Hardik chit chat with Kohli : టీ20 ప్రపంచకప్లో పాకిస్తాన్పై భారత్ చిరస్మరణీయ విజయం సాధించింది. టీమ్ఇండియా తరఫున విరాట్ కోహ్లీ, హార్దిక్ పాండ్య కీలక పాత్ర పోషించారు. దీంతో ఆసీస్ వేదికగా జరుగుతోన్న పొట్టికప్లో టీమ్ ఇండియా శుభారంభం చేసింది. పాకిస్థాన్పై విజయం సాధించడంలో విరాట్ కోహ్లీ, హార్దిక పాండ్య కీలక పాత్ర పోషించారు. వీరిద్దరూ శతక భాగస్వామ్యం నిర్మించారు. మరీ ముఖ్యంగా విరాట్ తనదైన శైలిలో పాక్ బౌలర్లపై విరుచుకుపడి చివరి వరకు క్రీజ్లో ఉండి జట్టుకు విజయం చేకూర్చాడు. ప్రమాదకరమైన పాక్ బౌలర్ హారిస్ రవుఫ్ బౌలింగ్లో వరుసగా రెండు సిక్స్లు బాదిన విరాట్ మ్యాచ్ను భారత్వైపు తిప్పాడు. మ్యాచ్ అనంతరం ప్రత్యేకంగా విరాట్తో హార్దిక్ సంభాషించాడు. ఈ వీడియోను బీసీసీఐ తన వెబ్సైట్లో ఉంచింది. కోహ్లీ అద్భుత ప్రదర్శనను హార్దిక్ ఆకాశానికి ఎత్తేశాడు.
‘‘హారిస్ బౌలింగ్లో నువ్వు కొట్టిన ఆ రెండు సిక్స్లు చాలా కీలకం. ఒకవేళ అప్పుడు కొట్టకపోతే మ్యాచ్ దూరమై ఉండేది. నేను చాలాసార్లు సిక్స్లు కొట్టాను.. కానీ నువ్వు బాదిన ఇవి మాత్రం చాలా చాలా ప్రత్యేకం. అవే మనల్ని ∙విజయం వైపు నడిపించాయి. చాలా మంది క్రికెటర్లతో ఆడా. అయితే ఇలాంటి రెండు షాట్లు మాత్రం కోహ్లీ తప్పించి మరెవరూ కొట్టినట్లు నాకైతే గుర్తు లేదు. ఇక మ్యాచ్లో అత్యుత్తమం ఏంటంటే తీవ్రంగా ఇబ్బందిపడి గెలుపు శిఖరాలకు చేరాం. ఆ అనుభూతి కూడా అద్భుతం. చేజింగ్ సందర్భంగా మనం ఇద్దరం (కోహ్లీతో) మాట్లాడుకుంటూనే ఉన్నాం. అయితే ఇక్కడ పాక్ బౌలర్లను తక్కువగా అంచనా వేయకూడదు. వారు చాలా బాగా బౌలింగ్ చేశారు.. మ్యాచ్ సందర్భంగా డ్రెస్సింగ్ రూమంతా తీవ్ర ఒత్తిడిలో ఉంది. నాకు స్పష్టంగా తెలుస్తోంది. ఎందుకంటే నేను పెద్ద మ్యాచ్లో ఉన్నా. అయితే నావరకైతే ఎందుకో తెలియదు గ్రౌండ్లోకి వచ్చేసరికి నా మైండ్ మొద్దుబారిపోయింది. ఇదే నేను కోరుకుంది. ఇక్కడ ఉన్నందుకు చాలా ఆనందంగా ఉంది. మన జట్టుతో ఉన్న బంధం అద్భుతం. ఇక కీలక సమయంలో నేను రిస్క్ తీసుకున్నా. ఒత్తిడి రాకుండా ఉండేందుకు చూశా. నా లక్ష్యం చాలా సింపుల్. జీవితం సులభతరం కావడానికి ఏం చేయాలో దానిని చేయడానికి సిద్ధంగా ఉంటా. ఇలా చాలాసార్లు నువ్వు (కోహ్లీ) చేశావు. నీకంటే ఒత్తిడిని హ్యాండిల్ చేయగల సమర్థులు మరొకరు లేరు’’ అని హార్దిక్ కొనియాడాడు.
నెటిజన్ల ఫిదా..
హార్దిక్–కోహ్లీ చిట్చాట్ వీడియోను చూసిన నెటిజన్లు… ఫిదా అవుతున్నారు. హార్దిక్ స్ఫూర్తిని అభినందిస్తున్నారు. ఈ మ్యాచ్ విన్నింగ్కు ఇద్దరూ కారణం అంటూ కామెంట్స్ చేస్తున్నారు. బైలింగ్లో, బ్యాటింగ్లో హార్ధిక్ తీరును ప్రశంసిస్తున్నారు. ఇక.. కోహ్లీ ఆట తీరును ఎంజాయ్ చేశాం అని పేర్కొటున్నారు. చాలా ఏళ్ల తర్వాత మళ్లీ పాత కోహ్లీని చూశాం అంటూ అభినందిస్తున్నారు. ఈ మ్యాచ్ తర్వాత కోహ్లీని కెప్టెన్ రోహిత్ ఎత్తుకుని అభినందించిన తీరును కూడా ప్రశంసిస్తున్నారు. ఇండియా టీం యూనిటీకి నిదర్శనం అంటూ ఆ ఫొటోను ట్యాగ్ చేస్తున్నారు. మొత్తంగా పాక్పై టీం ఇండియా సాధించిన చిరస్మరణీయ విజయాన్ని క్రికెట్ అభిమానులు ఆస్వాదిస్తూనే ఉన్నారు.
https://twitter.com/BCCI/status/1584408357972025347?s=20&t=lwVoVKZHGxtBrk9XpxALNw
