Vijay Sethupathi: విజయ్ సేతుపతి చేసిన ఈ పనికి అంతా ఫిదా

Vijay Sethupathi

Follow us on

Vijay Sethupathi: తమిళ నటుడు హీరో విజయ్ సేతుపతి గురించి ప్రత్యేకంగా చెప్పాల్సిన అవసరం లేదు. హీరోగా ఈయన ఎన్నో సినిమాల్లో నటించి మెప్పించారు. తెలుగు, హిందీ, తమిళ్ చిత్రాల్లో నటించి మెప్పించిన ఈ హీరో విలన్ పాత్రల్లో మెరుస్తున్నారు. ఎంత పెద్ద హీరో అయినా సరే పెద్దలంటే అమితమైన గౌరవంగా ఉంటారు ఈ హీరో. ఎక్కడ పెద్ద వాళ్ళు కనిపించినా సరే వారికి పాదాభివందనం చేస్తుంటారు విజయ్. అందరి ఆశీర్వాదాలు తీసుకుంటారు.

ఇప్పుడు హీరో విజయ్ సేతుపతి చేసిన ఒ పని సోషల్ మీడియాలో తెగ వైరల్ గా మారింది. తమిళనాట లోక్ సభ ఎన్నికలు జరుగుతున్న సమయంలో ఈయన చేసిన పని మెప్పుకోలు గా ఉంది. ఇక దేశవ్యాప్తంగా నిన్న తొలి దశ పోలింగ్ ప్రారంభమైంది. నిన్న ఉదయం నుంచి ప్రారంభమైన ఈ ఎన్నికల్లో ఓటు వేసేందుకు కోలీవుడ్ స్టార్స్ క్యూ కట్టారు. సెలబ్రెటీలు మాత్రమే కాదు ప్రజలు కూడా ఓటు హక్కును వినియోగించుకోవడానికి పోలింగ్ కేంద్రాలకు వచ్చారు.

పోలింగ్ కేంద్రాల్లో సెలబ్రెటీలు, సామాన్య ప్రజలు అందరూ కూడా ఉత్సాహం చూపించారు. ఈ సందర్భంలో కోలీవుడ్ స్టార్ హీరో విజయ్ సేతుపతి ఓటు వేయడానికి పోలింగ్ కేంద్రానికి వచ్చారు. ఈ సందర్భంలో నడవలేని ఓ వృద్ధురాలు విజయ్ ను సెల్ఫీ కోరింది. విజయ్ నటన అంటే తనకు చాలా ఇష్టమని పేర్కొంది. అతను భవిష్యత్తులో ఇంకా మంచి ప్రాజెక్ట్ లు చేస్తారని చెప్పుకొచ్చింది కూడా. అప్పుడే విజయ్ సేతుపతి ఆమె వద్ద ఉన్న సెల్ ఫోన్ తీసుకొని ఆ వృద్ధురాలి తో సెల్ఫీ దిగారు.

సెల్ఫీ దిగి ఆనందం వ్యక్తం చేశారు విజయ్. తల్లి లాంటి వ్యక్తి అని కాళ్లకు నమస్కరించి ఆశీర్వాదం తీసుకున్నారు. ఆ సందర్భంగా అక్కడున్న వారు తీసిన వీడియో కూడా తెగ వైరల్ గా మారింది. మరి మీరు కూడా ఓ లుక్ వేయండి. ఈ మధ్య విలన్ పాత్రల్లో మెప్పించిన విజయ్ ఇక నుంచి విలన్ పాత్రలను చేయనని గతంలోనే అన్నారు. మరి ముందు ముందు ఆయన సినిమాలు ఎలా ఉంటాయో చూడాలి.