Pawan Kalyan : ‘తాను ఒక విఫల నేతను’ అంటూ పవన్ కళ్యాణ్ చెప్పుకోవడం అందర్నీ ఆకర్షించింది. హైదరాబాద్ లోని శిల్ప కళా వేదికలో వేలాది మంది చార్డర్ట్ అకౌంట్ విద్యార్థులకు స్ఫూర్తిదాయకమైన మాటలు చెప్పే క్రమంలో తన జీవితంలో ఎదురైన పరిణామాలను వారికి వివరించారు. తాను విఫల నేతనే కానీ.. ఓటమి చెందలేదని.. విజయాన్ని అందుకునేందుకు నిరంతరం ప్రయత్నిస్తునే ఉన్నానని చెప్పారు. జీవితంలో ఎదురయ్యే కష్టాలు, ఓటములు వివరించే క్రమంలో పవన్ చేప్పిన మాటలు విద్యార్థులను ఆలోచింపజేశాయి. అటు విశ్లేషకులు సైతం పవన్ అభిప్రాయంతో ఏకీభవిస్తున్నారు. పవన్ తనను తాను విఫల నేతగా పరిధి తగ్గించుకోలేదని.. పరిణితితో కూడిన వ్యాఖ్యలే చేశారని అభిప్రాయపడుతున్నారు.
2014 ఎన్నికల ముందు పవన్ కళ్యాణ్ నేతృత్వంలోని పురుడుబోసుకుంది జనసేన. వెంట ఎవరూ లేరు.. మరో ప్రజారాజ్యం అంటూ ఎగతాళి చేశారు. పీఆర్పీ పర్యవసానాలతో అసలు పార్టీ నడిపించగలడా అని కామెంట్స్ చేశారు. ఆవేశపరుడూ.. అసలు ఆయన రాజకీయాల్లో నిలదొక్కుకోగలడా? అని ప్రశ్నించారు. మరో జాతీయ పార్టీలో జనసేన విలీనం కాక తప్పదని విశ్లేషించారు. ఇలా ఎదురైన ప్రతీ ప్రశ్నకు, సవాల్ కు జవాబు చెబుతూ పవన్ ముందుకు సాగారు. ఏపీ రాజకీయ యవనికపై జనసేనను నిలబెట్టారు. అజేయమైన శక్తిగా, ప్రజాభిమానం చూరగొంటున్న పార్టీగా తీర్చిదిద్దారు. 2024 ఎన్నికల్లో జనసేన లేని ప్రభుత్వం ఊహించుకోలేమన్న విశ్లేషణ స్థాయికి ర్టీని నిలబెట్టగలిగారు.
తెలుగునాట ఎన్నో పార్టీలు తెరపైకి వచ్చాయి. కొద్దిరోజులకే తెరమరుగయ్యాయి. పార్టీని నడపడం అనేది ఒక ఉద్యమం. రాజకీయాలంటే ఎత్తుకు పైఎత్తులు. కోట్లాది రూపాయల పెట్టుబడులు. ఆపై అంగబలం, ఆర్థిక బలం, సామాజికవర్గ బలం.. అంతకంటే మించి ప్రత్యర్థి పార్టీల హానికరమైన మనస్థత్వం నుంచి పార్టీని కాపాడుకోవడం. వాటన్నింటినీ తట్టుకొని నిలబడ్డారు పవన్ కళ్యాణ్. దశాబ్ద కాలం చేతికి పవర్ లేదు. పార్టీకి సీట్లు లేవు. కానీ ఏపీ రాజకీయాల్లో మార్పునకు, సంచలనలకు కేంద్రమవుతున్నారు. అందరికీ పవన్ కావాలన్న రేంజ్ లో జనసేనను నిలబెట్టారు. చివరకు కేంద్రంలో అధికారంలో ఉన్న బీజేపీకి. రాష్ట్రంలో మిత్రపక్షంగా ఉన్న టీడీపీకి.. అంతెందుకు వామపక్షాలు సైతం పవన్ భావజాలానికి ఇష్టపడుతున్నాయంటే పవన్ అందరివాడు.
పొలిటికల్ పార్టీలకు గెలుపోటములు సహజం. కానీ పవన్ కు ఇంతవరకూ గెలుపు పలుకరించలేదు. కానీ ఆయనెప్పుడు నిరాశ చెందలేదు. గత ఎన్నికల్లో రెండుచోట్ల పోటీచేసిన పవన్ కు రెండింటా నిరాశ చెందలేదు. ఓడించారు కదా అని ప్రజలపై నిష్టూరమాడలేదు. వారిపై అసంతృప్తి, ఆగ్రహం వ్యక్తం చేయలేదు. ఆ గొప్ప మనసే ప్రజలను పవన్ కు మరింత దగ్గర చేస్తోంది. ఓటమే గెలుపునకు నాంది అని నమ్ముతున్న వ్యక్తి పవన్. సమాజంలో మార్పు రావాలని ..అందులో తాను ఒక భాగస్వామ్యం కావాలని ఎంతోమంది కోరుకుంటారు. కానీ కార్యాచరణలో మాత్రం దిగరు. కానీ పవన్ మాత్రం విలాసవంతమైన జీవితం వదిలి సైతం సమాజ మార్పునకు తనవంతు ప్రయత్నం చేస్తున్నారు. అయితే పవన్ తాను చెప్పుకుంటున్నట్టు ఫెయిల్యూర్ నేత కాదని.. ఫెయిలైనట్టు కూడా కాదని.. అతనొక సక్సెస్ పుల్ లీడర్ గా ఏపీ రాజకీయ యవనికపై నిలబడతారని విశ్లేషకులు అభిప్రాయపడుతున్నారు.
