Viral Video ఎంతటి పెద్ద పాము అయినా చలి చీమల చేత చిక్కి చావదే సుమతీ అన్నది ఒక పాపులర్ సామెత. చీమల పవర్ అలాంటిది మరీ.. చీమలు శ్రమజీవులు.. శ్రమయేవ జయతే అంటూ తమ బరువు కంటే 50 రెట్లు ఎక్కువ బరువును మోసే కెపాసిటీ చీమల సొంతం. పైగా ఇవన్నీ సమూహంగా ఉండి తమ ఆహారాన్ని సంపాదించుకుంటాయి. ఐకమత్యమే తమ బలమని చాటిచెబుతాయి.
తాజాగా కొన్ని చీమలు అత్యంత విలువైన బంగారాన్ని ఎత్తుకుపోయాయి. ఒక బంగారు గొలుసును చీమలు పట్టుకుపోతున్న వీడియో ఒకటి సోషల్ మీడియాలో వైరల్ అవుతోంది. నెటిజన్లు ఇవి దొంగచీమలు అంటూ కామెంట్ చేస్తున్నారు.
చీమలు కాలనీలుగా భూమి పొరల్లో గూడులు కట్టుకుంటాయి. అవి ఒక్కోసారి కిలోమీటర్ల దూరం కూడా ఉంటుంది. ప్రపంచంలోనే అతిపెద్ద చీమల కాలనీని మధ్యధరా ప్రాంతంలో నిర్మించాయి. అర్జెంటైన్ చీమలు 6000 కిలోమీటర్లకు పైగా కాలనీని నిర్మించాయి.
తాజాగా ఓ చీమల గుంపు అద్భుతాన్నే సాధించాయి. ఓ బంగారు గొలుసును మోసుకెళుతున్న వీడియో వైరల్ అయ్యింది. ఓ బంగారు గొలుసును చీమలు మోసుకెళుతున్న వీడియోను ఐఎఫ్ఎస్ ఆఫీసర్ సుశాంత నందా తన ట్విట్టర్ అకౌంట్ లో పోస్ట్ చేయగా అది వైరల్ అయ్యింది.
‘చిన్న బంగారం స్మగ్లర్లు.. ప్రశ్న ఏంటంటే.. వీటికి ఐపీఎస్ లోని ఏ సెక్షన్ కింద శిక్ష వేయాలి’ అని సరదా క్యాప్షన్ ఇచ్చారు. వీడియోను ఇప్పటికే లక్ష 24వేల మంది వరకూ చూశారు. వేల లైకులు వచ్చాయి.
Tiny gold smugglers 😀😀
The question is,under which section of IPC they can be booked? pic.twitter.com/IAtUYSnWpv— Susanta Nanda IFS (Retd) (@susantananda3) June 28, 2022
