Minister Roja
Minister Roja: వైసీపీ మంత్రి రోజా.. ఏపీలో మంత్రిగా బాధ్యతలు నిర్వహిస్తున్న ఆమె గురించి తెలుగు రాష్ట్రాల్లో తెలియని వారుండరు. ఒకప్పుడు టాలీవుడ్ లో స్టార్ హీరోయిన్ గా కొనసాగిన రోజా ప్రస్తుతం ఏపీ రాజకీయాల్లో కీలక వ్యక్తిగా ఉన్నారు. అంతేకాదు మంత్రిగా ప్రజలకు సేవ చేస్తున్నారు.
2024 ఎన్నికల్లో తన సొంత నియోజకవర్గమైన నగరి నుంచి విజయం సాధించాలని మంత్రి రోజా భావిస్తున్నారు. ఏపీలో మరోసారి వైసీపీ అధికారంలోకి వస్తుందని ప్రభుత్వాన్ని ఏర్పాటు చేస్తుందని రోజా నమ్మకంగా చెబుతున్నారు.
ఎమ్మెల్యేగా, మంత్రిగా రోజా నిరంతరం ప్రజా సేవలోనే ఉంటారు. ఎన్నో సేవా కార్యక్రమాలను నిర్వహించడంతో పాటు ప్రజా సంక్షేమానికి పాటు పడుతుంటారు. దాంతో పాటు ప్రతిభ ఉండి చదువుకు దూరమయ్యే విద్యార్థులకు అండగా నిలుస్తారు మంత్రి రోజా. వారి విద్యాభ్యాసానికి కావాల్సిన ఆర్థిక సాయం చేస్తుంటారు. అయితే రోజా మంత్రి పదవి చేపట్టిన తరువాత సినీ పరిశ్రమకు దూరంగా ఉంటున్నారన్న సంగతి తెలిసిందే.
తెలుగు, తమిళం భాషల్లో రోజా ఎన్నో సినిమాల్లో నటించారన్న విషయం ప్రతి ఒక్కరికి తెలుసు. అయితే ఆమె ఒక బాలీవుడ్ సినిమాలో కూడా నటించారన్న విషయం చాలామందికి తెలియదు. మహేశ్ భట్ దర్శకత్వంలో తెరకెక్కిన చిత్రం ‘ది జెంటిల్మేన్’. ఈ సినిమాలో రోజా ఐటం సాంగ్ చేశారని సమాచారం. కానీ బాలీవుడ్ లో ఈ మూవీ అంతగా రాణించలేదు. అంతేకాదు 2024 లో రోజా మళ్లీ సినిమాల్లోకి రీఎంట్రీ ఇచ్చే అవకాశాలు కూడా ఉన్నాయంటూ ఓ వార్త చక్కర్లు కొడుతుంది.
నటిగానే కాకుండా మంత్రిగానూ ప్రజల హృదయాలను రోజా గెలుచుకున్నారు. దీంతో ఆమెను అభిమానించే వారి సంఖ్య రోజురోజుకు పెరుగుతోంది. ఈ క్రమంలోనే రోజా మళ్లీ సినిమాల్లోకి రావాలని ఫ్యాన్స్ కోరుకుంటున్నారట. టాలీవుడ్ సూపర్ స్టార్ మహేశ్ బాబు సినిమాలో నటించాలని రోజా ఆశపడుతున్నారని తెలుస్తోంది. అయితే రోజా రీఎంట్రీ ఇస్తారా? ఆమె కోరిక తీరుతుందా ? లేదా అన్నది చూడాలి. మరోవైపు మూవీల్లో కొన్ని పాత్రలకు రోజా అయితే సూట్ అవుతారని సోషల్ మీడియా వేదికగా నెటిజన్లు కామెంట్స్ చేస్తున్నారు. ఏదీ ఏమైనా పాలిటిక్స్ కానీ సినిమాలు కానీ ఎక్కడైనా రోజా రానున్న రోజుల్లో మరింత సత్తా చాటాలని అభిమానులు, నెటిజన్లు కోరుకుంటున్నారు.