Lions: బోను నుంచి తప్పించుకున్న సింహాలు.. పారిపోయిన జనాలు.. వైరల్ వీడియో

Lions: సింహాలు చూస్తేనే భయం వేస్తుంది. బోనులో ఉన్నప్పుడు వాటి దగ్గరకు వెళ్లడానికే జంకుతాం. అలాంటిది అవి ఎన్ క్లోజర్ నుంచి తప్పించుకుని మనవైపు వస్తే ఇంకేమైనా ఉందా? మన గుండెలు జారిపోతాయి. సింహాలను చూస్తే మన ప్రాణాలు పైనే పోతాయి. నిజంగా ఇలాంటి సంఘటన చోటుచేసుకోవడంతో వారికి ఏం తోచక పరుగులు పెట్టారు. సింహాల రాకతో ఒక్కసారిగా ఉలిక్కి పడి అక్కడి నుంచి బతుకు జీవుడా అంటూ ప్రాణాలు కాపాడుకున్నారు.

తాజాగా చైనాలోని హెనాన్ ప్రావిన్స్ లుయోయాంగ్ ప్రాంతంలో చోటు చేసుకుంది. సర్కస్ లో విన్యాసాలు చేసే సింహాలు తప్పించుకోవడంతో జనం చెల్లాచెదురయ్యారు. వాటి గర్జింపుకు బెంబేలెత్తిపోయారు. అంతవరకు సరదాగా సర్కస్ వీక్షిస్తున్న ప్రేక్షకులకు మతి పోయింది. వాటిని చూడగానే భయంతో కేకలు పెడుతూ పరుగులు పెట్టారు.

సర్కస్ లో ఓ రింగ్ లోంచి సింహాలను దూకిస్తున్నారు. అవి మొరాయించడంతో శిక్షకులు వాటిని బలవంతంగా దూకించే ప్రయత్నం చేశారు. ఎన్ క్లోజర్ రెండో వైపు సరిగా లాక్ చేయకపోవడంతో అవి అక్కడ నుంచి బయటకు వచ్చేశాయి. దీంతో వాటిని చూసిన జనం కాళ్లకు పనిచెప్పారు. వాటి భయంతో అందరు వెళ్లిపోయారు. దీనిపై సర్కస్ యాజమాన్యం మాత్రం ఎలాంటి ప్రకటన విడుదల చేయలేదు.

ఈ ఘటనతో అందరు నివ్వెరపోయారు. ఇది సామాజిక మాధ్యమాల్లో వైరల్ గా మారింది. దీనిపై అధికారులు విచారణకు ఆదేశించారు. సర్కస్ వాళ్ల లోపం గురించి దర్యాప్తు చేపట్టనున్నారు. జంతుప్రేమికులు సింహాలను వేధించడంపై ఆగ్రహం వ్యక్తం చేస్తున్నారు. నోరులేని జీవాలను వేధిస్తూ సర్కస్ చేయించడం చట్టవిరుద్ధమంటూ ప్రకటనలు చేస్తున్నారు. దీంతో సర్కస్ ను నిలిపివేశారు.