New Zealand vs England: ఒక్కో బంతి డైనమెట్ లాగా వచ్చింది. మిస్సైల్ లాగా దాడి చేసింది. బంతిని ఎదుర్కోవాలంటేనే ఇబ్బంది పడే పరిస్థితి కల్పించింది. అయితే ఆఫ్ సైడ్.. లేదా యార్కర్.. లేదా బౌన్సర్.. లేదా షార్ట్ పిచ్.. క్రికెట్లో బంతులకు ఎన్ని పేర్లు ఉంటాయో అన్ని తీర్లుగా ఆ బౌలర్ వేశాడు. పాపం బ్యాటర్ మాత్రం తీవ్రంగా ఇబ్బంది పడ్డాడు. బంతిని ఎదుర్కోవాలంటేనే అతడు భయపడ్డాడు. ఇందుకు సంబంధించిన దృశ్యాలు సోషల్ మీడియాను షేక్ చేస్తున్నాయి.
ప్రస్తుతం న్యూజిలాండ్, ఇంగ్లాండ్ మధ్య టెస్ట్ సిరీస్ నడుస్తోంది. తొలి టెస్ట్ లో ఇంగ్లాండ్ 115 పరుగుల తేడాతో విజయం సాధించింది. ఈ మ్యాచ్ లండన్ లోని లార్డ్స్ మైదానం వేదికగా జరిగింది. రెండవ టెస్ట్ ఓవల్ వేదికగా కొనసాగుతోంది. ఈ మ్యాచ్ లో తొలి ఇన్నింగ్స్ లో ఇంగ్లాండ్ 291 పరుగులకు ఆల్ అవుట్ అయింది. మ్యాట్ హెన్రీ ఐదు వికెట్లు పడగొట్టాడు.. ఓర్కుక్ రెండు వికెట్లు సాధించాడు. న్యూజిలాండ్ మొదటి ఇన్నింగ్స్ లో 391 పరుగులు చేసింది.. ఫిలిప్స్ సెంచరీ సాధించాడు. బెతల్ 3 వికెట్లు పడగొట్టాడు. ఆర్చర్, ఫిషర్, బేకర్ తలా రెండు వికెట్లు సొంతం చేసుకున్నారు.
ఒక దశలో న్యూజిలాండ్ జట్టు 188 పరుగులకు ఐదు వికెట్లు కోల్పోయి కష్టాల్లో పడింది. ఈ దశలో వచ్చిన ఫిలిప్స్ నిదానంగా బ్యాటింగ్ చేశాడు. మెరుగైన భాగస్వామ్యాలు నమోదు చేశాడు. అతడిని అవుట్ చేయడానికి ఆర్చర్ శాయశక్తులా ప్రయత్నించాడు. నిప్పులు చెరిగే బంతులను వేశాడు. ఆ బంతులకు తట్టుకోలేక ఫిలిప్స్ తీవ్రంగా ఇబ్బంది పడ్డాడు. కొన్ని సందర్భాలలో మైదానంలో కిందపడ్డాడు. ఆర్చర్ వేసిన బంతులకు సంబంధించిన వీడియోలు సోషల్ మీడియాలో తెగ చక్కర్లు కొడుతున్నాయి. అతడు వేసింది బంతులు కాదని.. మిస్సైల్స్ అని.. వాటిని తట్టుకొని ఫిలిప్స్ నిలబడ్డాడు అంటే మామూలు విషయం కాదని అభిమానులు పేర్కొంటున్నారు.
ఇక సెకండ్ ఇన్నింగ్స్ లో న్యూజిలాండ్ ఇప్పటికే మూడు వికెట్ల కోల్పోయి 252 పరుగులు చేసింది. నికోలస్ 119*, మిచల్ 32* బ్యాటింగ్ చేస్తున్నారు.. రచిన్ రవీంద్ర హాఫ్ సెంచరీ తో ఆకట్టుకున్నాడు. ఓపెనర్లు లాతం 4, కాన్వే 11 విఫలమైనప్పటికీ.. మిగతా ఆటగాళ్లు సమర్థవంతంగా బ్యాటింగ్ చేయడంతో న్యూజిలాండ్ పటిష్టమైన స్థితిలో గెలిచింది. మూడవరోజు ఆట ముగిసే సమయానికి ఇంగ్లాండు మీద 352 పరుగుల లీడ్ లో కొనసాగుతోంది. ఇప్పటికే తొలి మ్యాచ్ ఓడిపోయిన న్యూజిలాండ్ జట్టు.. రెండో మ్యాచ్లో పట్టు బిగించింది. ఎలాగైనా సరే గెలిచి సత్తా చూపించాలని భావిస్తోంది.
Philips v Archer was one of the highlights yesterday, for sure.
Can’t wait for today! pic.twitter.com/vi2BOy8JaV
— floki (@Unfeel34) June 18, 2026
