Pakistan Shopping Mall Fire: ఆ బాలుడికి 11 సంవత్సరాలు. ఈ వయసు ఉన్న పిల్లలు స్కూల్ కి వెళ్తారు. బుద్ధిగా చదువుకుంటారు. సాయంత్రం స్నేహితులతో ఆడుకుంటారు. పరీక్షలు ఉంటే రాస్తారు.. పుస్తకాలతో కుస్తీపడతారు. అటువంటి ఆ బాలుడు దారి తప్పాడు. ఘోరంగా వ్యవహరించాడు. చివరికి చేయకూడని దారుణం చేసేసాడు.
ఈ ఏడాది జనవరిలో పాకిస్తాన్ లోని కరాచీ ప్రాంతంలో షాపింగ్ మాల్ లో ఘోర అగ్ని ప్రమాదం చోటుచేసుకుంది. ఏకంగా 72 మంది చనిపోయారు. ఆ ఘటన అప్పట్లోనే సంచలనం కలిగించింది. మొదట్లో ఈ దారుణానికి పాల్పడింది ఉగ్రవాదులని వార్తలు వచ్చాయి. పాకిస్తాన్ దేశంలో ఇటువంటి దాడులు.. బాంబు పేలుడులు సర్వసాధారణం. పైగా ఉగ్రవాదులు అక్కడ నిత్యం మారణహోమం సృష్టిస్తూనే ఉంటారు. కరాచీనగరంలో జరిగిన సంఘటనను కూడా చాలామంది పెద్దగా పట్టించుకోలేదు.
ఈ కేసు వ్యవహారంలో ఇటీవల రాజకీయ ఒత్తిళ్లు వచన నేపథ్యంలో పోలీసులు తాజాగా ఛార్జ్ షీట్ దాఖలు చేశారు. ఈ ఘటనకు పాల్పడింది ఉగ్రవాదులు కాదని.. ఆత్మాహుతి దళాలు కాదని.. అదంతా కూడా 11 సంవత్సరాల బాలుడి పని అని పోలీసుల దర్యాప్తులో తెలింది. ఈ కేసు విచారణలో భాగంగా అతడి తండ్రిని.. మరో నలుగురిని పోలీసులు నిందితులుగా చేర్చారు. అంతేకాదు ఆ బాలుడు ఫ్లవర్ షాపులో అగ్గిపుల్లతో ఆడుకుంటుండగా నిప్పు పెట్టాడు.. ఈ ప్రమాదంలో ఏకంగా 72 మంది చనిపోయారు.. కాగా ఈ ఘటనకు పాల్పడిన వారు మొత్తం ఇప్పటికీ పరారీ లోనే ఉన్నారు.
ఈ ఘటన ప్రమాదం వల్ల జ రిగింది కాదని.. ఉద్దేశపూర్వకంగా చేశారని తెలుస్తోంది. ఫలితంగా 72 మంది చనిపోయారని అక్కడ అధికారులు చెబుతున్నారు. వాస్తవానికి రాజకీయంగా ఒత్తిడి రాకపోతే ఇలా ఉండేది కాదని.. చనిపోయిన వారిలో కొంతమంది అక్కడి రాజకీయ నాయకులకు అత్యంత దగ్గరవారని.. అందువల్లే ఈ కేసు దర్యాప్తు జనవరి తర్వాత ఎన్ని రోజులకు మొదలైందని ప్రచారంలో ఉంది. పరారీలో ఉన్న నిందితులను త్వరలోనే పట్టుకుంటామని పోలీసులు చెబుతున్నారు.
