Ind vs Pak : భారత్ పాక్ మధ్య జరిగిన మ్యాచ్ లో భారత్ ఆరు వికెట్ల తేడాతో ఘన విజయం సాధించింది. ఈ మ్యాచ్ లో ఫోర్ కొట్టి టీం ఇండియాకు మర్చిపోలేని విక్టరీని అందించాడు విరాట్ కోహ్లీ. ఈ లెజెండరీ బ్యాట్స్మన్ విరాట్ కోహ్లీ గ్రీజులో అడుగు పెట్టిన దగ్గర్నుంచి పాక్ బౌలర్లను చీల్చి చెండాడాడు. దదుబాయ్లో జరిగిన ఛాంపియన్స్ ట్రోఫీ మ్యాచ్లో పాకిస్థాన్పై అద్భుతంగా ఆడాడు. అతను పాకిస్థాన్పై సెంచరీ పూర్తి చేయడమే కాకుండా, పాకిస్థాన్పై ఐసీసీ వన్డే టోర్నమెంట్లో భారతదేశం తరపున అత్యధిక పరుగులు చేసిన ఆటగాడిగా కూడా రికార్డు నెలకొల్పాడు. ఈ విషయంలో అతను భారత కెప్టెన్ రోహిత్ శర్మను వెనక్కి నెట్టాడు. ఇది కాకుండా, కోహ్లీ ఇంకా చాలా రికార్డులు సృష్టించాడు.
రోహిత్ శర్మను అధిగమించిన కోహ్లీ
పాకిస్థాన్పై అర్ధ సెంచరీతో విరాట్ కోహ్లీ అనేక రికార్డులను తన పేరిట నమోదు చేసుకున్నాడు. ఆ రికార్డులలో ఒకటి.. అతను ఇప్పుడు పాకిస్థాన్పై ఐసిసి వన్డే టోర్నమెంట్లో అత్యధిక పరుగులు చేసిన భారత బ్యాట్స్మన్ అయ్యాడు. అతను 9 ఇన్నింగ్స్లలో 400* పరుగులు చేశాడు. రోహిత్ శర్మ 7 ఇన్నింగ్స్లలో 370 పరుగులు చేశాడు. సచిన్ టెండూల్కర్ 6 ఇన్నింగ్స్లలో 321 పరుగులు, రాహుల్ ద్రవిడ్ 4 ఇన్నింగ్స్లలో 248 పరుగులు, శిఖర్ ధావన్ 4 ఇన్నింగ్స్లలో 210 పరుగులు, సురేష్ రైనా 3 ఇన్నింగ్స్లలో 156 పరుగులు సాధించారు.
విరాట్ కోహ్లీ వన్డేల్లో తన 287వ ఇన్నింగ్స్ ఆడారు. పాకిస్థాన్తో జరిగిన 17 వన్డే ఇన్నింగ్స్లలో అతను మూడు సెంచరీలు, మూడు అర్ధ సెంచరీలు సాధించాడు. ఈ ఫార్మాట్లో కింగ్ కోహ్లీ పేరు మీద 51 సెంచరీలు ఉన్నాయి. తను 74 అర్ధ సెంచరీలు సాధించాడు. వన్డేల్లో అతని స్ట్రైక్ రేట్ 94 కంటే ఎక్కువగా నమోదైంది. తన బెస్ట్ స్కోర్ 183 పరుగులు.
ఐసిసి వన్డే టోర్నమెంట్లో ఒకే జట్టుపై అత్యధికంగా 50+ స్కోర్ చేసిన ఆటగాళ్లు
సౌరవ్ గంగూలీ vs కెన్యా (4)
బ్రియాన్ లారా vs ఆస్ట్రేలియా (4)
రికీ పాంటింగ్ vs ఇండియా (4)
కుమార సంగక్కర vs న్యూజిలాండ్ (4)
విరాట్ కోహ్లీ vs పాకిస్తాన్ (4*)
ప్రస్తుతం విరాట్ కోహ్లీ మాత్రమే టీఇండియాలో కొనసాగుతున్నారు. మిగతా వారందరూ మాజీ ఆటగాళ్లు. ఈ జాబితాలో విరాట్ కోహ్లీ ఇంకా కొన్ని మ్యాచులను ఆడే అవకాశం ఉంది. విరాట్ కోహ్లీ ఇప్పటికే ఐసిసి టోర్నమెంట్లలో పాకిస్థాన్పై అత్యధిక యాభైకి పైగా స్కోర్లు చేసిన బ్యాట్స్మన్ గా నిలిచాడు. ఇప్పుడు తన ఈ స్థానాన్ని మరింత బలోపేతం చేసుకున్నారు. కోహ్లీ పాకిస్తాన్పై ఎనిమిది 50+ స్కోర్లు సాధించాడు. వివియన్ రిచర్డ్స్, సచిన్ టెండూల్కర్, రాహుల్ ద్రవిడ్, మైఖేల్ హస్సీ, రోహిత్ శర్మ, షకీబ్ అల్ హసన్ ఐసిసి టోర్నమెంట్లలో పాకిస్థాన్పై మూడుసార్లు 50+ స్కోర్లు సాధించారు.
