Car Cool On Summer: ఎండలు దంచి కొడుతున్నాయి.. ఏ వైపు నుంచైనా వేడి గాలే వస్తోంది. అత్యవసరమైతే తప్ప బయటకు వెళ్లేవారు తక్కువే. ముఖ్యంగా కార్లలో తిరిగే వారు చాలా ఇబ్బందులకు గురవుతున్నారు. కొన్ని కార్లలో ఏసీ ఉన్నా.. అది ఉన్నంతసేపే హాయిగా ఉంటుంది. ఆ తరువాత బయటకొస్తే భరించలేని ఉష్ణోగ్రత. ఈ సమయంలో ఏసీ ఉన్నా.. కారు వేడిగా మారితే వేడిగాలే వస్తుంది. అయితే కారును చల్లగా ఉంచితే ఏసీ ఉన్నా.. లేకున్నా.. ఎండవేడి నుంచి తట్టుకోవచ్చు. అందుకు కొన్ని టిప్స్ పాటిస్తే సరిపోతుంది. మరి ఆ టిప్స్ ఏవో తెలుసుకోండి.
నీడలో పార్క్ చేయండి:
మనం బయటికి వెళ్లినప్పుడు కారు నీడలో పార్క్ చేసే విధంగా చూసుకోండి. కారు నీడలో ఉన్నంత సేపు లోపలి భాగంలో వేడెక్కదు. లోపల వేడి లేనంత సేపు ఏసీ ఉన్నా.. లేకున్నా.. చల్లగా ఉంటుంది.
విండో విజర్ ను ఉపయోగించాలి:
కార్లకు సన్ షేడ్ వేసుకోవడం వల్ల లోపలి భాగం కూల్ గా ఉంటుంది. మార్కెట్లో ఇవి తక్కువ ధరకే లభిస్తాయి. అయితే సన్ షేడ్ పేరు చెప్పి ఫిల్మ్ వాడకూడదు. ఇవి చట్టరీత్యా నేరం. ఇవి కాకుండా ఉండే విధంగా సన్ షేడ్ ను కొనుగోలు చేయాలి.
డ్యాష్ బోర్డ్ కవర్:
కారు డ్యాష్ బోర్డ్ ను కవర్ తో కప్పి ఉంచాలి. ఇవి ఎండవేడికి దెబ్బ తినకుండా కాపాడుతాయి. తెల్లటి టవల్ వంటి వాటితో కూడా దీనిపై కప్పి ఉంచొచ్చు. దీంతో ఎండ నుంచి రక్షణ పొందచ్చు.
కారు షీట్లను ఆహ్లదంగా ఉంచుకోండి..:
కారులో వినైల్ లేదా లెదర్ సీట్లు ఉండడం వల్ల ఎక్కువ వేడిని గ్రహిస్తాయి. అందువల్ల కారు సీట్లను చట్లగా ఉంచుకోవడానికి ప్రయత్నించాలి. సీట్లపై ఒక పీట్ తో కప్పి ఉంచడం బెటర్. కారు సీట్లు చల్లగా ఉంటే కూర్చునే వారికి హాయిగా ఉంటుంది.
కారు విండోస్ దించి ఉంచాలి:
ఎండాకాలంలో కారు డోర్లు పూర్తిగా మూసి ఉంచడం వల్ల వేడి అలాగే ఉంటుంది. కాస్త డోర్లు దించడం వల్ల బయటి గాలి లోపలికి, లోపలి గాలి బయటకు వెళ్లి రిలాక్స్ గా మారుతుంది. అందువల్ల ఎండాకాలంలో కారు డోర్లను కొంచెం దించి ఉంచండి.
స్టీరింగ్ ను జాగ్రత్తగా చూసుకోండి:
ఎండ లోపలి వరకు వెళ్తుంది కాబట్టి స్టీరింగ్ పై ఎఫెక్ట్ తొందరగా పడుతుంది. దీనిని పట్టుకోవడంతో కాస్త అసౌకర్యంగా ఉంటుంది. అందువల్ల దీనిపై టవల్ లేదా మెత్తడి గుడ్డను కప్పి ఉంచాలి.
