Akhil- Faria Abdullah: సురేందర్ రెడ్డి డైరెక్షన్ లో అక్కినేని అఖిల్ నటిస్తున్న ‘ఏజెంట్’ సినిమా షూటింగ్ ప్రస్తుతం మనాలిలో జరుగుతుంది. అయితే, ఈ స్టైలిష్ స్పై థ్రిల్లర్ నుంచి ఒక అప్ డేట్ వచ్చింది. ఈ సినిమాలో ఒక స్పెషల్ సాంగ్ ఉందని.. ఆ సాంగ్ లో జాతిరత్నాలు హీరోయిన్ ఫరియా అబ్దుల్లా నటించబోతుందని తెలుస్తోంది. ఫరియా అబ్దుల్లా ప్రస్తుతం టాలీవుడ్ లో రెండు సినిమాల్లో హీరోయిన్ గా నటిస్తోంది. ఇలాంటి సమయంలో కూడా అమ్మడు ఐటమ్ సాంగ్ కి గ్రీన్ సిగ్నల్ ఇవ్వడం విశేషం.
Akhil
పైగా ఈ సాంగ్ లో అఖిల్ తో ఫరియా అబ్దుల్లా రొమాన్స్ ఓ రేంజ్ లో ఉంటుందట. ఈ సాంగ్.. ఈ సినిమాలోనే వెరీ స్పెషల్ గా నిలుస్తోందట. అక్కినేని అఖిల్ ఈ సినిమాలో తన లుక్ ను రివీల్ చేస్తూ రీసెంట్ గా ఒక ఫోటో పోస్ట్ చేసిన సంగతి తెలిసిందే. ఈ ఫోటో బాగా వైరల్ అయ్యింది. ఈ ఫోటోలో అఖిల్ డిఫరెంట్ గెటప్ లో వైల్డ్ గా కనిపిస్తున్నాడు. దాంతో, అక్కినేని ఫ్యాన్స్ ఈ ఫోటోను తెగ లైక్ అండ్ షేర్ చేస్తూ బాగా వైరల్ చేశారు. స్పై థ్రిల్ల‌ర్‌గా తెరకెక్కుతోన్న ఈ సినిమాలో సాక్షి వైద్య హీరోయిన్ గా నటిస్తోంది.
Also Read: Actress Pragathi: ప్రగతి అందాల రచ్చ.. ఫోటోలు చూసి మతిపోతుందట !
ఐతే, అఖిల్ అక్కినేని ఎంత కష్టపడినా ఇంకా సాలిడ్ హిట్ మాత్రం అందుకోలేకపోయాడు. గుడ్డిలో మెల్ల లాగా మోస్ట్ ఎలిజిబుల్ బ్యాచిలర్ తో ఓ ఏవరేజ్ హిట్ ను మాత్రం తన ఖాతాలో వేసుకున్నాడు. కానీ ఆ సినిమాకు కూడా థియేటర్స్ నుంచి ఆశించిన స్థాయిలో కలెక్షన్స్ రాలేదు. దాంతో అఖిల్ బాగా నిరాశ పడ్డాడు. అయితే, ఆ నిరాశ నుంచి త్వరగా బయటకు వచ్చేసి మొత్తానికి తన కొత్త సినిమా కోసం తెగ కష్టపడుతున్నాడు.
ఈ క్రమంలో దర్శకుడు సురేందర్ రెడ్డితో ఈ సినిమా చేస్తున్నాడు. పైగా ఈ ‘ఏజెంట్’ సినిమా కోసం అఖిల్ భారీ కసరత్తులు చేస్తూ సిక్స్ ప్యాక్ కూడా చేస్తున్నాడు. తన నరాలు కూడా ఎముకలు లాగా బలంగా లావుగా కనిపించేంతగా అఖిల్ ఈ సినిమా కోసం బాడీని పెంచాడు. కండలు తిరిగిన దేహంతో ఒళ్ళు విరుచుకుంటూ అఖిల్ ఈ సినిమాలో కనిపించబోతున్నాడు.
Faria Abdullah
నిజానికి అఖిల్ చాలా కాలంగా జిమ్ కే ఎక్కువ టైమ్ కేటాయించాడు. తన కష్టాన్ని ఈ సినిమాలో కళ్లకు కట్టినట్లు చూపిస్తాడట. ఈ సినిమాకి భారీ బడ్జెట్ పెడుతున్నారు. అఖిల్ మార్కెట్ స్థాయి కంటే రెట్టింపు పెట్టుబడి పెడుతున్నారు. మెగాస్టార్ తో వందల కోట్ల బడ్జెట్ తో సైరా తీసిన సురేందర్ రెడ్డి ఆ సినిమా నిర్మాతకు భారీ నష్టాలను మిగిల్చాడు.
మరి ఇప్పుడు అఖిల్ తో కూడా సురేందర్ రెడ్డి భారీ బడ్జెట్ ను పెట్టిస్తున్నాడు. మరి ఈ బడ్జెట్ ఎంతవరకు వర్కౌట్ అవుతుందో చూడాలి. ఈ సినిమాకి థమన్ సంగీతం అందిస్తున్నాడు. ఏకే ఎంటర్టైన్మెంట్స్ వారు ఈ సినిమాను నిర్మిస్తున్నారు.
Also Read:Mahesh Babu- Gautham Menon: మహేష్ కోసం క్లాస్ డైరెక్టర్ పడిగాపులు.. ఎవరు ఆ డైరెక్టర్ ?
Web Title: Akhil romance with young heroine faria abdullah
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
