చిన్న పెద్ద, ధనిక-పేద, కుల-మత అనే తేడా లేకుండా కేవలం మానవ విలువలను మాత్రమే దృష్టిలో ఉంచుకుని, ప్రతి రోగికి వివక్ష లేకుండా, నిస్వార్ధమైన సేవ చేసేవాళ్ళు నర్సులు. ప్రపంచవ్యాప్తంగా ఆరోగ్య నిర్వహణకు సంబంధించిన అతిపెద్ద వృత్తి నర్సింగ్. కనిపించని శత్రువుకు కనిపించే మనిషికి మధ్య బలమైన ప్రాకారముగా ఉన్న ఈ నర్సులు ప్రజల ఆరోగ్యాన్ని మెరుగుపరచడంలో ప్రధాన పాత్ర పోషిస్తున్నారు. తెర వెనుక ఉండి, రోగుల పరిస్థితిని మెరుగుపరిచేందుకు నిశ్శబ్ద యుద్ధంలో పనిచేసే వీరులు ఈ నర్సులు. దేశ రక్షణ కోసం బోర్డర్ దగ్గర నిలబడి కంటికి కనిపించే శత్రువులతో ‘సైనికులు’ పోరాడుతుంటే.. ప్రజల క్షేమం కోసం ఆసుపత్రి బెడ్ దగ్గర నిలబడి కంటికి కనిపించని శత్రువుతో ‘నర్సలు’ పోరాడుతున్నారు. కరోనా మహమ్మారి విజృంభన నేపథ్యంలో ‘సైనికులు’ చేస్తున్న సేవ కంటే ‘నర్సులు’ చేస్తున్న సేవ ఎక్కువ అని చెప్పడం అతిశయోక్తి కాదేమో..! ? కాబట్టి ఈ రోజు (మే 12, 2020) నర్సుల దినోత్సవాన్ని పురస్కరించుకొని వారికి నిండు హృదయంతో కృతజ్ఞతతో కూడిన శుభాకాంక్షలు చెప్పడం మనిషిగా కనీస బాధ్యత.
అంతర్జాతీయ నర్సుల దినోత్సవం ఎందుకు జరుపుకుంటారు?
అంతర్జాతీయ నర్సుల దినోత్సవాన్ని ప్రతి సంవత్సరం మే 12 న ప్రపంచవ్యాప్తంగా జరుపుకుంటారు. నర్సింగ్ సేవను ప్రారంభించిన ఫ్లోరెన్స్ నైటింగేల్ పుట్టినరోజును ప్రపంచవ్యాప్తంగా నర్సులకు అంకితం చేయబడింది.1850 లలో క్రిమియన్ యుద్ధంలో నర్సింగ్ రంగంలో నైటింగేల్ ఒక ముఖ్యమైన వ్యక్తిగా మారింది. ఆమె నర్సింగ్ మరియు ఆరోగ్య సంరక్షణ సేవలలో అనేక సంస్కరణలను తీసుకువచ్చింది మరియు 1860 లో లండన్ లోని సెయింట్ థామస్ హాస్పిటల్ లో నైటింగేల్ స్కూల్ ఆఫ్ నర్సింగ్ ను ప్రారంభించింది. ఈ విధంగా ఆరోగ్య సంరక్షణ రంగంలో నైటింగేల్ చేసిన సేవకి గుర్తుగా ప్రతి ఏడు ఈ రోజున అంతర్జాతీయ నర్సుల దినోత్సవం జరుపుకుంటారు
అంతర్జాతీయ నర్సుల దినోత్సవం ఎలా ప్రారంభమైంది?
నర్సుల దినోత్సవాన్ని జరుపుకునే ఆలోచనను డోరతీ సదర్లాండ్ 1953 లో ప్రతిపాదించారు, ఆమె అప్పటి అధ్యక్షుడు డ్వైట్ డి ఐసన్ హోవర్ ను సంప్రదించి ఈ ఆలోచనను ప్రతిపాదించారు. 1974 లో ప్రజల ఆరోగ్యం పట్ల నర్సులు చేస్తున్న కృషికి గుర్తుగా ఈ రోజును అధికారికంగా # ఇంటర్నేషనల్ నర్స్ డేగా ప్రకటించారు.
అంతర్జాతీయ నర్సుల దినోత్సవం 2020 శుభాకాంక్షలు
- దయ మరియు మానవత్వంతో ప్రపంచ ఆరోగ్య సంరక్షణకి మీరు శపథం చేసిన విధానం అన్ని ప్రశంసలకు మించినది కాబట్టి “నర్సుల దినోత్సవ శుభాకాంక్షలు!”
- నిరాశ యొక్క చీకటిలో ఆశ యొక్క మంటను వెలిగించి మన ప్రపంచాన్ని కాంతి మరియు ప్రేమతో ప్రకాశవంతం చేసిన మీకు నర్సుల దినోత్సవ శుభాకాంక్షలు.
- ఈ భయానక సమయంలో దయనీయమైన సేవ చేసే మీకు ఈ ప్రత్యేక సందర్భంగా నర్సుల దినోత్సవ శుభాకాంక్షలు!
- ప్రపంచంలోని అన్ని వ్యాధులను నయం చేయడానికి మీ దయగల చిరునవ్వు సరిపోతుంది! కాబట్టి ఎల్లప్పుడూ మీ ముఖం మీద చిరునవ్వును అలాగే ఉంచండి!
హ్యాపీ ఇంటర్నేషనల్ నర్సెస్ డే 2020
