Akash Ambani Bald Look: డబ్బుంటే ఏదైనా సాధ్యమే అనుకుంటారు. వాస్తవంలో మాత్రం అది నిజం కాదు. ఎందుకంటే డబ్బుతో కొనలేనివి.. డబ్బుతో సాధ్యం కానివి చాలా ఉంటాయి. డబ్బుతో పరుపులు కొనవచ్చు. కానీ నిద్రను కొనలేం. డబ్బుతో విలాసాలను ఏర్పాటు చేసుకోవచ్చు. కానీ ఆనందాన్ని కొనుగోలు చేయడం.. డబ్బుతో మిద్దెలు కట్టుకోవచ్చు. కానీ సుఖాన్ని అందిపుచ్చుకోలేం. కరెన్సీ అనేది అవసరం మాత్రమే.. అదే లైఫ్ అనుకుంటే చాలా ఇబ్బందులు పడాల్సి వస్తుంది.
మనదేశంలో ముకేశ్ అంబానీ ఆగర్భ శ్రీమంతుడు. అందులో ఏమాత్రం అనుమానం లేదు. తాను తలచుకుంటే ఏదైనా చేయగలడు. ఏమైనా చేయగలడు. ఎక్కడిదాకైనా వెళ్లగలడు. చివరికి అంతరిక్షంలోకి వెళ్లి పిజ్జాలు, బర్గర్లు కూడా తిని.. అవసరమైతే అక్కడ ఒక ఇల్లు కట్టుకొని ఉండగలడు. అంతటి ముకేశ్ అంబానీ కూడా కాలేదు. ఎందుకంటే డబ్బు అనేది ఆయనకు అపరిమితంగా ఉంది. కానీ దానితో కూడా చేయలేని పనులు చాలా ఉన్నాయి.
ముకేశ్ అంబానీ చిన్న కుమారుడు ఆస్తమా వల్ల విపరీతంగా లావు అయ్యాడు. అప్పట్లో ప్రపంచ స్థాయి వైద్యులతో అతడికి చికిత్స చేయించారు. కొంతవరకు ఫలితం వచ్చింది. బరువు తగ్గాడు. నా జూకుగా కనిపించాడు. ఆ తర్వాత మళ్లీ పరిస్థితి మొదటికి వచ్చింది. ఈసారి వైద్యులు కూడా చేతులెత్తేశారు. ఎక్కడికి వెళ్ళినా సరే ఇదే పరిస్థితి. కొడుకు అంత లాగ ఉండడంతో ఆ బాధ ముకేశ్ అంబానీలో ఆ బాధ నిత్యం ఉంటూనే ఉంటుంది. గతంలో తగ్గిన తర్వాత మళ్లీ బరువు పెరిగిన చిన్న కుమారుడు ఇంతవరకు పూర్వ ఆకృతిని సంతరించుకోలేదు. తగ్గే అవకాశం కూడా లేదు. కాకపోతే అతడు విపరీతమైన డబ్బు ఉన్న వాడు కాబట్టి రాధిక మర్చంట్ లాంటి కోడలు వచ్చింది. అటువంటి భారీ శరీరం ఉన్న వ్యక్తి మిడిల్ క్లాస్ లో కనుక పుట్టి ఉంటే ఏం జరిగి ఉండేదో ప్రత్యేకంగా చెప్పాల్సిన అవసరం లేదు. ఇక్కడ మేము అంబానీ ద్వితీయ పుత్రుడు అనంత అంబానీ ని బాడీ షేమింగ్ చేయడం లేదు. ప్రస్తావన వచ్చింది కాబట్టి ఎగ్జాంపుల్ చెప్పాం.
ముకేశ్ అంబానీ పెద్ద కుమారుడు ఆకాష్ అంబానీ రిలయన్స్ వ్యవహారాలలో కీలకంగా వ్యవహరిస్తూ ఉంటాడు. పైగా అతడికి ముఖేష్ అంబానీ తర్వాత స్థాయి ఉంది. ముంబై ఇండియన్స్ జట్టులో కీలకంగా వ్యవహరిస్తున్నాడు. అంతటి డబ్బు.. పేరు ప్రఖ్యాతులు ఉన్నప్పటికీ ఆకాష్ అంబానికి బట్టతల ఉంది. మొదట్లో అతడి జుట్టు బ్రహ్మాండంగా ఉండేది. కానీ ఇటీవల కాలంలో జుట్టు ఊడిపోవడం మొదలైంది. చివరికి బట్ట తల వచ్చేసింది. బట్టతల వచ్చినంత మాత్రాన దానిని కవర్ చేసుకోవడానికి ఆకాష్ ప్రయత్నించడం లేదు. జుట్టును మొలిపించుకోవడానికి ఎన్ని రకాల ప్రయత్నాలు చేసినప్పటికీ పెద్దగా ఉపయోగం లేదని తెలుస్తోంది. అందువల్లే ఊడిపోయే బొచ్చు కోసం అంతగా ప్రయత్నించాల్సిన అవసరం లేదని అతడు కూడా సైలెంట్ అయిపోయాడు. బట్టతలతోనే తిరుగుతున్నాడు.
ఇటీవల అతడు ముంబైలో ఒక ఆలయానికి వెళ్ళాడు. అక్కడ అతడి బట్ట తల చూసి చాలామంది ఆశ్చర్యపోయారు. ఆ వీడియో ఇప్పుడు సోషల్ మీడియాలో విపరీతంగా సర్కులేట్ అవుతోంది. కొంతమంది కొంటె నెటిజన్లు ఆకాష్ అంబానికి సూచనలు చేస్తున్నారు. న్యూజన్ గోల్డ్ రాసుకోవాలని సూచిస్తున్నారు. ఎందుకంటే అప్పట్లో న్యూజన్ గోల్డ్ పెద్ద సంచలనమే సృష్టించింది. బట్టతల మీద రాసుకుంటే జుట్టు వస్తుందని ప్రకటించింది. జుట్టు ఏమో గాని.. ఆ తైలం కొనుగోలు చేసి చాలామంది చేతి తీట వదిలింది.
