Namrata Shirodkar: నమ్రత శిరోద్కర్ సోషల్ మీడియా ఫ్రీక్. తనకు సంబంధించిన చాలా విషయాలు నమ్రత సోషల్ మీడియాలో పంచుకుంటూ ఉంటారు. ఫ్యామిలీ వెకేషన్ ఫోటోలు, వీడియోలు షేర్ చేస్తారు. సితార అల్లరి, టాలెంట్స్ కి సంబంధించిన సోషల్ మీడియా పోస్ట్స్ ఎక్కువగా చేస్తుంటారు. అలాగే అప్పుడప్పుడు గ్లామరస్ ఫోటో షూట్స్ చేసి వాటిని అభిమానుల కోసం ఇంస్టాగ్రామ్ లో షేర్ చేశారు. ధనవంతులైన సెలెబ్రిటీలు కాబట్టి సీజన్ కి తగ్గట్టు బట్టలు ధరిస్తారు.
వింటర్ వేర్ ధరించి నమ్రత స్టైలిష్ ఫోటో షూట్ చేసింది. స్వెట్టర్, జీన్స్ లో నమ్రత సూపర్ గ్లామరస్ గా ఉన్నారు. తన ఫోటోలకు నమ్రత ఒక రొమాంటిక్ కామెంట్ కూడా జోడించారు. చల్లని శీతాకాలం… నాలో వేడి పుట్టించండి, అని కామెంట్ పోస్ట్ చేశారు. నమ్రత లేటెస్ట్ ఫోటోస్ క్షణాల్లో వైరల్ అయ్యాయి. ఇక నమ్రత లుక్ కి నెటిజెన్స్ ఫిదా అవుతున్నారు. ఘట్టమనేని ఫ్యామిలీ విషయంలో ఏజ్ అనేది రివర్స్ అవుతుందని కామెంట్ చేస్తున్నారు.
నమ్రత ప్రస్తుత ఏజ్ 50 ఏళ్ళు కాగా… ఈ వయసులో ఇంత స్లిమ్, ఫిట్ అండ్ గ్లామరస్ గా ఉండటం ఎలా సాధ్యం అంటున్నారు. టాలీవుడ్ టాప్ స్టార్ గా ఉన్న మహేష్ మోస్ట్ హ్యాండ్సమ్ హీరోగా పేరు తెచ్చుకున్నారు. ఆయన భార్యగా నమ్రత ఆ మాత్రం అందం కలిగి ఉండాలి. మరో విశేషం ఏమిటంటే… నమ్రత భర్త మహేష్ కంటే వయసులో పెద్దది. దాదాపు మూడేళ్లు వీరికి ఏజ్ గ్యాప్ ఉంది.
కాగా నమ్రత గ్లామరస్ ఫోటోస్ పై నెటిజన్లు ప్రశంసలు కురిపిస్తున్నారు. బ్యూటిఫుల్, గార్జియస్ అంటూ కామెంట్స్ పోస్ట్ చేస్తున్నారు. 2005లో నమ్రత-మహేష్ ప్రేమ వివాహం చేసుకున్నారు. అత్యంత సన్నిహితుల మధ్య మహేష్ వివాహం ఎవరికీ తెలియకుండా నిరాడంబరంగా జరిగింది. వంశీ మూవీలో మహేష్-నమ్రత కలిసి నటించారు. ఆ సినిమా షూటింగ్లో ప్రేమ చిగురించింది.
బెస్ట్ వైఫ్ గా పేరు తెచ్చుకున్న నమ్రత మహేష్ కి అన్నీ తానై వ్యవహరిస్తున్నారు. పెళ్లి తర్వాత మహేష్ కోసం కుటుంబం కోసం కోరుకున్న కెరీర్ వదిలేసింది. ప్రస్తుతం మహేష్ వ్యక్తిగత మేనేజర్ గా నమ్రత వ్యవహరిస్తున్నారు. ఆయన డేట్స్, ఎండార్స్మెంట్ చూసుకుంటున్నారు. ఫ్యామిలీ తరపున పలు వ్యాపారాలు చేస్తున్నారు.
