Pawan Kalyan: వైయస్సార్ కాంగ్రెస్ పార్టీ తప్పుల మీద తప్పులు చేస్తూనే ఉంది. పోనీ ఈ మాట ఎవరైనా పడని వారు అంటే లెక్క చేయనవసరం లేదు. జగన్మోహన్ రెడ్డి అంటే ఇష్టమైన, అనుకూలమైన, సలహా ఇచ్చే స్థాయిలో ఉన్న వారు కూడా చెబుతున్నారు. పొరుగున ఉన్న తమిళనాడులో జగన్మోహన్ రెడ్డి రాజకీయ స్నేహితుల గురించి అందరికీ తెలిసిన విషయమే. అక్కడ స్టాలిన్ జగన్మోహన్ రెడ్డికి అత్యంత ఆత్మీయుడు. తరచూ ఆ ఇద్దరు నేతలు మంచి చెడుల్లో పాలుపంచుకునేవారు. కానీ ఇప్పుడు ఎన్నికలకు ముందు ఓ పెళ్ళిలో కలిసిన విజయ్ ను జగన్మోహన్ రెడ్డి ప్రాణ స్నేహితుడని.. జగన్ స్ఫూర్తితోనే విజయ్ తమిళనాడులో గెలిచారని వైయస్సార్ కాంగ్రెస్ పార్టీ ప్రచారం చేసుకుంటుంది. అంతటితో ఆగకుండా సింహం సింగిల్ గా రావాలి అంటూ జగన్మోహన్ రెడ్డికి ఎలివేషన్లు ఇస్తున్నారు. అనవసరంగా పవన్ కళ్యాణ్ ను కెలుకుతున్నారు.
* జగన్ పై తీవ్ర వ్యతిరేకత..
అసలే పవన్ కళ్యాణ్( deputy CM Pawan Kalyan) వైయస్సార్ కాంగ్రెస్ పార్టీ విషయంలో ఒక భావనతో ఉన్నారు. జగన్మోహన్ రెడ్డి విషయంలో అదే వ్యతిరేకతతో ఉన్నారు. అసలు రాజశేఖర్ రెడ్డి అన్న ఆయనకు పడదు. మెగాస్టార్ చిరంజీవికి భిన్నంగా కూడా.. పవన్ కళ్యాణ్ వైయస్సార్ కాంగ్రెస్ పార్టీతో పాటు జగన్మోహన్ రెడ్డి కుటుంబం పై ఉంటారు. మరో 15 సంవత్సరాల పాటు కూటమి ఉండాలని బలంగా కోరుకుంటున్నారు. జగన్మోహన్ రెడ్డి అనే వ్యక్తి అసలు అధికారంలోకి రాకూడదని బలమైన విశ్వాసంతో ఉన్నారు. అందుకే మొన్నటి ఎన్నికల్లో బలంగా పనిచేశారు. జగన్మోహన్ రెడ్డిని అధికారంలోకి రానివ్వను అంటూ తేల్చి చెప్పారు. అనంతపని చేశారు. అధికారంలోకి వచ్చి రెండేళ్లు అవుతున్నా.. భాగస్వామ్య పార్టీతో చిన్నచిన్న ఇబ్బందులు ఎదురవుతున్నా.. భరిస్తున్నారే తప్ప బయటపడడం లేదు. దానికి కారణం వైయస్సార్ కాంగ్రెస్ పార్టీ పై ఉన్న వ్యతిరేకత. కానీ అవేవీ లెక్కచేయడం లేదు వైసిపి. ఇంకా పవన్ కళ్యాణ్ ను కెలుకుతూనే ఉంది.
* ప్రధాన ప్రతిపక్షానికే నష్టం..
ప్రజల నిర్ణయం స్థిరంగా ఉంటుందని వైయస్సార్ కాంగ్రెస్ పార్టీ భావిస్తోంది. తనకు దాదాపు 40 శాతం ఓటు బ్యాంకు వచ్చింది కనుక.. పవన్ కళ్యాణ్ కూటమి నుంచి బయటకు వస్తే … తనకు బలం పెరుగుతుందని అంచనా వేస్తోంది. కానీ తమిళనాడులో అన్న డీఎంకే పరిస్థితి.. 2009లో తెలుగుదేశం పార్టీ పరిస్థితి ఇప్పుడు వైయస్సార్ కాంగ్రెస్ పార్టీ ఎదుర్కోక తప్పదు. ఏదైనా ప్రధాన రాజకీయ పక్షం కూటమి నుంచి బయటకు వస్తే.. దాని ప్రభావం ప్రధాన ప్రతిపక్ష పార్టీపై పడుతుంది. అది తెలిసి కూడా పవన్ కళ్యాణ్ విషయంలో అనవసరంగా కెలుకుతూనే ఉన్నారు. పైగా పక్క రాష్ట్రంలో వేరే పార్టీ విజయాన్ని అడ్డం పెట్టుకొని. ఇలా గుణపాఠాలు నేర్చుకోకుండా.. వైయస్సార్ కాంగ్రెస్ పార్టీ ఇదే మాదిరిగా ముందుకు వెళితే మాత్రం ఆ పార్టీకే నష్టం.
