Isakapatnam Web Series Review: ఒక పక్క సినిమాలు , మరోపక్క వెబ్ సిరీస్ లు చేస్తూ ఆడియన్స్ ని ఎల్లప్పుడూ ఎంటర్టైన్ చేస్తూ ఉండే హీరోయిన్స్ లో ఒకరు ఐశ్వర్య రాజేష్. ఆమె ఏ జానర్ సినిమాని ఎంచుకున్నా, తనకు నటనకు స్కోప్ ఉండేలా చూసుకుంటూ వస్తోంది. ‘సంక్రాంతి వస్తున్నాం’ వంటి భారీ హిట్ తర్వాత ఆమె ప్రధాన పాత్ర పోషించిన వెబ్ సిరీస్ ‘ఇసకపట్నం’. నిన్న అమెజాన్ ప్రైమ్ వీడియో లో స్ట్రీమింగ్ అయినటువంటి ఈ వెబ్ సిరీస్ ఎలా ఉందో ఒకసారి ఈ రివ్యూ లో చూద్దాం.
కథ :
నాయుడు(సముద్రఖని) అనే వ్యక్తి తన భార్య , పిల్లలతో కలిసి ఇసకపట్నం అనే గ్రామం లో కూలీగా అడుగుపెడతాడు. కుట్ర, కుతంత్రాల ఆలోచనలతో ఉన్న నాయుడు , ఆ ఊరిలో ప్రజల మనిషిగా మంచి పేరు తెచ్చుకున్న చిన్నారావు (రాజీవ్ కనకాల) ని చెంపేసి నాయకుడిగా ఎదుగుతాడు. ఇక అప్పటి నుండి నాయుడు అరాచకాలకు హద్దు అదుపు లేకుండా పోయింది. ఆ ఊర్లో ఆయన చెప్పిందే వేదం , అతనికి ఎవరైనా ఎదురు తిరిగితే చంపేస్తుంటాడు. తండ్రి చేసే దుర్మార్గాలను అతని కూతురు భారతి ‘ఐశ్వర్య రాజేష్’ వ్యతిరేకిస్తూ ఉంటుంది. నాయుడి దగ్గర పని చేసే సూరి (సుధాకర్ కొమాకుల) అనే వ్యక్తిని ప్రేమిస్తుంది . కానీ నాయుడు మాత్రం తన అధికారాన్ని కాపాడుకోవడం కోసం తన ప్రత్యర్థి అయినటువంటి ప్రతాప్ వర్మ(రవివర్మ) తో పెళ్లి జరిపిస్తాడు. అయితే తనకు ఇష్టం లేని పెళ్లి చేసుకున్నందుకు ఆవేశం తో రగిలిపోయిన భారతి తన భర్త ప్రతాప్ వర్మ ని చంపేస్తుంది. ఆ తర్వాత ఏమైంది అనేది స్టోరీ , స్క్రీన్ ప్లే.
విశ్లేషణ : నాయుడు పాత్రలో సముద్రఖని నటించలేదు జీవించాడు అనే చెప్పాలి. తనదైన హావబాలతో , డైలాగ్స్ తో విలనిజాన్ని పీక్ రేంజ్ కి తీసుకెళ్లాడు. ఇక ఈ సినిమాలో ఐశ్వర్య రాజేష్ పాత్ర ప్రదమైన హైలైట్ అని చెప్పడంలో ఎలాంటి సందేహం లేదు. ఇన్ని రోజులు కేవలం పాజిటివ్ షేడ్స్ ఉన్న క్యారెక్టర్ లో కనిపించిన ఐశ్వర్య రాజేష్ , ఇందులో నెగెటివ్ షేడ్స్ లో కూడా కనిపించి సర్ప్రైజ్ కి గురి చేసింది. ఇక పోలీస్ ఆఫీసర్ గా సునీల్ అదరగొట్టేసాడు. చాలా కాలం తర్వాత ఆయనకు మంచి పాత్ర దొరికింది. ఆరంభం ఎపిసోడ్స్ లో పాత్రలను పరిచయం చేయడానికి ఎక్కువ సమయం తీసుకున్న దర్శకుడు , రెండో ఎపిసోడ్ నుండి కథలోకి ప్రేక్షకులని తీసుకెళ్లి ఎంటర్టైన్ చేయడం లో సక్సెస్ అయ్యాడు. ఒక్క మాటలో చెప్పాలంటే , ఇసుకపట్నం మంచి పొలిటికల్ ఎంగేజింగ్ థ్రిల్లర్ సిరీస్. ఐశ్వర్య రాజేష్ , సముద్ర ఖని ఈ సిరీస్ లో పోటాపోటీగా నటించారు. కచ్చితంగా ఈ సిరీస్ ని థ్రిల్లర్ జానర్ సినిమాలను ఇష్టపడే వాళ్ళు చూడొచ్చు.
