Most Beautiful Women: ప్రపంచంలో అందమైన అమ్మాయిలు ఎక్కువగా ఉన్న దేశాలకు ఇన్సైడర్ మంకీ(Insaider Monkey) ఏటా ర్యాంకులు ఇస్తోంది. తాజాగా 2025 సంవత్సరానికి సంబంధించిన నివేదిక విడుదల చేసింది. ఈ నివేదిక “20 Countries with Most Beautiful Women in Asia” ప్రకారం, సౌత్ కొరియా ఆసియాలో అత్యంత అందమైన మహిళలు ఉన్న దేశంగా మొదటి స్థానంలో నిలిచింది. సౌత్ కొరియన్ మహిళలు తమ సౌందర్యం, చర్మ సంరక్షణలో శ్రద్ధ, ఫ్యాషన్లో అగ్రస్థానంతో ప్రపంచ గుర్తింపు సాధించారు.
చర్మ సౌందర్యంలో అగ్రగామి
సౌత్ కొరియాను ‘బ్యూటీ క్యాపిటల్ ఆఫ్ ది వరల్డ్‘(Beauty Capital of The World) అని పిలుస్తారు. ఇక్కడి మహిళలు నెలకు సగటున 700 డాలర్లు చర్మ సంరక్షణ ఉత్పత్తులపై ఖర్చు చేస్తారు. ‘గ్లాస్ స్కిన్‘ వంటి ట్రెండ్లు ఇక్కడి నుంచే ప్రపంచవ్యాప్తంగా వ్యాపించాయి. ఈ అలవాటు వారి సహజ అందాన్ని మరింత ఆకర్షణీయంగా మార్చుతుంది.
K–పాప్, K–డ్రామాల ప్రభావం
K–పాప్ గ్రూప్లైన బ్లాక్పింక్, ట్వైస్, నటీమణులైన సాంగ్ హై–క్యో, జున్ జీ–హ్యూన్ సౌత్ కొరియన్ సౌందర్యాన్ని గ్లోబల్ వేదికపై చాటారు. వీరి స్టైల్, గ్లామర్ యువతను ఆకర్షిస్తూ, సౌందర్య ప్రమాణాలను పెంచాయి. ఈ సాంస్కతిక ప్రభావం సౌత్ కొరియా స్థానాన్ని బలపరిచింది.
కాస్మెటిక్ సర్జరీలో అగ్రతాంబూలం
సౌత్ కొరియా(South coria)లో ప్రతి ఐదుగురిలో ఒకరు కాస్మెటిక్ ప్రొసీజర్లు చేయించుకుంటారు. 2020లో ఇంటర్నేషనల్ సొసైటీ ఆఫ్ ఈస్తటిక్ ప్లాస్టిక్ సర్జరీ డేటా ప్రకారం, ప్రతీ 1000 మందికి 13.5 సర్జరీలతో ఇది ప్రపంచంలోనే అత్యధికం. ఈ ట్రెండ్ ఆదర్శ రూపాన్ని సాధించడంలో కీలక పాత్ర పోషిస్తోంది.
ఆసియాలో ఇతర దేశాలతో పోలిక
నివేదికలో బ్రెజిల్, అమెరికా, జపాన్, మెక్సికో, జర్మనీ, కొలంబియా, థాయ్లాండ్, ఇటలీ, వెనెజులా, వియత్నాం, ఫిలిప్పీన్స్, ఇరాన్ తర్వాతి స్థానాల్లో నిలిచాయి. భారత్ 18వ స్థానంలో నిలిచింది. అయితే, సౌత్ కొరియా తన బ్యూటీ ఇండస్ట్రీతో 2024లో 1.76 బిలియన్ డాలర్ల ఆదాయ అంచనాతో మిగతా దేశాలను మించిపోయింది. ఈ పరిశ్రమ అందానికి కొత్త నిర్వచనాలను అందిస్తోంది.
