Ishan Kishan: టి20 వరల్డ్ కప్ లో సంజు శాంసన్ తర్వాత ఆ స్థాయిలో ఆట తీరు కొన సాగించిన ప్లేయర్ ఇషాన్ కిషన్. ఫైనల్ మ్యాచ్లో అతడు మెరుపు వేగంతో హాఫ్ సెంచరీ చేశాడు. టీమిండియా గెలుపులో ముఖ్య భూమిక పోషించాడు. అటువంటి ఇషాన్ కిషన్ కు సంబంధించిన ఒక విషయం కంటతడి పెట్టిస్తోంది.
Also Read: టీమిండియా గెలిచింది అడ్డి మారి గుడ్డి దెబ్బతో కాదు.. ఇన్ని అద్భుతాలు జరిగాయి మరి
ఇషాన్ కిషన్ ఫైనల్ మ్యాచ్లో మైదానంలో చురుకుగా కనిపించాడు. హాఫ్ సెంచరీ చేయడం మాత్రమే కాదు.. అద్భుతమైన క్యాచ్ కూడా పట్టాడు. ఇక ఫీల్డింగ్ లో అయితే పాదరసం మాదిరిగా కదిలాడు. మ్యాచ్ అనంతరం తన ప్రేయసి అదితి కి ముద్దు కూడా పెట్టాడు. అదితి తో అతడు చాలాకాలంగా డేటింగ్ లో ఉన్నాడు. మైదానంలో సరదాగా ఉన్న ఇషాన్ కిషన్.. వెనుక ఒక బాధాకరమైన గాధ దాగి ఉంది.
ఫైనల్ మ్యాచ్ కంటే ముందు ఇషాన్ కిషన్ కజిన్ సిస్టర్ రోడ్డు ప్రమాదంలో దుర్మరణం చెందింది. దీంతో అతడు తీవ్రమైన దుఃఖంలో మునిగిపోయాడు. అయితే ఆమె కోసమైనా సరే తాను గొప్పగా ఆడాలని ఇషాన్ కిషన్ నిర్ణయించుకున్నాడు. ఇదే విషయాన్ని అతడు హార్దిక్ పాండ్యాతో పంచుకున్నాడు. అతడు ప్రోత్సాహం ఇవ్వడంతో వేగంగా పరుగులు తీశాడు. మహిళా దినోత్సవం రోజున టీమిండియా గెలిచిన నేపథ్యంలో.. ఈ విజయాన్ని ఆమెకు అంకితమిస్తున్నట్టు కిషన్ పేర్కొన్నాడు. కిషన్ కజిన్ సిస్టర్, ఆమె భర్త ఈనెల 6న రోడ్డు ప్రమాదంలో దుర్మరణం చెందారు. ఈ దారుణం వల్ల కిషన్ కుటుంబ సభ్యులు ఫైనల్ మ్యాచ్ కు హాజరు కాలేకపోయారు. ఫైనల్ మ్యాచ్లో హాఫ్ సెంచరీ పూర్తి చేసిన అనంతరం ఇషాన్ కిషన్ బ్యాట్ ఆకాశం వైపు చూపించాడు. ఆ తర్వాత తన సోదరికి నివాళులర్పించాడు. ఫైనల్ మ్యాచ్లో ఇషాన్ కిషన్ 25 బంతులలో 54 పరుగులు చేశాడు. ఇందులో నాలుగు ఫోర్లు.. నాలుగు సిక్సర్లు ఉన్నాయి. ఇక ఈ టోర్నీలో 9 మ్యాచులు ఆడిన కిషన్.. 317 పరుగులు చేశాడు. హైయెస్ట్ రన్స్ చేసిన బ్యాటర్ల లిస్టులో నాలుగో స్థానంలో ఉన్నాడు.
ఇదే కాకుండా మరో ఆసక్తికరమైన విషయాన్ని కూడా ఇషాన్ కిషన్ పంచుకున్నాడు. ” సూర్య కుమార్ యాదవ్ నాకు ఫోన్ చేశాడు. ప్రపంచ కప్ అందిస్తున్నావా? లేదా? అని నన్ను అడిగాడు..” “దీనికి మీరు సానుకూల దృక్పథంతో ఉన్నారా? లేదా?” అని నేను అడిగాను. దానికి “సానుకూల దృక్పథంతోనే ఉన్నాను అని” సూర్య కుమార్ ఇషాన్ కిషన్ తో అన్నాడు.
