Ahmedabad: వేసవి కాలంలో ఐస్క్రీమ్లు పిల్లల నుంచి పెద్దల వరకు అందరి ఇష్టమైన ఆహారం. గుజరాత్ రాష్ట్రం అహ్మదాబాద్లోని మణినగర్లో హావ్మోర్ ఐస్క్రీమ్లో బల్లి తోక కనిపించడం స్థానికంగా కలకలం రేపింది. ఈ ఘటన ఆహార భద్రత, పరిశుభ్రతపై తీవ్ర ఆందోళనలను లేవనెత్తింది. ఐస్క్రీమ్ తిన్న ఓ మహిళ ఆరోగ్య సమస్యలతో ఆస్పత్రిలో చేరడంతో అధికారులు దుకాణంపై కఠిన చర్యలు తీసుకున్నారు.
Also Read: చరిత్రలో తొలిసారి.. అమెరికాకు ఆర్థిక షాక్
ఐస్క్రీమ్లో బల్లి తోక..
అహ్మదాబాద్లోని మణినగర్లోని హావ్మోర్ ఐస్క్రీమ్ షాప్ నుంచి ఓ మహిళ వెనిల్లా ఫ్లేవర్ ఐస్క్రీమ్ కొనుగోలు చేసింది. ఇంటికి వెళ్లి తినే సమయంలో ఐస్క్రీమ్లో బల్లి తోక ఉన్నట్లు గుర్తించింది. కాసేపటికి ఆమెకు కడుపు నొప్పి, వాంతులు రావడంతో వెంటనే స్థానిక ఆస్పత్రిలో చేరింది. వైద్యులు ఆమెకు చికిత్స అందించి, ఆహార విషం కారణంగా ఈ సమస్య వచ్చి ఉంటుందని తెలిపారు. ఆమె ప్రస్తుతం కోలుకుంటున్నప్పటికీ, ఈ ఘటన ఆహార ఉత్పత్తులలో పరిశుభ్రత లోపాలను బహిర్గతం చేసింది.
అధికారుల చర్య..
ఈ ఘటనపై మహిళ అహ్మదాబాద్ మున్సిపల్ కార్పొరేషన్ (AMC)కు ఫిర్యాదు చేసింది. AMC ఆహార భద్రతా విభాగం అధికారులు వెంటనే షాప్ను తనిఖీ చేసి, పరిశుభ్రత నిబంధనల ఉల్లంఘనను గుర్తించారు. దుకాణ యజమానికి రూ.50 వేల జరిమానా విధించి, షాప్ను సీజ్ చేశారు. ఐస్క్రీమ్ నమూనాలను ల్యాబ్కు పంపి, మరింత పరీక్షలు నిర్వహిస్తున్నారు. ఈ ఘటన హావ్మోర్ బ్రాండ్పై ప్రజల విశ్వాసాన్ని దెబ్బతీసింది, దీనిపై కంపెనీ అధికారిక స్పందన ఇంకా వెల్లడి కాలేదు.
ఆహార భద్రతపై ఆందోళనలు
ఈ సంఘటన భారతదేశంలో ఆహార ఉత్పత్తుల నాణ్యత, పరిశుభ్రతపై మరోసారి దృష్టి సారించింది. గతంలో కూడా పలు బ్రాండెడ్ ఆహార ఉత్పత్తులలో కలుషితాలు, అనారోగ్యకర పదార్థాలు కనుగొనబడిన సంఘటనలు జరిగాయి. ఈ ఘటనతో ఆహార తయారీ యూనిట్లలో కఠినమైన నాణ్యతా తనిఖీలు, సిబ్బంది శిక్షణ అవసరమని నిపుణులు సూచిస్తున్నారు. అహ్మదాబాద్లోని స్థానికులు ఈ ఘటనతో బ్రాండెడ్ ఐస్క్రీమ్లపై అనుమానం వ్యక్తం చేస్తున్నారు, వీధి వ్యాపారుల నుంచి∙కొనుగోలు చేయడం సురక్షితమా అనే చర్చ మొదలైంది.
అవగాహన, జాగ్రత్తలు
ఈ ఘటన ప్రజల్లో ఆహార ఉత్పత్తుల కొనుగోలు, వినియోగంలో జాగ్రత్తలు తీసుకోవాల్సిన అవసరాన్ని గుర్తు చేసింది. నిపుణులు, కొనుగోలు చేసే ముందు ఉత్పత్తి, తయారీ తేదీ, గడువు తేదీని తనిఖీ చేయాలి. ఏదైనా అనుమానాస్పద వస్తువు కనిపిస్తే వెంటనే అధికారులకు ఫిర్యాదు చేయాలని సూచిస్తున్నారు. అదనంగా, ఆహార ఉత్పత్తుల తయారీ సంస్థలు పారదర్శకతతో, కఠిన నాణ్యతా నియంత్రణతో పనిచేయాలని డిమాండ్ పెరుగుతోంది.
AMC seals ice cream parlour after customer claims finding a lizard in Havmor conehttps://t.co/ELLXxJvkcT pic.twitter.com/W5WYwwBnVF
— DeshGujarat (@DeshGujarat) May 14, 2025
