Rashmika Mandanna: భౌతికంగా దూరమైన స్టార్ హీరోని తలచుకొని రష్మిక ఎమోషనల్ అయ్యారు. ఆయనతో చేసిన సినిమా జ్ఞాపకాలు నెమరువేసుకున్నారు.ఈ క్రమంలో రష్మిక సోషల్ మీడియా పోస్ట్ వైరల్ అవుతుంది. కన్నడ అమ్మాయి అయిన రష్మిక కెరీర్ శాండిల్ వుడ్ లో స్టార్ట్ అయ్యింది. ఆమె ఫస్ట్ మూవీ కిరాక్ పార్టీ హిట్. దీంతో సెకండ్ మూవీనే స్టార్ హీరోతో చేసే ఛాన్స్ దక్కించుకుంది. ఆయనెవరో కాదు పునీత్ రాజ్ కుమార్. 2017లో దర్శకుడు హర్ష తెరకెక్కించిన అంజనీపుత్ర చిత్రంలో పునీత్ రాజ్ కుమార్-రష్మిక జంటగా నటించారు. అంజనీపుత్ర మంచి విజయం సాధించింది.
అంజనీ పుత్ర మూవీ విడుదలై 5 సంవత్సరాలు పూర్తి చేసుకుంది. ఈ సందర్భంగా పునీత్ రాజ్ కుమార్ ని ఆమె తలచుకున్నారు. బౌతికంగా అందరికీ దూరమైన పునీత్ గురించి ఆమె ఎమోషనల్ అయ్యారు. ‘అంజనీపుత్ర చిత్రం విడుదలై ఐదేళ్లు అవుతుంది. పునీత్ సర్ తో జరిగిన సంభాషణలు, ఆయన నాలో నింపిన ఆత్మవిశ్వాసం ఇంకా గుర్తు ఉన్నాయి. ఆయన గొప్ప మనసు గల వ్యక్తి. నా హృదయంలో ఆయన లేని కారణంగా ఏర్పడిన లోటు ఎవరూ భర్తీ చేయలేనిది. ఈ చిత్రంలో అవకాశం ఇచ్చిన హర్ష సర్ మీకు ధన్యవాదాలు. ఈ చిత్రం నాకు ఒక వరం..’ అని ట్వీట్ చేశారు.
రష్మిక ట్వీట్ వైరల్ అవుతుంది. పునీత్ రాజ్ కుమార్ పై ఆమెకున్న ప్రేమ, గౌరవాభిమానాలు ఈ ట్వీట్ తెలియజేస్తుంది. 2021 అక్టోబర్ 29న పునీత్ రాజ్ కుమార్ హఠన్మరణం పొందారు. కార్డియాక్ అరెస్ట్ కి గురైన ఆయన ఆసుపత్రికి వెళ్లే లోపే కన్నుమూశారు. గుండెల్లో బాధగా ఉందన్న పునీత్ ఆసుపత్రికి బయలుదేరారు. కారులోనే ఆయన కూలబడిపోయినట్లు సమాచారం. ఐదు నిమిషాల వ్యవధిలో ఆసుపత్రికి చేరినా ఫలితం లేకుండా పోయింది. పునీత్ మరణం కన్నడ దేశాన్ని దిగ్భ్రాంతికి గురి చేసింది. ఆయన మరణాన్ని ఎవరూ జీర్ణించుకోలేకయారు.
పునీత్ ఆరోగ్యం విషయంలో చాలా శ్రద్ధ తీసుకుంటారు. డైలీ వ్యాయామం చేస్తారు. అలాంటి పునీత్ కార్డియాక్ అరెస్ట్ కి గురికావడం దురదృష్టకరం. ఎన్టీఆర్, రామ్ చరణ్, బాలకృష్ణ వంటి టాలీవుడ్ స్టార్స్ పునీత్ రాజ్ కుమార్ కుటుంబాన్ని కలిసి సంతాపం తెలియజేశారు. పునీత్ మరణించే నాటికి మూడు చిత్రాలు సెట్స్ పై ఉన్నాయి. ఆయన మరణానంతరం జేమ్స్, గందద గుడి అనే చిత్రాలు విడుదలయ్యాయి. రాజ్ కుమార్ సినీ వారసుడిగా పరిశ్రమలో అడుగుపెట్టిన పునీత్ స్టార్ హీరో అయ్యారు.
It’s #5YearsForAnjaniPutra already🤍
I keep thinking about the conversations with @PuneethRajkumar sir and he was more confident in me than myself always. He has the best heart, forever will be irreplaceable in my heart. Thankyou Harsha sir for this film,it means a lot to me.🌸— Rashmika Mandanna (@iamRashmika) December 21, 2022
