Thailand Cambodia Conflict: యుద్ధాలు ఆపుతానని అధికారం చేపట్టిన అమెరికా అధ్యక్షుడు డొనాల్డ్ ట్రంప్.. అధికారంలోకి వచ్చి ఏడాది కావొస్తున్నా.. ఒక్క యుద్ధం కూడా పూర్తిగా ఆపలేదు. బలవంతంగా తాత్కాలిక శాంతి ఒప్పందాలు కుదిర్చాడు. కొన్ని రోజులకే ఆ ఒప్పందాలు బ్రేక్ అవుతున్నాయి. ఇక ఉక్రెయి. రష్యా యుద్ధం ఆపే ప్రయత్నంలో ట్రంప్ తన పరువు కూడా పోగొట్టుకున్నాడు. ఇక ఆపని యుద్ధాలు తన ఖాతాలో వేసుకోవాలని చూశాడు. నోబెల్ శాంతి బహుమతి కొట్టేద్దామనుకున్నాడు. కానీ, నోబెల్ కమిటీ ట్రంప్ను అసలు పరిగణనలోకి తీసుకోలేదు. ఇక తాజాగా థాయ్లాండ్–కాంబోడియా యుద్ధం మళ్లీ మొదలైంది.
ప్రీహ్ విహీర్ గుడి కోసం..
థాయ్లాండ్, కాంబోడియా మధ్య పూర్వకాల సంక్షోభం కొనసాగుతూ, వివాదాస్పద ప్రీహ్ విహీర్ గుడి పరిధిలో తీవ్ర కాల్పులు సంభవించాయి. కాంబోడియా సైనికులు గ్రెనేడ్ లాంచర్లు, చిన్న ఆయుధాల సహాయంతో కాల్పులకు దిగగా, దీనిపై థాయ్ సేన ఎదురుతిరుగుడు చర్యలు చేపట్టింది. మరోవైపు థాయ్ మిలిటరీ కాంబోడియా స్థలాలపై 8 బాంబులు వేసింది. దీంతో ఉద్రిక్తతలు మరింత పెరిగాయి.
జులైలో శాంతి ఒప్పందం..
ఫీజర్ డీల్గా గుర్తింపు పొందిన ఒప్పందం జులై నెలలో 5 రోజులు అధికారిక రకంగా యుద్ధం చేసిన తరువాత అమెరికా అధ్యక్షుడు డొనాల్డ్ ట్రంప్ మేరకు అక్టోబర్ వరకు సీజ్ఫైర్ అమలు చేసింది. దీనిని పొడిగించడంలో అమెరికా విఫలమైంది. దీంతో మళ్లీ యుద్ధం మొదలైంది.
యుద్ధానికి కారణాలు..
అయితే, ఈ పరిణామం రెండు దేశాల మధ్య మౌలిక విభేదాలు ఇంకా పూర్తిగా తీర్చుకోలేదన్న సూచన. ప్రాచీన గుడికి సంబంధించిన భవిష్యత్ హక్కులు, సరిహద్దు వ్యవహారాలు ఇంకా పరిష్కారం కావడం లేదు. ఇది ఇలాంటి వివాదాలకు, తాత్కాలిక ఒప్పందాల పరిమితుల మీద మళ్లీ ఒక్కసారి కీలక సందేహాలు రేపింది.
