IPL 2023: ఇండియన్ ప్రీమియర్ లీగ్ విజేత కావడమే లక్ష్యంగా ఈ ఏడాది 10 జట్లు పోటీ పడుతున్నాయి. మరో వారం రోజుల్లో ఈ లీగ్ ఆరంభం కాబోతోంది. ఇప్పటికే ఫేవరెట్ జట్లు ఏవన్న దానిపై సర్వత్రా చర్చ సాగుతోంది. మా టీము విజయం సాధిస్తుందంటే.. మా టీమ్ అంటూ యువత పెద్ద ఎత్తున చర్చ సాగిస్తున్నారు. ఈ సీజన్ గెలిచే అవకాశాలు ఉన్న ఆ జట్లపై అందిస్తున్న ప్రత్యేక కథనం.
ఇండియన్ ప్రీమియర్ లీగ్ మరికొద్ది రోజుల్లో ప్రారంభం కాబోతోంది. తాజా ఈ లీగ్ లో తమ లక్ ను పరీక్షించుకునేందుకు 10 జట్లు సిద్ధమవుతున్నాయి. పేపర్ మీద ప్రతి జట్టు కూడా బలంగానే కనిపిస్తుంది. అయితే, మైదానంలోకి దిగితేనే అసలు సత్తా ఏంటో తెలుస్తుంది. ఈ ఏడాది జరిగే ఐపీఎల్ లో నాలుగు జట్లు హాట్ ఫేవరెట్స్ గా బరిలోకి దిగుతున్నాయి.
ఇండియన్ ప్రీమియర్ లీగ్ 2023 సీజన్ ఆరంభానికి సమయం ఆసన్నమైంది. ఈనెల 31 నుంచి 16 వ సీజన్ ఘనంగా ప్రారంభం కానుంది. మార్చి 31న ఆరంభమయ్యే ధనాధన్ సమరం మే 28న జరిగే ఫైనల్ తో ముగుస్తుంది. ఈ సీజన్లో పది జట్లు ఆడుతున్నాయి. పేపర్ మీద ప్రతి జట్టు కూడా బలంగానే కనిపిస్తోంది. అయితే మైదానంలోకి దిగితేనే అసలు సత్తా ఏంటో తెలుస్తుంది. ఈ ఏడాది జరిగే ఐపీఎల్ లో నాలుగు జట్లు హాట్ ఫేవరెట్స్ గా బరిలోకి దిగుతున్నాయి.
గుజరాత్ టైటాన్స్..
ఎటువంటి అంచనాలు లేకుండా గత ఏడాది ఐపిఎల్ లో అరంగేట్రం చేసిన గుజరాత్ టైటాన్స్ ఏకంగా చాంపియన్ గా అవతరించింది. హార్దిక్ పాండ్యా కెప్టెన్సీకి ప్లేయర్ల ఆట తోడవడంతో 2022 సీజన్లో గుజరాత్ టైటాన్స్ కు ఎదురే లేకుండా పోయింది. ఈ ఏడాది డిఫెండింగ్ ఛాంపియన్ గా అడుగుపెడుతున్న గుజరాత్ టైటాన్స్ మరోసారి టైటిల్ రేసులో ముందంజలో ఉందని చెప్పాలి. గత సీజన్ కు ఈ సీజన్ కు జట్టులో పెద్దగా మార్పులు లేవు. హార్దిక్ తో పాటు సుబ్ మన్ గిల్, డేవిడ్ మిల్లర్, రాహుల్ తెవాటియ, షమీ, రషీద్ ఖాన్ ల రూపంలో గుజరాత్ టైటాన్స్ చాలా బలంగా కనిపిస్తోంది. ఐర్లాండ్ బౌలర్ జాస్ లిటిల్ జట్టులో ఉండడం గుజరాత్ కు సానుకూల అంశం. ఈ క్రమంలో గుజరాత్ టైటాన్స్ ఐపీఎల్ టైటిల్ ను రెండోసారి ముద్దాడే అవకాశం కనిపిస్తోంది.
ఛాంపియన్ ఆట తీరుతో ముంబై..
2022 సీజన్ ముంబై ఇండియన్స్ కు పీడ కల లాంటిది. కీలక ప్లేయర్లను కోల్పోయిన తరువాత కొత్త జట్టుతో ముంబై ఆశించిన స్థాయిలో రాణించలేదు. పాయింట్లు పట్టికలో అట్టడుగు స్థానంలో నిలిచింది. అయితే ఈసారి మాత్రం ముంబై మరోసారి ఛాంపియన్ ఆట తీరును ప్రదర్శించే అవకాశం ఉంది. బుమ్రా లేకపోయినా జోఫ్రా ఆర్చర్ రూపంలో జట్టులో నాణ్యమైన బౌలర్ ఉన్నాడు. ఇక రోహిత్ శర్మ, సూర్య కుమార్ యాదవ్, ఇషాన్ కిషన్, తిలక్ వర్మ, టిమ్ డేవిడ్, గ్రీన్ రూపంలో జట్టులో పవర్ హిట్టర్లకు కొదవలేదు. ముంబై ఇండియన్స్ ఐపీఎల్ టైటిల్ ను ఆరోసారి నెగ్గే అవకాశం కనిపిస్తోంది.
రాజసంగా కనిపిస్తున్న రాజస్థాన్ రాయల్స్..
గత సీజన్లో తృటిలో టైటిల్ను చేజార్చుకున్న రాజస్థాన్ రాయల్స్.. ఈసారి ఐపీఎల్ లో ఫేవరెట్ గా బరిలో దిగుతోంది. గుజరాత్ టైటాన్స్ మాదిరే జట్టులో పెద్దగా మార్పులు చేయలేదు. సంజు సాంసన్ సారధ్యంలో రాజస్థాన్ రాయల్స్ బ్యాటింగ్, బౌలింగ్ విభాగాల్లో బలంగా ఉంది. సంజు సాంసన్, జోష్ బట్లర్, దేవ దత్ పడిక్కల్, యశస్వి జైస్వాల్ తో కూడిన బ్యాటింగ్ విభాగం బలంగా కనిపిస్తోంది. బౌల్ట్, అశ్విన్, చాహల్ రూపంలో బౌలింగ్ విభాగం కూడా పటిష్టంగానే కనిపిస్తోంది. ఈ క్రమంలో రాజస్థాన్ కు ఐపీఎల్ 16వ సీజన్ గెలిచే సత్తా కనిపిస్తోంది.
డార్క్ హార్స్ గా బరిలోకి సన్ రైజర్స్ హైదరాబాద్..
వీటితోపాటు సన్ రైజర్స్ హైదరాబాద్ డార్క్ హార్స్ గా బరిలోకి దిగుతోంది. గత సీజన్లో ఎనిమిదవ స్థానంలో నిలిచిన ఈ జట్టు.. సీజన్ కు పూర్తి మార్పులతో బరిలోకి దిగుతోంది. యువర్ ప్లేయర్ హెడేన్ మార్క్రం కు సారధ్య బాధ్యతలను మేనేజ్మెంట్ అప్పగించింది. వేలంలో మయాంక్ అగర్వాల్, హ్యారీ బ్రూక్, క్లాసేన్, ఆదిల్ రషీద్ లాంటి ప్లేయర్లను కొనుగోలు చేసింది. దీంతో ఈ జట్టు బలంగానే ఈ సీజన్లో కనిపిస్తోంది. ఇక బౌలింగ్ విభాగానికి వస్తే భువనేశ్వర్ కుమార్, నటరాజన్, ఉమ్రాన్ మాలిక్ లతో పటిష్టంగా ఉంది. డార్క్ హార్సుగా బరిలోకి దిగుతున్న సన్ రైజర్స్ హైదరాబాద్ ఎవరు ఊహించని విధంగా ఐపీఎల్ 16వ సీజన్ టైటిల్ గెలిచే అవకాశం కనిపిస్తోంది.
