Telangana T20 League: అది మామూలు క్యాచ్ కాదు. అమాంతం గాలిలో ఎగిరి సూపర్ మ్యాన్ లాగా అందుకున్నాడు. అదే సమయంలో తన శరీరాన్ని నియంత్రించుకున్నాడు.. బౌండరీ లైన్ కు సెంటీమీటర్ల దూరంలోనే ఆ క్యాచ్ అందుకొని అదరగొట్టాడు. ఈ అద్భుతం తెలంగాణ టి20 లీగ్ లో చోటుచేసుకుంది.
సాధారణంగా ఆటగాళ్ల అద్భుత ప్రదర్శన ఐపిఎల్ లేదా.. అంతర్జాతీయ మ్యాచ్లలో మనకు కనిపిస్తూ ఉంటుంది. కానీ తెలంగాణ టి20 లీగ్ లో అంతకు మించిన స్థాయిలో ఆటగాళ్లు ప్రదర్శన చేస్తున్నారు. ఈ టోర్నీ మీద అంచనాలు పెంచేస్తున్నారు.. ఈ టోర్నీలో వర్ధమాన ప్లేయర్లు ఎక్కువగా ఆడుతున్న నేపథ్యంలో అంచనాలు భారీగా పెరిగిపోతున్నాయి. పైగా ఆటగాళ్లు కూడా అద్భుతంగా ఆడుతున్నారు. ప్రతి మ్యాచ్ ఏకపక్షంగా కాకుండా నువ్వా నేనా అన్నట్టుగా సాగుతోంది. దీంతో చూసే ప్రేక్షకులకు నరాలు తెగే ఉత్కంఠ లభిస్తుంది.. సాధారణంగా ఇటువంటి అనుభవాన్ని ప్రేక్షకులు అంతర్జాతీయ లేదా ఐపీఎల్ లాంటి మ్యాచ్ల సందర్భంగా సొంతం చేసుకుంటారు. కానీ తెలంగాణ టి20 లీగ్ లో అంతకుమించిన క్రికెట్ మజా అభిమానులకు లభిస్తోంది.
ఆదివారం ఉప్పల్ క్రికెట్ స్టేడియంలో ఖమ్మం, రంగారెడ్డి జట్ల మధ్య మ్యాచ్ జరిగింది. ఈ మ్యాచ్లో జైస్వాల్ అనే క్రీడాకారుడు పట్టిన క్యాచ్ అత్యద్భుతమైన స్థాయిలో ఉంది. బ్యాటర్ కొట్టిన బంతి బౌండరీ వైపు లేచింది.. బౌండరీ లైనుకు సెంటీమీటర్ల దూరంలో ఉన్న జైస్వాల్ అమాంతం గాలిలోకి ఎగిరాడు. స్పైడర్ మాన్ మాదిరిగా క్యాచ్ అందుకున్నాడు. తనను తాను నియంత్రించుకొని.. బంతిని పట్టుకున్నాడు. దీంతో బ్యాటర్ నిరాశతో మైదానాన్ని వీడి వెళ్లిపోయాడు.
దీనికి సంబంధించిన వీడియోను తెలంగాణ బిజెపి సి వి ఆనంద్ తన ట్విట్టర్ ఖాతాలో పోస్ట్ చేశారు. 1982లో క్రికెట్ లీగ్ ఆడటం మొదలు పెట్టిన నాటి నుంచి అన్ని రకాల అంతర్జాతీయ క్రికెట్ మ్యాచ్లలో ఇటువంటి మంచి క్యాచ్ ఎప్పుడూ చూడలేదని ఆనంద్ వ్యాఖ్యానించారు. జైస్వాల్ బౌండరీ లైన్ దాటకుండా.. తనను తాను నియంత్రించుకొని.. బంతిని అందుకున్న విధానం అద్భుతమంటూ సివి ఆనంద్ తన వ్యాఖ్యలను ఆ వీడియోకు జోడించారు.
Just see this catch taken by Mickil Jaiswal in the TGT20 match yesterday in the Uppal stadium in the match between Khammam Aces and Ranga Reddy Risers .I have never seen a better catch than this ever since I first started playing league cricket in 1982 , even in all types of… pic.twitter.com/2J8isD0gHh
— CV Anand IPS (@CVAnandIPS) July 5, 2026
