Apsara Rani : దర్శకుడు రామ్ గోపాల్ వర్మ వెలుగులోకి తెచ్చిన హీరోయిన్స్ లో అప్సర రాణి ఒకరు. ఈమె అసలు పేరు అంకిత మహారాణా. పాతికేళ్ల వయసులో ఆమెకు అప్సరా రాణి అంటూ నామకరణం చేశాడు. వర్మ కాంపౌండ్ హీరోయిన్ గా ఆమె మారిపోయారు. చిన్నప్పటి నుండి సినిమా హీరోయిన్ కావాలని కలలు కన్న అప్సర… ఇంజనీరింగ్ ఐపోగానే మోడలింగ్ స్టార్ట్ చేశారు. అయితే ఆమెకు చెప్పుకోదగ్గ ఆఫర్స్ రాలేదు.
అప్సర రాణి మొదటి చిత్రం 4 లెటర్స్. 2019లో ఈ చిత్రం విడుదలైంది. చిన్న మూవీ కావడంతో జనాలకు చేరలేదు. తర్వాత నటుడు సత్యప్రకాష్ దర్శకత్వంలో ఊల్లాలా ఊల్లాలా చిత్రం చేశారు. ఈ మూవీలో సత్య ప్రకాష్ కొడుకు హీరోగా నటించారు. బోల్డ్ సన్నివేశాలతో హారర్ కామెడీ చిత్రంగా ఇది తెరకెక్కింది. ఊల్లాలా ఊల్లాలా సైతం నిరాశపరిచింది.
ఆ సమయంలో అప్సర రాణి అందాలను దర్శకుడు వర్మ గుర్తించారు. ఆమెతో వరుస పెట్టి మూడు ప్రాజెక్ట్స్ చేశారు. అన్నీ అడల్ట్ కంటెంట్ తో కూడిన క్రైమ్ చిత్రాలు. మొదటగా థ్రిల్లర్ టైటిల్ తో షార్ట్ ఫిల్మ్ చేశారు. అనంతరం ‘డి కంపెనీ, అనే క్రైమ్ డ్రామా చేశారు. మూడో ప్రాజెక్ట్ గా అప్సర రాణితో వర్మ తెరకెక్కించిన చిత్రం డేంజరస్. లెస్బియన్ లవ్ నేపథ్యంలో తెరకెక్కించారు.
డేంజరస్ థియేటర్స్ లో విడుదల చేశారు. ఆయన పలుకుబడి ఉపయోగించి క్రాక్ మూవీలో ఐటెం నంబర్ చేసే ఛాన్స్ ఇప్పించారు. ‘భూమ్ బద్దలు’ సాంగ్ సూపర్ హిట్ అయ్యింది. అయితే కనీసం ఐటెం నంబర్స్ కోసం కూడా అప్సర రాణిని తీసుకోవడం లేదు. ఇటీవల విడుదలైన హంట్ మూవీలో ఓ సాంగ్ చేసినట్లున్నారు.
కెరీర్ సంగతి ఎలా ఉన్నా… నైట్ పార్టీల్లో రామ్ గోపాల్ వర్మతో కలిసి సందడి చేస్తుంటారు. వర్మ-అప్సర రాణి సన్నిహితంగా దిగిన ఫోటోలు వైరల్ అవుతూ ఉంటాయి. అలాగే సోషల్ మీడియా వేదికగా హాట్ ఫోటోలు, వీడియోలు షేర్ చేస్తూ కాకరేపుతుంటారు. తాజాగా అప్సర రాణి బోల్డ్ ఫోటోలు ఇంస్టాగ్రామ్ లో షేర్ చేశారు. ఆమె బాత్ రూమ్ నుండి నేరుగా కెమెరా ముందుకు వచ్చారు. అప్సరా రాణి టూ మచ్ సెక్సీ ఫోజులు వైరల్ అవుతున్నాయి.