KA Paul : ఎవరు ఔనన్నా.. ఎవరు కాదన్న.. ఇంతటి తెలంగాణ రాజకీయ హీట్ లో ఫుల్ కామెడీ పండించగల సీరియస్ పొలిటికల్ కమెడియన్ మన కేఏ పాల్. తెలంగాణ ఎన్నికల్లో కాంగ్రెస్ గాలి వీయడం.. రేవంత్ రెడ్డి సీఎం అవుతారన్న అంచనాలు పెరిగిపోతున్న నేపథ్యంలో కేఏ పాల్ ఎంట్రీ ఇచ్చారు. తెలంగాణ ఎన్నికల్లో తన పార్టీ గెలవబోతోందని.. తనే ముఖ్యమంత్రినంటూ డిబేట్లు పెట్టాలని డిమాండ్ చేసి అందరినీ ముక్కున వేలేసుకునేలా చేశారు.
‘తెలంగాణ ఎన్నికల్లో మినమం 38 నుంచి 79 సీట్లను గెలుస్తున్నాం. క్యాండిడేట్లు అందరూ గెలుస్తున్నారు. పునాదులు వేశాం ప్రతీ గ్రామంలో.. చర్చీలు ఉన్నాయి.టెంపుల్స్ ఉన్నాయి.. మసీదులున్నాయి.. కనుక అందరం కలిసి పోరాడితే 112 వస్తాయి. లేదు అంటే 39 సీట్లు వచ్చినా నేనే ముఖ్యమంత్రిని.. నేను సీఎం అయితే మంచిదా? వాళ్లు అయితే మంచిదా? ఒక డిబేట్ పెట్టండి.. ’ అంటూ కేఏ పాల్ సవాల్ చేసిన ఈ వీడియో ఇప్పుడు వైరల్ అవుతోంది.
రెండు సార్లు అధికారంలో ఉన్న కేసీఆర్, కేటీఆర్ లే తాము గెలుస్తామని.. ముఖ్యమంత్రి పీఠం తమదేనని గట్టిగా చెప్పలేని పరిస్థితి. అసలు కేఏ పాల్ ప్రజాశాంతి పార్టీ క్యాండిడేట్లు ఎవరో కూడా తెలియదు. కేఏ పాల్ నే గెలవడు. అలాంటిది ఏకంగా 79 సీట్ల వరకూ గెలిచి సీఎం అవ్వబోతున్నానని కేఏ పాల్ చేసిన ప్రకటన ఇప్పుడు అందరినీ షాక్ కు గురిచేసింది. అంతేకాదు కేఏ పాల్ చేసిన కామెడీకి నవ్వాలో ఏడ్వాలో కూడా అర్థం కాని పరిస్థితి నెలకొంది. కేఏ పాల్ మాట్లాడిన వీడియోను మీరూ చూసి నవ్వుకోండి..
తెలంగాణకు నేనే ముఖ్యమంత్రి కాబోతున్నా – కేఏ పాల్ pic.twitter.com/V39qB9J00U
— Telugu Scribe (@TeluguScribe) December 2, 2023
