Lucknow Vs RCB: అడవిలో జింకలను, లేడి పిల్లలను వేటాడే వాడి కంటే.. ఏనుగు కుంభస్థలాన్ని కొట్టిన వాడికి ఒక రేంజ్ ఉంటుంది. ఇప్పుడు ఇదే రేంజ్ లక్నో బౌలర్ ప్రిన్స్ అనుభవిస్తున్నాడు. మామూలుగా అయితే మైదానంలో ఏ బౌలర్ అయిన సరే తనదైన రోజు వికెట్లు పడగొడతాడు. కానీ ప్రిన్స్ లక్నో జట్టు గెలుపును డిసైడ్ చేసే వికెట్ పడగొట్టాడు. ఆ వికెట్ కాస్త మ్యాచ్ స్వరూపాన్ని మార్చేసింది. ఆరు ఓటమి తర్వాత లక్నో జట్టుకు గెలుపును అందించింది.
ఇప్పటికే ఐపీఎల్ లో పాయింట్లు పట్టికలో లక్నో జట్టు దిగువ స్థానంలో ఉంది. పోరాడితే పోయేదేముంది అన్నట్టుగానే ఆ జట్టు పరిస్థితి ఉంది. ఈ నేపథ్యంలో బెంగళూరు తో మ్యాచ్ ఆడింది ఆ జట్టు. సహజంగానే ఈ మ్యాచ్లో బెంగళూరు గెలుస్తుందని అందరూ ఒక అంచనాకొచ్చారు. కానీ లక్నో జట్టు ఆధ్వర్యంలో తలకిందులు చేసింది.. ముందుగా బ్యాటింగ్ చేసి మెరుపు వేగంతో పరుగులు చేసింది. మార్ష్ సెంచరీ తో చెలరేగాడు. ఆ తర్వాత బంతితో లక్నో బౌలర్లు అదరగొట్టారు. ఫలితంగా లక్నో జట్టు అద్భుతమైన విజయాన్ని అందుకుంది.
వర్షం వల్ల ఈ మ్యాచ్ 19 ఓవర్లకు కుదించారు. ఈ మ్యాచ్లో ముందుగా లక్నో జట్టు మూడు వికెట్లు కోల్పోయి, 209 పరుగులు చేసింది.. డక్వర్త్ లూయిస్ విధానంలో బెంగళూరు లక్ష్యాన్ని 213 పరుగులకు సవరించారు. ఈ లక్ష్యాన్ని చేదించే క్రమంలో ఆర్ సీ బీ తీవ్రంగా ఇబ్బంది పడింది. ఆరు వికెట్లు నష్టపోయింది. 203 రన్స్ మాత్రమే చేయగలిగింది. పాటిదర్ 61, డేవిడ్ 40 రన్స్ చేసినప్పటికీ ఉపయోగం లేకుండా పోయింది. ప్రిన్స్ యాదవ్ మూడు వికెట్లు తన ఖాతాలో వేసుకున్నాడు. ఆర్ సీ బీ ఓటమిని శాసించాడు. ముఖ్యంగా కోహ్లీ వికెట్ ప్రిన్స్ యాదవ్ పడగొట్టిన తీరు ఈ మ్యాచ్ మొత్తానికి హైలైట్.. ఇన్ స్వింగర్ బంతిని అంచనా వేయలేక విరాట్ కోహ్లీ బ్యాట్ ముందుగా కదిలించాడు. బంతి మాత్రం వికెట్లను పడగొట్టి.. విరాట్ కోహ్లీని వెనక్కి పంపించింది.
ఈ వికెట్ తీయడంతో ప్రిన్స్ యాదవ్ ఆనందానికి అవధులు లేకుండా పోయాయి. పైగా చిన్న పరుగులకు విరాట్ అవుట్ అయ్యాడు. చేజింగ్ సమయంలో విరాట్ సరిగ్గా చాలా సంవత్సరాల క్రితం ఇలానే అవుట్ అయ్యాడు. నాటి మ్యాచ్లో బెంగళూరు ఐపిఎల్ కెరియర్ లోనే అతి తక్కువ స్కోరు చేసింది. విరాట్ అవుట్ అవ్వడం బెంగళూరు జట్టు మీద తీవ్రమైన ప్రభావాన్ని చూపించింది. మరో ఓపెనర్ బెతల్ (4) కూడా అవుట్ కావడంతో బెంగళూరు జట్టు తీవ్రమైన కష్టాల్లో పడింది. పాటిధార్, డేవిడ్ గట్టిగా నిలబడినప్పటికీ.. వారి స్థాయి బెంగళూరుకు విజయాన్ని అందించలేకపోయింది.. ప్రిన్స్ ఒకే ఓవర్ లో పడికల్, జితేష్ శర్మను అవుట్ చేయడంతో బెంగళూరు విజయానికి దూరంగా ఉండిపోయింది..
ONE OF THE BEST BALL OF IPL – PRINCE GETS KING pic.twitter.com/M6kW9UCiBI
— Johns. (@CricCrazyJohns) May 7, 2026
