Janasena Formation Day LIVE: జనసేన 9వ ఆవిర్భావ సభ: పవన్ కళ్యాణ్ స్పీచ్ లైవ్

Janasena Formation Day LIVE: ఎప్పుడెప్పుడా అని ఎదురుచూస్తున్న జనసేన సింహగర్జనకు వేదిక రెడీ అయ్యింది. యావత్ ఆంధ్ర ప్రజలు ఎదురుచూస్తున్న ఆ సమయం ఆసన్నమైంది. జనసేన 9వ ఆవిర్భావ వేడుకలు ఆంధ్రప్రదేశ్ లోని తాడేప‌ల్లి మండ‌ల ప‌రిధిలోని ఇప్ప‌టం గ్రామంలో నేడు జరగనున్నాయి. జనసేన ఆవిర్భావ సభా వేదికకు మాజీ ముఖ్యమంత్రి దామోదరం సంజీవయ్య చైతన్య వేదికగా పేరు పెట్టారు. ఈ వేదిక నుంచే పవన్ కల్యాణ్ కల్యాణ్ జనసేన లక్ష్యాలను ప్రజల్లోకి తీసుకెళ్లనున్నారు.

జనం గుండెల్లో పవర్ స్టార్ గా ఎదిగిన పవన్ కల్యాణ్ అనంతరం రాజకీయాల్లోకి వచ్చి స్థాపించిన ‘జనసేన పార్టీ’ నేడు తొమ్మిదో ఆవిర్భావ సభ చేసుకోబోతుంది. ఈ వేదిక నుంచి పవన్ కల్యాణ్ జనసైనికులకు దిశానిర్దేశం చేసేందుకు రెడీ అవుతున్నారు. రాబోయే ఎన్నికల్లో అధికారమే లక్ష్యంగా జనసైనికులను ఉత్తేజపరిచేలా పవన్ కల్యాణ్ ప్రసంగం ఉండనుంది. ఈక్రమంలోనే ప్రత్యర్థులకు పవన్ ఈ సభ నుంచే హెచ్చరికలు పంపనున్నారు. ముఖ్యంగా అధికార వైసీపీని టార్గెట్ చేయనున్నారు. భీమ్లానాయక్ సినిమాకు కల్పించిన అడ్డంకులపై పవన్ గళమెత్తనున్నారు.

Also Read: KTR and Bandi Sanjay War: కంటోన్మెంట్ వార్: టచ్ చేసి చూస్తే కేటీఆర్ కు చుక్కలేనంటున్న ‘బండి’

ఇక ఏపీ రాజకీయ భవిష్యత్తును మార్చే సభగా దీన్ని నిన్నటి వీడియోలో పవన్ అభివర్ణించారు. ఈ క్రమంలోనే పొత్తులపై కూడీ కీలక ప్రకటన చేయబోతున్నట్టు తెలుస్తోంది. ప్రస్తుతం బీజేపీతో కలిసి సాగుతున్న జనసేన లక్ష్యాలు.. 2024 ఎన్నికల్లో గెలుపుకోసం అవలంభించాల్సిన వ్యూహాలను కూడా పవన్ తన జనసైనికులకు దిశానిర్ధేశం చేయనున్నారు. పవన్ చేసే ఈ ప్రసంగంపై ఏపీ ప్రజలే కాదు.. అధికార, ప్రతిపక్షాలు ఆసక్తిగా ఎదురుచూస్తున్నాయి.

ఈ లైవ్ స్పీచ్ ను మీరు చూడాలంటే కింది వీడియోలో క్లిక్ చేయండి..

Also Read: Vijayasai Reddy: ఏపీ ఆర్థికమంత్రిగా విజయసాయిరెడ్డి.. జగన్ సంచలనం?