తమిళ హీరో ధనుష్, నాచ్యురల్ బ్యూటీ సాయిపల్లవి కలిసి నటించిన “మారి-2” మూవీలోని “రౌడీ బేబీ” సాంగ్ ను అప్పట్లో అందరూ ఎగబడి చూసారు. యూట్యూబ్ ను షేక్ చేస్తూ ఇప్పటికీ క్రేజీ రికార్డ్స్ ను నమోదు చేసిన సాంగ్ గానే ఈ పాట చరిత్రలో నిలిచిపోయింది. నిజానికి రెండేళ్ల క్రితం వరకూ అది యూత్ పార్టీ అయినా, ఫ్యామిలీ అకేషన్ అయినా ఇలా ప్రతి ఫంక్షన్ లో ఈ రౌడీ బేబీ సాంగే ఆదరగొడుతూ ఉండేది. దానికి తగ్గట్టు ఎవరి ఫోన్ రింగ్ చూసినా ఈ పాటనే రింగ్ టోన్ గా పెట్టుకునేవారంటే అతిశయోక్తి కాదు. అంతగా జనంలోకి వెళ్ళిపోయింది ఈ పాట.
అయితే ఇప్పుడిప్పుడే ఈ పాటను మర్చిపోతున్నారు. గత కొన్ని నెలలుగా యూట్యూబ్ లో ఈ సాంగ్ కి వ్యూస్ కూడా పెద్దగా రావడం లేదు. ఇక ఈ సాంగ్ ఓల్డ్ హిట్ సాంగ్స్ లిస్ట్ లో చేరిపోయింది అనుకున్న తరుణంలో మళ్ళీ ఓ డాక్టర్ పుణ్యమా అని ఇప్పుడు అంతా ‘రౌడీ బేబీ’ని మరోసారి ఆస్వాదిస్తూ ఎంజాయ్ చేస్తున్నారు. అయితే ఈ సారి ఒరిజినల్ ‘రౌడీ బేబీ’ని కాకుండా.. పేరడీ పాటను విని తెగ నవ్వుకుంటున్నారు నెటిజన్లు. మెయిన్ మ్యాటర్ లోకి వెళ్తే.. ప్రస్తుతం దేశంలో గుండె సంబంధిత వ్యాధితో బాధపడుతన్న వారి సంఖ్య రోజు రోజుకి పెరిగిపోతున్న సంగతి తెలిసిందే.
కాగా ప్రజలకు ఈ విషయంలో అవగాహన పెంచడానికి భాస్కర్ అనే డాక్టర్ వినూత్నంగా ఆలోచించి.. గుండె ఆరోగ్యం గురించి చెబుతూ ‘రౌడీ బేబీ’ పాటను పెరడీగా పాడి అందర్నీ నవ్వులు పూయించారు. మధ్యపానం, ధూమపానం చేయకూడదని, ఉప్పు, మసాల కూడా తక్కువగా తినాలని పాట రూపంలో చెప్పడంతో మొత్తానికి ఇప్పుడు ఈ పేరడీ పాట కూడా విపరీతంగా వైరల్ అవుతుంది. ప్రస్తుతం ఈ పేరడీ వీడియో సోషల్ మీడియాలో బాగా వైరల్ అవుతుంది.
ఇప్పటికే ఈ ‘రౌడీ బేబీ’ సాంగ్ యూట్యూబ్లో అత్యధిక వ్యూస్ సాధించి తన పేరిట సరికొత్త రికార్డున నమోదు చేసుకుంది. పైగా ఇండియా సినిమాల్లో ఏ పాటకు రానన్ని వ్యూస్ ‘రౌడీ బేబీ’ పాటకు రావడం విశేషం. ఈ సాంగ్ ఇంతగా వైరల్ అవ్వడానికి కారణం సాయిపల్లవి క్రేజీ స్టెప్స్ నే మెయిన్ రీజన్ అని తెలిసిందే. ఈ సాంగ్ లో సాయి పల్లవి వేసిన స్టెప్పులకి ప్రత్యేక సీనీ అభిమానులు ఉన్నారు. అందుకే ఈ పాట యూట్యూబ్ పై దండయాత్ర చేయగలిగింది.
