Pawan Kalyan YSRCP criticism: ఏపీ డిప్యూటీ సీఎం పవన్ కళ్యాణ్ వైయస్సార్ కాంగ్రెస్ పార్టీపై మరోసారి విరుచుకుపడ్డారు. జనసేన విస్తృత స్థాయి సమావేశంలో ఆయన మాట్లాడారు. తమిళనాడు ఎన్నికల్లో విజయ్ గెలుపులో తమ క్రెడిట్ వెతుక్కుంది వైయస్సార్ కాంగ్రెస్ పార్టీ. రాష్ట్రవ్యాప్తంగా సంబరాలు కూడా చేసుకుంది. అదే సమయంలో పవన్ కళ్యాణ్ పై సోషల్ మీడియాలో ట్రోల్ చేయగలిగింది వైయస్సార్ కాంగ్రెస్ పార్టీ. జగన్ ఫోటోతో ప్రచారం చేసుకోవడం వల్లే విజయ్ గెలిచారని ఒకవైపు.. విజయ్ మాదిరిగా పవన్ కళ్యాణ్ సైతం ఒంటరి పోరాటం చేయాలని మరోవైపు.. ఇలా చాలావరకు ప్రచారం చేసింది వైయస్సార్ కాంగ్రెస్. చివరకు ఆ పార్టీ నేతలు సైతం ఇదే మాదిరిగా మాట్లాడారు. దానిపై స్పందించారు ఏపీ డిప్యూటీ సీఎం పవన్ కళ్యాణ్. ఒక్క నవ్వుతో వైయస్సార్ కాంగ్రెస్ పార్టీ పరువును తీసేసారు.
గతంలో కూడా ఇదే మాదిరిగా..
గతంలో కూడా పవన్ కళ్యాణ్ ఇదే మాదిరిగా వ్యవహరించారు. వైయస్సార్ కాంగ్రెస్ పార్టీపై తన ముఖ కవళికలతోనే విమర్శలు చేసిన సందర్భాలు ఉన్నాయి. మాజీ మంత్రి రోజాపై విమర్శలు చేసే క్రమంలో.. నువ్వు కూడానా అంటూ చేసిన కామెంట్ సప్పట్లో సోషల్ మీడియాలో వైరల్ అయింది. అయితే తాజాగా పవన్ ఒక్క నవ్వుతో.. 11 సీట్లు వచ్చిన వైయస్సార్ కాంగ్రెస్ పార్టీ కూడా జనసేన ను విమర్శించడమా? అని బదులిచ్చారు పవన్. ప్రస్తుతం పవన్ కామెంట్స్ సోషల్ మీడియాలో విపరీతంగా వైరల్ అవుతున్నాయి. మీమ్స్ ఎక్కువగా కనిపిస్తున్నాయి. ఒక్క నవ్వుతో తేల్చేశారు బాసు అంటూ జనసైనికులు పోస్టులు పెడుతున్నారు.
ఇచ్చి పడేసారుగా..
సాధారణంగా విమర్శలపై పెద్దగా స్పందించరు పవన్ కళ్యాణ్. స్పందిస్తే మాత్రం ఇచ్చి పడేస్తారు. ఇప్పుడు జరిగింది కూడా అదే. ఒక్క నవ్వు నవ్వడం ద్వారా వైయస్సార్ కాంగ్రెస్ పార్టీని ఉతికి ఆరేశారు. విజయ్ గెలుపుతో పవన్ కళ్యాణ్ సోషల్ మీడియాలో లేచి తన్నించుకున్నారన్న రోజా మాటలు ఇప్పుడు గుర్తుకు వస్తున్నాయి. అనవసరంగా తమిళనాడు విజయ్ ఫలితంతో పవన్ కళ్యాణ్ ను పోల్చడంతో.. అదే పవన్ లాగి తన్నారు వైయస్సార్ కాంగ్రెస్ పార్టీని. ఎంతలా అంటే 11 సీట్లు వచ్చిన మీరు కూడా మా కోసం మాట్లాడుతారా? అంటూ ప్రశ్నించడం ద్వారా ధీటైన జవాబు ఇచ్చారు. చిన్నపాటి కామెంట్ తో పెద్ద సమాధానమే ఇచ్చారు.
