How egg is formed inside Hen: మనం చాలా సందర్భాల్లో పౌష్టికాహారంలో భాగంగా కోడిగుడ్డును తీసుకుంటూ ఉంటాం. కోడి గుడ్డు చూస్తే చాలా చిన్నదిగా కనిపిస్తుంది. కానీ ఇది తయారు కావడంలో 24 గంటల ప్రాసెస్ అవుతుంది. అంతేకాకుండా కోడిగుడ్డులో ఉండూ మూడు పొరలు దశల వారిగా ప్రక్రియను జరుపుతుంది. నాచురల్ గా పెరిగే కోళ్లు అవి సరైన ఉష్ణోగ్రతను కలిగి ఉండి గుడ్డు ప్రాసెస్ ను జరుపుకుంటుంది. కానీ ప్రస్తుత కాలంలో ఫారంలో ఉండే కోళ్లకు ప్రత్యేకంగా దాన ఇస్తూ వాటిని ప్రత్యేక వాతావరణంలో పెంచుతూ ఉంటారు. కానీ గుడ్డు ప్రక్రియ మాత్రం ప్రకృతిలో జరిగే అద్భుతమైన జీవ ప్రక్రియ అని అనుకోవచ్చు. ఒక ఆడ కోడి (పెట్టె) శరీరంలో దాదాపు 24 నుంచి 26 గంటల పాటు జరిగే పలు దశల తర్వాత గుడ్డు బయటకు వస్తుంది. ఇది ఎలా జరుగుతుందో చూద్దాం.
పసుపు భాగం (Yolk) తయారీ:
కోడి అండాశయంలో చిన్న చిన్న గుండ్రటి భాగాలు పసుపు రంగులో ఉంటాయి. వీటిలో ఒకటి పూర్తిగా ఎదిగినప్పుడు వాటి నుంచి విడిపోతుంది. దానిని యోల్క్ లేదా గుడ్డు పచ్చసొన అంటారు. ఇది భవిష్యత్తులో పిల్లకోడి పెరుగుదలకు అవసరమైన పోషకాలను కలిగి ఉంటుంది.
ఫర్టిలైజేషన్ జరిగే దశ:
కోడిపుంజుతో సంభోగం జరిగితే, ఆ పచ్చసొనపై వీర్యకణం కలిసే అవకాశం ఉంటుంది. ఈ ప్రక్రియను ఫర్టిలైజేషన్ అంటారు. అయితే పుంజు లేకపోయినా కోడి గుడ్లు పెడుతుంది. కానీ అలాంటి గుడ్లలో పిల్లలు పుట్టవు.
తెల్లసొన ఏర్పడటం:
పసుపు భాగం అండనాళంలోకి వచ్చిన తర్వాత దాని చుట్టూ ఆల్బుమెన్ అనే తెల్లసొన పొరలు ఏర్పడతాయి. ఇవే మనం గుడ్డు పగలగొట్టినప్పుడు కనిపించే తెల్లటి ద్రవం. ఇది పసుపు భాగాన్ని రక్షిస్తుంది.
గుడ్డు ఆకారం ఏర్పడటం:
తర్వాత గుడ్డు రెండు మెత్తని పొరలతో కప్పబడుతుంది. ఇవి గుడ్డు ఆకారాన్ని నిలబెట్టడంలో సహాయపడతాయి.
గట్టి పెంకు తయారీ:
అండనాళంలోని చివరి భాగంలో సుమారు 20 గంటల పాటు గుడ్డు ఉంటుంది. ఈ సమయంలో కాల్షియంతో గట్టి పెంకు (Shell) ఏర్పడుతుంది. అందుకే కోళ్లకు కాల్షియం అధికంగా ఉన్న ఆహారం ఇస్తారు.
గుడ్డు బయటకు రావడం:
అన్ని దశలు పూర్తయ్యాక గుడ్డు కోడి శరీరం నుంచి బయటకు వస్తుంది. సాధారణంగా ఒక కోడి రోజుకు ఒక గుడ్డు పెడుతుంది.
బ్రౌన్ గుడ్లు, వైట్ గుడ్లు ఎందుకు?
గుడ్డు రంగు కోడి జాతిపై ఆధారపడి ఉంటుంది. తెల్ల కోళ్లు సాధారణంగా తెల్ల గుడ్లు పెడితే, ఎరుపు లేదా గోధుమ రంగు కోళ్లు బ్రౌన్ గుడ్లు పెడతాయి. పోషకాల్లో పెద్దగా తేడా ఉండదు.
