Prabhas romance with Sudheer Sudheer heroine..which girl doesn't get such luck!
Prabhas & Sudheer : సినీ ఇండస్ట్రీ లో అదృష్టం చాలా అరుదుగా మాత్రమే వరిస్తుంది. ఆ అదృష్టాన్ని పసిగట్టి సరైన పద్దతిలో వినియోగించుకున్న వాళ్ళే ఇండస్ట్రీ లో సక్సెస్ అవుతుంటారు. అలాంటి అదృష్టం ప్రముఖ ఇంస్టాగ్రామ్ సెలబ్రిటీ ఇమాన్వి కి దక్కింది అని చెప్పొచ్చు. ఈమె ప్రభాస్, హను రాఘవపూడి కాంబినేషన్ లో తెరకెక్కుతున్న ‘ఫౌజీ’ అనే చిత్రంలో హీరోయిన్ గా ఎంపికైంది. ఈమెని హీరోయిన్ గా ప్రకటించిన రోజు నుండి ప్రభాస్ అభిమానులు ఈమెకి సంబంధించిన వివరాలు తెలుసుకునేందుకు సోషల్ మీడియా మొత్తం గాలించారు. అలా గాలించిన తర్వాత తెలిసిన కొన్ని ఆసక్తికరమైన విషయాలు ఇప్పుడు సోషల్ మీడియా ని షేక్ చేస్తున్నాయి. ఇమాన్వి కి ప్రభాస్ తో సినిమా కమిట్ కాకముందు టాలీవుడ్ లో అనేక ఆఫర్లు వచ్చిందట. కానీ ఎందుకో ఈ అమ్మాయి అంతగా ఆసక్తి చూపించలేదు.
ప్రముఖ జబర్దస్త్ కమెడియన్ సుడిగాలి సుధీర్ హీరో గా నటిస్తున్న లేటెస్ట్ చిత్రం ‘ది గ్రేటెస్ట్ ఆఫ్ ఆల్ టైం’ చిత్రంలో హీరోయిన్ పాత్ర కోసం ముందుగా ఇమాన్వి ని అడిగారట మేకర్స్. ఆమె కూడా ఈ చిత్రంలో నటించేందుకు ఆసక్తి చూపించింది కానీ, అదే సమయంలో ఆమెకి పరీక్షలు ఉండడంతో చేయలేకపోయింది. దీంతో ఆమె స్థానంలోకి దివ్య భారతి అనే యంగ్ హీరోయిన్ ని తీసుకున్నారు మేకర్స్. అలా సుడిగాలి సుధీర్ సినిమాలో హీరోయిన్ గా నటించాల్సిన ఈ అమ్మాయి, ఇప్పుడు ఏకంగా పాన్ ఇండియన్ సూపర్ స్టార్ ప్రభాస్ సినిమాలో హీరోయిన్ గా నటిస్తుంది. ఒక అమ్మాయికి ఇంతకంటే అదృష్టం మరొకటి దొరుకుతుందా..?, ఈ సినిమా కమర్షియల్ గా హిట్ అయినా, కాకపోయినా ఇమాన్వి అందరి దృష్టిలో పడింది. ఈ సినిమా షూటింగ్ దశలో ఉన్నప్పుడే ఆమెకి టాలీవుడ్ లో మరికొన్ని క్రేజీ పాన్ ఇండియన్ ప్రాజెక్ట్స్ హీరోయిన్ గా నటించే అవకాశాలు వస్తున్నాయి.
ఇదంతా పక్కన పెడితే ఈ సినిమాకి సంబంధించిన మొదటి షెడ్యూల్ ని ఇటీవలే ద్వారకా లో షూట్ చేసారు. ఈ షెడ్యూల్ లో ప్రముఖ బాలీవుడ్ సీనియర్ నటుడు మిథున్ చక్రవర్తి పాల్గొన్నాడు. త్వరలో హైదరాబాద్ లో ఏర్పాటు చేసిన షెడ్యూల్ లో ప్రభాస్ జాయిన్ అవ్వబోతున్నాడు. ప్రస్తుతం ఆయన ‘రాజా సాబ్’ సినిమాని పూర్తి చేసే పనిలో ఉన్నాడు. ఈ సినిమా పూర్తి అయ్యాక ఆయన ‘సలార్ 2’ షూటింగ్ లో పాల్గొనబోతున్నాడు. ‘సలార్ 2’ షూటింగ్ తో సమాంతరంగా ఆయన ‘ఫౌజీ’ మూవీ షూటింగ్ షెడ్యూల్ కూడా చేయనున్నాడు. ఇలా ఈ రెండు సినిమాల షూటింగ్స్ సమాంతరంగా జరగనున్నాయి. అదే విధంగా వచ్చే ఏడాది సంక్రాంతి తర్వాత ప్రభాస్ సందీప్ వంగ తో చేయబోతున్న ‘స్పిరిట్’ మూవీ షూటింగ్ ప్రారంభించబోతున్నాడు. వచ్చే ఏడాది ప్రభాస్ నుండి ‘రాజా సాబ్’ తో పాటుగా ‘సలార్ 2’ కూడా విడుదలయ్యే అవకాశం ఉంది.