Trump’s Tariffs: ట్రంప్‌ సుంకాల దెబ్బ.. చమురు ధరల పతనం!

Trump’s Tariffs: అగ్రరాజ్యాధినేత డొనాల్డ్‌ ట్రంప్‌ టారిఫ్‌ టెర్రర్‌(Tariff Terror)కొనసాగుతోంది. ఇప్పటికే ప్రపచం వ్యాప్తంగా స్టాక్‌ మార్కెట్లు కుప్పకూలుతున్నాయి. వరుసగా మూడు రోజులుగా నష్టాల్లో ట్రేడ్‌ అవుతున్నాయి. అమెరికా మార్కెట్లను కూడా టారిఫ్‌ సెగ తాకింది. ఇక టారిఫ్‌ ఎఫెక్ట్‌ ఇప్పుడు చమురు కంపెనీనూ తాకింది.

Also Read: కింగ్ అని ఊరికే అంటారా.. ఆకాశ్ అంబానీ కూడా బిత్తర పోయాడు!

అమెరికా అధ్యక్షుడు డొనాల్డ్‌ ట్రంప్‌(Donald Trump) వివిధ దేశాలపై విధించిన పరస్పర సుంకాలు (ట్రంప్‌ టారిఫ్స్‌) అంతర్జాతీయ వాణిజ్యంపై తీవ్ర ప్రభావం చూపుతున్నాయి. ఈ సుంకాలు వివిధ వ్యాపార రంగాలను కుదేలు చేస్తుండగా, ముడి చమురు ధరలు(Oil Rates) గణనీయంగా పడిపోతున్నాయి. ఈ పరిణామాలు చమురు, గ్యాస్‌ ఆదాయంపై ఎక్కువగా ఆధారపడిన రష్యా(Russa)కు ఆందోళనకరంగా మారాయి. సోమవారం(Monday) అంతర్జాతీయ మార్కెట్లో బ్రెంట్‌ క్రూడ్‌ ఆయిల్‌ బ్యారల్‌ ధర 64 డాలర్లకు, టెక్సాస్‌ క్రూడ్‌ 60 డాలర్లకు చేరగా, రష్యా ఉరల్స్‌ ఆయిల్‌ ధర 52 డాలర్ల నుంచి 50 డాలర్లకు పతనమైంది.

రష్యా బడ్జెట్‌పై ఒత్తిడి
రష్యా ఫెడరల్‌ బడ్జెట్‌కు చమురు, గ్యాస్‌ రంగం నుంచి అత్యధిక ఆదాయం వస్తుంది. అయితే, ఈ ఏడాది మార్చి(March)లో ఈ రంగం నుంచి వచ్చే ఆదాయం గత ఏడాదితో పోలిస్తే 17% తగ్గింది. ఏప్రిల్‌లో ఈ నష్టం మరింత పెరిగే అవకాశం ఉందని ఆర్థిక నిపుణులు హెచ్చరిస్తున్నారు. చమురు ధరల క్షీణత రష్యా ఆర్థిక వ్యవస్థను సంక్షోభంలోకి నెట్టే ప్రమాదం కనిపిస్తోంది. ఈ పరిస్థితి రష్యా రూబుల్‌(Rassa Rubal) విలువను కూడా బలహీనపరుస్తోంది, దీంతో ద్రవ్యోల్బణం పెరిగే ఆందోళనలు వ్యక్తమవుతున్నాయి.

చర్యలకు సన్నద్ధం
ఈ ఆర్థిక సవాళ్లపై క్రెమ్లిన్‌ అధికార ప్రతినిధి దిమిత్రి పెస్కోవ్‌ స్పందిస్తూ, ‘‘చమురు ధరల పతనం రష్యా బడ్జెట్‌కు ప్రతికూల సంకేతాలను పంపుతోంది. అస్థిరమైన ఈ పరిస్థితిని మా అధికారులు నిశితంగా పరిశీలిస్తున్నారు. ఈ సంక్షోభ ప్రభావాన్ని తగ్గించేందుకు త్వరలోనే అవసరమైన చర్యలు చేపడతాం,’’ అని తెలిపారు. రష్యా ప్రభుత్వం ఆర్థిక నిధులను ఉపయోగించడం లేదా ఇతర రంగాల నుంచి ఆదాయాన్ని పెంచే దిశగా ఆలోచిస్తున్నట్లు సమాచారం.

ట్రంప్‌ సుంకాలు అంతర్జాతీయ చమురు మార్కెట్‌ను అస్థిరపరిచాయి, దీని ఫలితంగా రష్యా వంటి చమురు ఆధారిత ఆర్థిక వ్యవస్థలు సంక్షోభ భయాలను ఎదుర్కొంటున్నాయి. చమురు ధరల పతనం రష్యా బడ్జెట్‌ను ఒడ్డున పెడుతుండగా, క్రెమ్లిన్‌ సమర్థవంతమైన చర్యలతో ఈ సవాళ్లను అధిగమించాల్సిన అవసరం ఉంది.