ఏలూరులో జరిగిన ఘటనపై ముఖ్యమంత్రి జగన్ మోహన్ రెడ్డి ఆరా తీశారు. బాధితులకు చేస్తున్న వైద్య పరీక్షలపై అడిగి తెలుసుకున్నారు. ఎయిమ్స్ వైద్య నిపుణులు పరీక్షలు నిర్వహించినట్లు ఆసుపత్రి వర్గాలు సీఎంకు వివరించారు. మరిన్ని కేంద్ర సంస్థలు కూడా పరీక్షలు నిర్వహిస్తున్నాయని ఆ వివరాలు త్వరలో వెల్లడిస్తామని వైద్యులు సీఎంకు తెలిపారు. బాధితులకు నిర్వహించిన పరీక్షలు, అలాగే ఆ ప్రాంతంలో నీళ్లు, పాలకు నిర్వహించిన పరీక్షలు వీటన్నింటి ఫలితాలను ఓ నివేదిక రూపంలో పొందుపరిచి తనకు ఇవ్వాలని దీనిపై వీడియో కాన్ఫరెన్ష్ కూడా ఏర్పాటు చేయాలని సీఎం అధికారులకు వివరించారు.
