BiggBoss 6 Telugu: బిగ్ బాస్ లో నిన్న జరిగిన నామినేషన్ల ఎఫెక్ట్ ఈరోజు ప్రతాపం చూపించింది. నామినేట్ చేసుకున్న సభ్యులు దానికి కారణాలపై గొడవ పడ్డారు. ఎందుకు ఆ కారణాలు చెప్పారంటూ నిలదీసుకున్నారు. ఇనాయా, గీతూ, బాలాదిత్యల మధ్య పెద్దపెద్ద చర్చలు సాగాయి. గీతూ ప్రవర్తన బాగాలేదంటూ చలాకీ చంటి ఆమెతో గొడవపెట్టుకున్నాడు.
ఇక కెప్టెన్సీ రేసులోకి మరో ముగ్గురిని తీసుకొచ్చాడు బిగ్ బాస్.. కెప్టెన్సీ రేసులోకి ముగ్గురిని ఎంపిక చేయాలని ఇంటిసభ్యులను ఆదేశించాడు. దీంతో మాస్ గ్రూపు నుంచి సూర్య, బాలాదిత్య, మెరీనా జోడీని ఇంటి సభ్యులు కెప్టెన్సీ రేసులోకి ఎంపిక చేశారు.
ఇక మెరీనా తన భర్తతో మాట్లాడనీయడం లేదని శ్రీసత్యతో గొడవపెట్టుకుంది. కానీ ఇది ఒక ఫ్రాంక్ అని తేలడం.. మెరీనా కావాలని ఇదంతా ప్లాన్ చేశారని తెలియడంతో ఇంటి సభ్యులంతా ఫూల్స్ అయ్యారు. తర్వాత అందరూ నవ్వుకున్నారు.
లేడీ పుష్ప గీతూ బిగ్ బాస్ ఇంట్లో తనకు తానే మాట్లాడకుంటూ తానింతే.. తాను ఇలానే దురుసుగా ఉంటానని.. ఎవరూ నాతో ఉండకున్నా నాకిష్టమైనట్టు ప్రవర్తిస్తానంటూ రెచ్చిపోయింది. ఇక గీతూ రౌడీయిజాన్ని చూసి శ్రీహాన్ బెంబేలెత్తాడు. కెమెరా ముందు కొచ్చి ఆమె గురించి నవ్వులు పూసేలా మాట్లాడాడు.
డిస్నీ+ప్లస్ హాట్ స్టార్ లోని కార్యక్రమాలపై క్విజ్ ప్రశ్నలు అడగారు. ఇందులో ఇంటి సభ్యులను గ్రూప్ ఏ, బీలుగా విభజించారు. అందులోని ప్రశ్నలకు సమాధానాలు ఇచ్చిన గ్రూప్ బి సభ్యులు విజయం సాధించారు. ఆరోహి వల్లనే టీం ఓడిపోయిందని గ్రూప్ ఏలోని రేవంత్ ప్రశ్నించాడు. దీంతో ఆరోహికి, రేవంత్ కు మధ్య పెద్ద గొడవ జరిగింది. దీనికి ఆరోహి ఏడ్చేయడంతో సూర్య వెళ్లి ఓదార్చారు.
ఇక రేవంత్ తనను అందరూ టార్గెట్ చేయడంపై బరెస్ట్ అయ్యాడు. నా ప్రవర్తన నచ్చకపోతే ఇంటి నుంచి పంపించేయండి బిగ్ బాస్ అంటూ కెమెరా ముందు మొరపెట్టుకున్నాడు.
ఇక రేవంత్ వద్దకు వచ్చిన ఆరోహీ తమ మధ్య జరిగిన గొడవపై సారీ చెప్పింది. అయినా కూడా రేవంత్ వినకుండా ఈ పంచాయితీ ఏంటి అని నిలదీశాడు. సర్ది చెప్పడానికి వచ్చిన ఆదిరెడ్డి సహా ఇంటి సభ్యులతో గొడవ పెట్టుకున్నాడు. అందరికంటే ఎక్కువగా రియాక్ట్ అయిపోయాడు. తనదే రైట్ అంటూ ఇంటిసభ్యులతో వాదించడం మొదలుపెట్టాడు. తనను జైలుకు అయినా పంపండి.. నామినేట్ చేసి బయటకు అయినా పంపాలంటూ అరిచేశాడు.
మొత్తంగా బిగ్ బాస్ లో ఈరోజు సింగర్ రేవంత్ ప్రవర్తన మాత్రం శృతిమించిందనే చెప్పాలి. నామినేషన్స్ లో అందరూ అత్యధికంగా నామినేట్ చేయడంతో ప్రతీ చిన్న విషయానికి ఇంటి సభ్యులతో గొడవ పెట్టుకున్నాడు. బిగ్ బాస్ నుంచి వెళ్లిపోతానంటూ బీరాలకు పోయాడు.