Today 2 October 2025 Horoscope: గ్రహాల మార్పుకు అనుగుణంగా కొన్ని రాశుల ఫలితాలు మారుతాయి. గురువారం దసరా పండుగ వేళ కొన్ని రాశుల వారికి శుభ ఫలితాలు ఉండనున్నాయి. ద్వాదశ రాశులపై ఈరోజు శ్రవణ నక్షత్ర ప్రభావం ఉంటుంది. దీంతో కొన్ని రాశుల వారు అనుకున్న పనులను సకాలంలో పూర్తి చేస్తారు. మరికొన్ని రాశుల వారు జాగ్రత్తగా ఉండాల్సిన అవసరం ఉంది. మేషం నుంచి మీనం వరకు మొత్తం రాశుల ఫలితాలు ఎలా ఉన్నాయో చూద్దాం..
మేష రాశి (అశ్విని, భరణి,1,2,3,4) : ఈరోజు పిల్లలకు సంబంధించిన కీలక నిర్ణయాలు తీసుకుంటారు. కొత్తగా వ్యాపారాలు ప్రారంభించే వారికి అనుకూలమైన సమయం. ఉద్యోగులు అనుకున్న పనులను పూర్తి చేస్తారు. ఆధ్యాత్మిక కార్యక్రమాల్లో పాల్గొంటారు. పెద్దల సలహాతో కొత్తగా పెట్టుబడులు పెడతారు. కొన్ని విషయాల్లో మనస్పర్ధలు ఏర్పడతాయి. జీవిత భాగస్వామితో సంతోషంగా ఉంటారు. అనుకోకుండా దూర ప్రయాణాలు చేయాల్సి వస్తుంది.
వృషభరాశి( కృత్తిక 2,3,4 రోహిణి) : ఈరోజు వారి కుటుంబ జీవితం సంతోషంగా ఉంటుంది. స్నేహితులతో ఉల్లాసంగా ఉంటారు. గతంలో కంటే ఆర్థిక పరిస్థితి మెరుగుపడుతుంది. ఉద్యోగులకు వివిధ మార్గాల ద్వారా డబ్బు వస్తుంది. వ్యాపారులు ఎవరితోనైనా వాగ్వాదం పెట్టుకోకుండా జాగ్రత్త పడాలి. ఎవరికైనా డబ్బు ఇస్తే తిరిగి వచ్చే అవకాశాలు తక్కువగా ఉంటాయి అందువల్ల ఆర్థిక వ్యవహారాల్లో జాగ్రత్తగా ఉండాలి.
మిథున రాశి( మృగశిర 3,4 అరుద్ర): నిరుద్యోగులు శుభవార్తలు వింటారు. ఉద్యోగులకు అదనపు ఆదాయం అందుతుంది. ఆర్థిక లావాదేవీలతో జాగ్రత్తగా ఉండాలి ఉద్యోగులు ఉన్నతాధికారులతో సంప్రదింపులు జరుపుతారు. తల్లిదండ్రుల ఆశీర్వాదంతో వ్యాపారులు లాభాలు పొందుతారు. ఉన్నట్లుండి కొందరికి అదృష్టం భరించే అవకాశం ఉంటుంది. ఊహించిన దానికంటే ఎక్కువగా డబ్బు వస్తుంది.
కర్కాటక రాశి(పునర్వసు 4, పుష్యమి, అశ్లేష) : ఈ రాశి వారు ఈ రోజు కొందరి ప్రవర్తనతో ఆందోళన చెందుతారు. గతంలో ఉన్న సమస్యలను పరిష్కరించుకుంటారు. ప్రియమైన వారి కోసం వస్తువులు కొనుగోలు చేస్తారు. స్నేహితులతో కలిసి విహారయాత్రలకు వెళ్లే అవకాశం ఉంది. కుటుంబ సభ్యులతో కలిసి దూర ప్రయాణాలు చేస్తారు ఆధ్యాత్మిక కార్యక్రమాల్లో పాల్గొంటారు. మానసికంగా ప్రశాంతంగా ఉంటారు. ఎవరితోనైనా వాదన ఉంటే జాగ్రత్తగా ఉండాలి.
సింహా రాశి( ముఖ, పుబ్బ, ఉత్తర 1) : ఈ రాశి వారు ఈరోజు కొత్త వ్యాపారం ప్రారంభిస్తారు. గతంలో పెట్టినా పెట్టుబడుల నుంచి అధిక లాభాలు పొందుతారు. ఉద్యోగులకు అదనపు ఆదాయం చేకూరుతుంది. కుటుంబ సభ్యుల మధ్య సంతోషకరమైన వాతావరణం ఉంటుంది. విద్యార్థుల కెరీర్ పై కీలక నిర్ణయం తీసుకుంటారు. వ్యాపారులకు ఊహించిన దానికంటే ఎక్కువగా లాభం వస్తుంది. పెండింగ్ పనులను పూర్తి చేస్తారు. సమస్యలు పరిష్కారం అవుతాయి.
కన్యరాశి(ఉత్తర 2,3,4 హస్త చిత్త 1,2) : ఈ రాశి వారు ఈరోజు చాలా ప్రశాంతంగా ఉండగలుగుతారు. వ్యాపారులు తమ నైపుణ్యంతో ఎక్కువ లాభాలను పొందగలుగుతారు. ఉద్యోగులు తోటి వారి సహాయంతో అనుకున్న పనులను పూర్తి చేస్తారు. జీవిత భాగస్వామితో వాగ్వాదం ఉంటే మౌనంగా ఉండడమే మంచిది. లేకుంటే తీవ్ర ఇబ్బందులు ఎదుర్కోవాల్సి వస్తుంది. విద్యార్థుల చదువు కోసం దూర ప్రయాణాలు చేయాల్సి వస్తుంది.
తుల రాశి(చిత్త 3,4, స్వాతి: విశాఖ 1,2,3) : . ఈ రాశి వారు ఈ రోజు సమాజంలో మంచి గుర్తింపును పొందుతారు. గతంలో ఉన్న సమస్యలను పరిష్కరించుకుంటారు. సమయాన్ని వృధా చేయకుండా చేపట్టిన పనులను పూర్తి చేయాలి. ఉద్యోగులకు తోటి వారి మద్దతు ఉంటుంది. దీంతో కొన్ని ప్రాజెక్టులను పూర్తి చేయడంతో అధికారుల నుంచి ప్రశంసలు పొందుతారు. జీవిత భాగస్వామి కోసం విలువైన వస్తువులు కొనుగోలు చేస్తారు.
వృశ్చిక రాశి(విశాఖ 4, అనురాధ, జ్యేష్ఠ) : ఈ రాశి వారు ఈ రోజు ఆధ్యాత్మిక కార్యక్రమాల్లో పాల్గొంటారు. కొన్ని సమస్యలను కుటుంబ సభ్యులతో కలిసి పరిష్కరించుకుంటారు. సోదరుల మధ్య ఉన్న విభేదాలు తొలగిపోతాయి. విద్యార్థులతో కలిసి దూర ప్రయాణాలు చేస్తారు. కుటుంబ సభ్యుల మధ్య ఉన్న విభేదాలు తొలగిపోతాయి. పూర్వీకుల ఆస్తికి సంబంధించి శుభవార్తను వింటారు. పోటీ పరీక్షలో పాల్గొనేవారు విజయం సాధిస్తారు.
ధనస్సు రాశి ( మూల, పుర్వాషాఢ, ఉత్తరాషాడ 1) : ఈ రాశి వారు ఈ రోజు ఇంట్లో ఆనందకరమైన వాతావరణంలో ఉంటారు గతంలో చేపట్టిన కొన్ని పనులను ఈరోజు పూర్తి చేస్తారు. ఇంట్లో ముఖ్యమైన వారి కోసం బహుమతులు కొనుగోలు చేస్తారు. తండ్రి సలహాతో వ్యాపారులు కొత్తగా పెట్టుబడులు పెడతారు. ఎవరికైనా డబ్బు ఇవ్వాల్సి వస్తే ఆలోచించాలి. వృధా ఖర్చులు చేయకుండా జాగ్రత్త పడాలి.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారు ఈ రోజు జీవిత భాగస్వామితో సంతోషంగా ఉంటారు. గతంలో ఉన్న కుటుంబ సమస్యలను పరిష్కరించుకుంటారు. రాజకీయాల్లో ఉండేవారు శుభవార్తలు వింటారు. వీరికి ప్రజల మద్దతు పెరిగిపోతుంది. విద్యార్థులు పోటీ పరీక్షలో పాల్గొంటే విజయం సాధిస్తారు. గతంలో చేపట్టిన లక్ష్యాలను విజయవంతంగా పూర్తి చేస్తారు.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : . ఈ రాశి వారు వ్యాపార కార్యకలాపాలను విజయవంతంగా పూర్తి చేస్తారు. ఉద్యోగులకు అనుకూలమైన వాతావరణం ఉంటుంది. బంధువుల నుంచి ధన సహాయం అందుతుంది. స్నేహితులతో కలిసి ఉల్లాసంగా ఉంటారు. కుటుంబ జీవితం సంతోషకరంగా ఉంటుంది. విహార యాత్రలకు వెళ్లాలని ప్లాన్ చేస్తారు విందు వినోదా కార్యక్రమాల్లో పాల్గొంటారు. ప్రత్యేకమైన పూజలో కుటుంబ సభ్యులతో కలిసి పాల్గొంటారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి వారు ఈరోజు కొన్ని అదనపు బాధ్యతలను చేపట్టాల్సి వస్తుంది. వ్యాపారులకు అదనంగా లాభాలు ఉంటాయి. ఉద్యోగులు శక్తికి మించి కష్టపడాల్సి వస్తుంది. అయితే అందుకు తగిన ప్రతిఫలాన్ని పొందుతారు. విద్యార్థుల పోటీ పరీక్షలో పాల్గొంటే విజయం సాధిస్తారు. తల్లిదండ్రుల ఆరోగ్యం పై ప్రత్యేక దృష్టి పెట్టాలి. అనుకోకుండా దూర ప్రయాణాలు చేయాల్సి వస్తుంది.
