H1B visa : నిన్న అమెరికా అధ్యక్షుడు డొనాల్డ్ ట్రంప్ పెద్ద బాంబ్ పేల్చాడు. జన్మత: పౌరసత్వం అమెరికా పౌరులకు, అమెరికా శాశ్వత నివాసుతులకు వర్తిస్తుందని.. మిగతా హెచ్1బీ వాసులకు వర్తించదని స్పష్టం చేశారు. హెచ్1బీ వీసాలు రావాలి.. ప్రపంచ నైపుణ్యం మాకు కావాలని పిలుపునిచ్చారు. జన్మత: పౌరసత్వం రద్దుతో భారతీయుల్లో ఆందోళన నెలకొంది. మాకు పౌరసత్వం లేకున్నా.. అమెరికాలో పుట్టిన మా బిడ్డలకు అమెరికా పౌరసత్వం వస్తుందని ధీమా వారిలో ఉండేది. గ్రీన్ కార్డ్ లేట్ అయినా ఈ ధీమా అయితే ఉండేది. ఇప్పుడు అదీ లేకుండా పోయింది.
విదేశీ మూలాలున్న అమెరికన్లు, ముఖ్యంగా భారతీయ అమెరికన్లు, మధ్య ఆందోళనలకు కారణమైంది.
ఇప్పటివరకు అమెరికాలో కొనసాగిన జన్మతః పౌరసత్వం ప్రకారం, అమెరికా భూభాగంలో జన్మించిన ప్రతి వ్యక్తికి, వారి తల్లిదండ్రుల పౌరసత్వానికి సంబంధం లేకుండా, అమెరికా పౌరసత్వం లభిస్తుంది.
డొనాల్డ్ ట్రంప్ పేర్కొన్న మార్పుల ప్రధాన ఉద్దేశ్యం ప్రకారం.. అత్యధిక వలసల నియంత్రణలో భాగంగా అక్రమ వలసదారుల పిల్లలు అమెరికాలో జన్మించడం ద్వారా పౌరసత్వం పొందకుండా చేయడం. సామాజిక వ్యవస్థపై ప్రభావం తగ్గించడం.. కొన్ని వర్గాలు వాదిస్తున్నట్టు, జన్మతః పౌరసత్వాన్ని పొందడం వల్ల ప్రభుత్వ వనరుల దుర్వినియోగం జరుగుతోందని ఆయన అభిప్రాయం వ్యక్తం చేశారు.
భారతీయ అమెరికన్ల ఆందోళనలు ట్రంప్ నిర్ణయంతో ఎక్కువయ్యాయి. వలస కుటుంబాల భవిష్యత్తు ప్రశ్నార్థకమవుతుంది. భారతీయ వలసదారుల పిల్లలు అమెరికాలో జన్మించినా, పౌరసత్వం కల్పించకుండా చేయడం వారి భవిష్యత్తుపై అనిశ్చితిని కలిగిస్తుంది.
H-1B వీసా హోల్డర్లపై ప్రభావం పడనుంది. H-1B వీసా మీద అమెరికాలో నివసిస్తున్న భారతీయులు తమ పిల్లల భవిష్యత్తు గురించి ఆందోళన చెందుతున్నారు. జన్మతః పౌరసత్వం రద్దు చేస్తే, ఈ పిల్లలు అమెరికా పౌరులుగా గుర్తింపు పొందకపోవచ్చు. విద్య, ఉద్యోగ అవకాశాల్లో తీవ్ర నష్టం కలుగుతుంది. అమెరికా పౌరసత్వం లేకపోతే, పిల్లలకు స్థానిక విద్యాసంస్థల్లో చదవడం, కొన్ని రకాల ప్రయోజనాలు పొందడం కష్టమవుతుంది.
డొనాల్డ్ ట్రంప్ ప్రతిపాదనలు ఇప్పటికీ తీవ్ర రాజకీయ, న్యాయపరమైన చర్చలకు దారితీస్తున్నాయి. భారతీయ అమెరికన్లు, ఇతర వలసదారులు తమ హక్కులను రక్షించుకునేందుకు న్యాయసరైన మార్గాలను అన్వేషిస్తున్నారు. కోర్టు ఇప్పటికే ట్రంప్ తెచ్చిన ఆర్డర్లను రద్దు చేస్తూ షాక్ ఇచ్చింది. ఇది తదుపరి ఎలాంటి నిర్ణయం తీసుకుంటుందన్నది వేచిచూడాలి.
జన్మతః పౌరసత్వ రద్దుతో ఆందోళనలో భారతీయ అమెరికన్లు.. ట్రంప్ పాలన-భారత్ తో సంబంధాలపై ‘రామ్’ గారి సునిశిత విశ్లేషణను కింది వీడియోలో చూడొచ్చు.
