World Most Expensive Passport: ప్రపంచంలోనే అత్యంత ఖరీదైన పాస్‌పోర్ట్ ఏదో తెలుసా ? భారత్ ది ఇంత తక్కువనా ?

World Most Expensive Passport: పాస్‌పోర్ట్ అనేది ఓ గుర్తింపు. మీరు ఏ దేశానికి చెందినవారనే విషయాన్ని తెలియజేసే గుర్తింపు పత్రం పాస్ పోర్టు. దీని ఆధారంగానే ప్రపంచంలోని ఏ దేశానికైనా వెళ్లేందుకు అనుమతి లభిస్తుంది. ప్రతి దేశ పౌరులు తమ దేశంలో పాస్‌పోర్ట్ కలిగి ఉంటారు. మీరు దేశ సరిహద్దును దాటి వేరే దేశానికి వెళ్లాలనుకుంటే, మీరు మీ పాస్‌పోర్ట్ కచ్చితంగా చూపించాల్సి ఉంటుంది. ఇది చూపిస్తే ఆ దేశం మీకు వీసా మంజూరు చేస్తుంది. అంటే పాస్‌పోర్టు మన దేశానికి చెందిన గుర్తింపు అయితే.. దీని ద్వారా వచ్చే వీసా మీరు వెళ్లాలనుకుంటున్న దేశం ఇచ్చిన అనుమతి. విదేశాలకు వెళ్లాలనుకునే వారికి ఈ రెండింటిపై తప్పనిసరిగా కొంత అవగాహన అవసరం. అయితే, కొన్ని దేశాల పాస్‌పోర్ట్‌లు చాలా పవర్ ఫుల్. అంటే, మీరు వారి పాస్‌పోర్ట్‌తో మాత్రమే మరొక దేశానికి వెళ్లవచ్చు. వారికి ఎలాంటి వీసా అవసరం లేదు. ఏ దేశాలు ఇంత శక్తివంతమైన పాస్‌పోర్ట్‌లను కలిగి ఉన్నాయి? ఆ జాబితాలో మన భారతదేశం ఎక్కడ ఉందో ఈ వార్తా కథనంలో చూద్దాం.

పాస్‌పోర్ట్ ర్యాంకింగ్‌ల గురించి తరచూ వినే ఉంటాం. హెన్లీ పాస్‌పోర్ట్ ఇండెక్స్ ప్రపంచవ్యాప్తంగా పాస్‌పోర్ట్‌ల ర్యాంకింగ్‌లను విడుదల చేసింది. ఈ ర్యాంకింగ్స్‌లో ఏ దేశ పాస్‌పోర్ట్ ఎంత శక్తిమంతమైనదో తెలుసుకుందాం. ప్రస్తుతం భారతీయ పాస్‌పోర్ట్ హెన్లీ ఇండెక్స్‌లో 82వ స్థానంలో ఉంది. ఈ జాబితాలో సింగపూర్ పాస్‌పోర్ట్ అగ్రస్థానంలో ఉంది. హెన్లీ పాస్‌పోర్ట్ ఇండెక్స్ ప్రకారం.. సింగపూర్ పాస్‌పోర్ట్ అత్యంత శక్తివంతమైనది.

అయితే ప్రపంచంలోనే అత్యంత ఖరీదైన పాస్‌పోర్ట్ ఏ దేశంలో ఉందో తెలుసా? ఈ జాబితాలో టాప్-10 దేశాల జాబితాలో ఎవరు ఉన్నారు.. వాస్తవానికి, ప్రపంచంలోనే అత్యంత ఖరీదైన పాస్‌పోర్ట్ సింగపూర్, అమెరికా లేదా దుబాయ్ లు కావు. కానీ ప్రపంచంలోనే అత్యంత ఖరీదైన పాస్‌పోర్ట్ మెక్సికో. మెక్సికన్ పాస్‌పోర్ట్ 10 సంవత్సరాల చెల్లుబాటు కోసం సుమారు రూ. 19,481.75 చెల్లించాలి. అమెరికా, ఆస్ట్రేలియాల 10 సంవత్సరాల పాస్‌పోర్ట్ ధర వరుసగా రూ. 13,868, రూ. 19,041లను చెల్లించాల్సి ఉంటుంది.

ఈ దేశాల పాస్‌పోర్ట్ అత్యంత ఖరీదైనది-
మెక్సికో (10 సంవత్సరాల పాస్‌పోర్ట్)
ఆస్ట్రేలియా
అమెరికా
మెక్సికో (6 సంవత్సరాల పాస్‌పోర్ట్)
న్యూజిలాండ్
ఇటలీ
కెనడా
బ్రిటన్
మెక్సికో (3 సంవత్సరాలు)
ఫిజీ

అయితే ఈ జాబితాలో భారత్ ఎక్కడ ఉంది?
వార్షిక వ్యయం పరంగా భారతీయ పాస్‌పోర్ట్ రెండవ చౌకైనది. వార్షిక చెల్లుబాటు ధర పరంగా భారతదేశ పాస్‌పోర్ట్ చౌకైనది. ఈ పరిశోధన నివేదిక ప్రకారం, భారతీయ పాస్‌పోర్ట్ జాబితాలో రెండవ చౌకైన పాస్‌పోర్ట్, ఇక్కడ 10 సంవత్సరాల చెల్లుబాటుతో భారతదేశంలో పాస్‌పోర్ట్ చేయడానికి అయ్యే ఖర్చు 18.07అమెరికా డాలర్లు అంటే సుమారు రూ. 1524.95.