Drone Rules : టెక్నాలజీ రోజు రోజుకు కొత్త పుంతలు తొక్కుతోంది. డ్రోన్ టెక్నాలజీ ప్రస్తుతం అన్ని రంగాల్లో దూసుకుపోతోంది. రాబోయే రోజుల్లో ప్రతి రంగాన్నీ డ్రోన్లే శాసిస్తాయనడంలో సందేహం లేదు. మానవులకు చేరుకోలేని దూరాలను, అందుకోలేని ఎత్తులను సులువగా చేరుకోవడమే కాకుండా.. పనులను సులభతరం చేయడంలో డ్రోన్ టెక్నాలజీ ప్రధాన పాత్ర పోషించనుంది. ఈ సంగతి పక్కన పెడితే దీపావళి పండుగ వచ్చిందంటే చాలు.. వెలుగులతో పాటు కొత్తదనం కూడా కావాలని అనుకుంటారు కొందరు. పండుగల సమయంలో డ్రోన్ను ఎగరవేయడం కూడా వీటిలో ఒకటి. దీపావళి, ధంతేరస్ ప్రత్యేక క్షణాలను డ్రోన్ షూట్ సహాయంతో చిత్రీకరించాలనుకుంటే, దానికి సంబంధించిన నియమాలను తప్పకుండా అలాంటి వారు తెలుసుకోవాలి. డ్రోన్ను ఎగరవేయడం అంటే మామూలు విషయం కాదు. దీని కోసం కొన్ని నియమాలు, నిబంధనలు పాటించడం చాలా ముఖ్యం. ఈ నిబంధనలను ఉల్లంఘిస్తే రూ. 1 లక్ష వరకు జరిమానా చెల్లించవలసి ఉంటుంది.
డ్రోన్ను ఎగురవేసే ముందు నిమయాలు తెలుసుకుందాం
మీరు డ్రోన్తో షూట్ చేయాలని ప్లాన్ చేస్తే, అలా చేయడానికి ముందు, డ్రోన్లకు సంబంధించిన ఈ నియమాలను ఖచ్చితంగా తెలుసుకోవాల్సిందే
డ్రోన్ రిజిస్ట్రేషన్: భారతదేశంలో డ్రోన్ ఎగరడానికి డ్రోన్ రిజిస్ట్రేషన్ తప్పనిసరి. దీని కోసం మీరు ఆన్లైన్ పోర్టల్ DigitalSkyకి వెళ్లి దరఖాస్తు చేసుకోవాలి.
డ్రోన్ అక్నాలెడ్జ్మెంట్ నంబర్: డ్రోన్ రిజిస్ట్రేషన్ తర్వాత, డ్రోన్ రసీదు సంఖ్యను పొందుతారు. ఈ నంబర్ ఎల్లప్పుడూ మీ డ్రోన్ దగ్గర ఉంచుకోవాలి. ఇది డ్రోన్ ప్రత్యేక గుర్తింపు సంఖ్య (UIN).
జియో-ఫెన్సింగ్: భారతదేశ గగనతలం మూడు భాగాలుగా విభజించబడింది – గ్రీన్ జోన్, ఎల్లో జోన్, రెడ్ జోన్. ఈ మూడు జోన్లలో డ్రోన్లు ఎగరడానికి భిన్నమైన పరిస్థితులు ఉన్నాయి.
రిమోట్ పైలట్ లైసెన్స్: డ్రోన్ను ఎగురవేయడానికి ముందు తప్పనిసరిగా రిమోట్ పైలట్ లైసెన్స్ పొందాలి. నిర్దేశిత శిక్షణను పూర్తి చేసి, పరీక్షలో ఉత్తీర్ణత సాధించిన తర్వాత ఈ లైసెన్స్ పొందబడుతుంది.
డ్రోన్లను ఎక్కడ ఎగరకూడదు?
గ్రీన్ జోన్: మీరు ఎలాంటి అనుమతి లేకుండా, కానీ కొన్ని పరిమితులతో డ్రోన్ను ఎగరగలిగే ప్రాంతం ఇది. ఈ ప్రాంతంలో మీరు 400 అడుగుల లేదా 120 మీటర్ల ఎత్తు వరకు డ్రోన్ను ఎగురవేయవచ్చు. ఇంతకంటే ఎక్కువ ఎత్తులో డ్రోన్ను నడపాలంటే సంబంధిత అధికారి నుంచి అనుమతి తీసుకోవాల్సి ఉంటుంది.
ఎల్లో జోన్: ఈ గగనతలంలో డ్రోన్లు ఎగరడంపై నిషేధం ఉంది. ఇక్కడ డ్రోన్ను నడపాలంటే ఎయిర్ ట్రాఫిక్ కంట్రోల్ అథారిటీ నుంచి అనుమతి తీసుకోవాలి. కార్యాచరణ విమానాశ్రయం నుండి 8 నుంచి 12 కిలోమీటర్ల వ్యాసార్థంలో ఉన్న ప్రాంతాన్ని ఎల్లో జోన్ అంటారు.
రెడ్ జోన్: డ్రోన్లు ఎగరడంపై కఠినమైన నిషేధం ఉన్న ప్రాంతం ఇది. ఇవి సైనిక స్థావరాలు మొదలైన చాలా సున్నితమైన ప్రాంతాలు. ఇక్కడ డ్రోన్లను ఎగరడానికి కేంద్ర ప్రభుత్వం మాత్రమే అనుమతి ఇవ్వగలదు.
డ్రోన్ను ఎగరడానికి లేదా డ్రోన్తో షూట్ చేయడానికి ఈ నియమాలను పాటించాలి. డ్రోన్ నిబంధనలను ఉల్లంఘిస్తే రూ.లక్ష వరకు జరిమానా విధించవచ్చు. మీరు DigitalSky పోర్టల్లో డ్రోన్లకు సంబంధించిన అన్ని అప్లికేషన్లను సమర్పించవచ్చు.
