను అందిస్తుంది. ఈ స్కూటర్ వేర్వేరు వేరియంట్ల ప్రకారం దీని ధర రూ.74,000 నుండి మొదలై రూ.1.20 లక్షల వరకు ఉంటుంది.