Comedian Ali On Balagam: ఇటీవల కాలం లో చిన్న సినిమా గా విడుదలై బాక్స్ ఆఫీస్ వద్ద సంచలన విజయం గా నిలిచిన చిత్రం బలగం. జబర్దస్త్ కమెడియన్ వేణు దర్శకుడిగా మారి తీసిన ఈ సినిమా బాక్స్ ఆఫీస్ వద్ద 50 లక్షల గ్రాస్ ఓపెనింగ్ తో మొదలై నేడు 30 కోట్ల రూపాయిల గ్రాస్ ఓపెనింగ్ సాధించిన సినిమాగా నిలిచింది. ఈమధ్యనే ఈ చిత్రాన్ని అమెజాన్ ప్రైమ్ లో కూడా స్ట్రీమింగ్ అయ్యి మంచి రెస్పాన్స్ ని దక్కించుకుంది.
నిర్మాత దిల్ రాజు కి ఈ సినిమా నుండి వచ్చిన లాభాలు రీసెంట్ సమయం లో స్టార్ హీరోతో తీసినప్పుడు కూడా రాలేదనే చెప్పాలి. అమెజాన్ ప్రైమ్ లోకి వచ్చిన తర్వాత కూడా ఈ సినిమా ఇప్పటికీ డీసెంట్ స్థాయి వసూళ్లను రాబడుతుంది అంటే ఇది చిన్న సినిమాల పాలిట బాహుబలి అని అనడం లో ఎలాంటి అతిశయోక్తి లేదు.
రీసెంట్ గానే ఈ చిత్రానికి సంబంధించి సక్సెస్ వేడుక జరిగింది, ఈ సక్సెస్ వేడుకకి టాలీవుడ్ కి చెందిన ప్రముఖులందరూ ముఖ్య అతిథులుగా హాజరై మూవీ యూనిట్ కి శుభాకాంక్షలు తెలియజేసారు. ఆయన మాట్లాడుతూ ‘వేణు తో కలిసి నేను చాలా సినిమాల్లో నటించాను, అప్పుడప్పుడు వీడు అన్నా ఈ షాట్ సరిగా రాలేదు అన్నా అని అంటుంటుండేవాడు. రేయ్ ఇక్కడ మన పని ఏమిటి..? యాక్టింగ్ చెయ్యడం, ఇవన్నీ నీకు ఎందుకు అనేవాడిని. ఒకరోజు నా దగ్గరకి వచ్చి అన్నా దర్శకత్వం వహిస్తున్నాను అన్నాడు, మంచిది రా అని చెప్పి ఆల్ ది బెస్ట్ చెప్పాను. నేడు వీడు చిన్న సినిమాలలో బాహుబలి లాంటి చిత్రాన్ని తీస్తాడని మాత్రం అనుకోలేదు. తెలుగు సినిమా ఉన్నంత కాలం బలగం చిత్రం చరిత్ర లో మిగిలిపోతుంది’ అంటూ చెప్పుకొచ్చాడు డైరెక్టర్ వేణు.
