Gudivada Amarnath: ఏపీ రాజకీయాల్లో ఒక వింత వైఖరి కనిపిస్తోంది. మహిళా నేతల పట్ల వ్యక్తిగత విమర్శలు, వ్యక్తిత్వ హననాలు ఆందోళన కలిగిస్తున్నాయి. తాజాగా రాష్ట్ర హోం మంత్రి వంగలపూడి అనిత వ్యక్తిత్వాన్ని, రాజకీయ ఎదుగుదలను కించపరిచేలా మాజీ మంత్రి గుడివాడ అమర్నాథ్ చేసిన వ్యాఖ్యలు వైరల్ అవుతున్నాయి. ఆయన తీరుపై తీవ్ర విమర్శలు వ్యక్తం అవుతున్నాయి. ప్రజాస్వామ్యంలో విధానపరమైన విమర్శలు చేయడం సహజమే. కానీ బాధ్యతాయుతమైన పదవుల్లో ఉన్న మహిళా నేతలను టార్గెట్ చేయడం మాత్రం ముమ్మాటికీ రాజకీయ దిగజారుడు తనమే. గత కొంతకాలంగా సైలెంట్ గా ఉన్న గుడివాడ అమర్నాథ్.. ఏకంగా ఈ రాష్ట్ర హోం మంత్రిని, ఒక మహిళా నేతను కించపరచడం మాత్రం సహేతుకం కాదు.
* స్వయంకృషితో ఎదిగి..
ఒక సాధారణ ఉపాధ్యాయురాలిగా ఉన్న వంగలపూడి అనిత, ఎమ్మెల్యేగా, మంత్రిగా రాణించారు. కేవలం తన వాగ్దాటి, నిరంతర పోరాట పటిమతో రాష్ట్ర హోంమంత్రి స్థాయికి ఎదిగారు. ఆమె కెరీర్ ను గమనిస్తే స్వయంకృషి కనిపిస్తుంది. అయితే ఆమె ఎదుగుదల జీర్ణించుకోలేకపోతున్నారు కొందరు. ఎంతో రాజకీయ నేపథ్యం ఉన్న కుటుంబాలు సైతం కనుమరుగవుతున్న తరుణంలో.. అటువంటి బ్యాక్ గ్రౌండ్ నుంచి వచ్చిన గుడివాడ అమర్నాథ్.. ఒక మహిళా నేతకు వచ్చిన ఆదరణను తట్టుకోలేక ఎటువంటి విమర్శలు చేశారని మహిళా సంఘాలు ఆరోపిస్తున్నాయి. దళిత మహిళగా ఆ సామాజిక వర్గం వారు కూడా తీవ్ర ఆగ్రహంతో రగిలిపోతున్నారు.
* హద్దులు దాటుతున్న విమర్శలు..
మహిళా నేతలపై అనుచిత వ్యాఖ్యలను నియంత్రించాలంటే గుడివాడ అమర్నాథ్ ను కఠినంగా శిక్షించాల్సిన అవసరం ఉందని ఎక్కువమంది అభిప్రాయపడుతున్నారు. విమర్శలు సరిహద్దులు దాటి వ్యక్తిగత దాడులు చేయడం, మానసికంగా వేధించడం, చివరకు భౌతిక దాడులకు దిగడానికి కూడా రాజకీయాల్లో సర్వసాధారణం అయిపోయింది. ప్రజాస్వామ్య వ్యవస్థకు ఇది అత్యంత ప్రమాదకరం కూడా. రాజకీయాల్లో నైతిక విలువలను పక్కనపెట్టి, కేవలం కక్ష సాధింపు చర్యల కోసం మహిళల ఆత్మగౌరవాన్ని పక్కన పెట్టడం దారుణం. గుడివాడ అమర్నాథ్ లాంటి వారు చేసిన వ్యాఖ్యలు మరొకరు చేయకుండా కట్టడి చేయాల్సిన అవసరం ఉంది. అయితే రాష్ట్రంలో శాంతిభద్రతలను పర్యవేక్షించే ఒక హోంమంత్రి, ఒక మహిళా మంత్రిని ఆ స్థాయిలో కించపరచడం అంటే కండకావరమే. అందుకే గుడివాడ అమర్నాథ్ ను గుడిసెట్టి అమర్నాథ్ గా అభివర్ణిస్తూ సోషల్ మీడియాలో పోస్టులు వెలుస్తున్నాయి.
