TANA 24th Conference : ఉత్తర అమెరికా తెలుగు సంఘం (తానా) నిర్వహించే 24వ ద్వైవార్షిక మహాసభలకు సంబంధించి ఏర్పాట్లు ఘనంగా పూర్తయ్యాయి. ఈసారి అమెరికాలోని మిచిగాన్ రాష్ట్రం, డెట్రాయిట్ నగరంలోని నోవై సబర్బన్ కలెక్షన్ షోప్లేస్ వేదికగా జూలై 3 నుంచి 5వ తేదీ వరకు ఈ మహాసభలు జరగనున్నాయి.
ఈ నేపథ్యంలో మీడియాతో మాట్లాడిన కాన్ఫరెన్స్ కో ఆర్డినేటర్ ఉదయ్ కుమార్ చాపలమడుగు మాట్లాడుతూ, అన్ని ఏర్పాట్లు పూర్తి అయ్యాయని, దేశ విదేశాల నుంచి అతిధులు హాజరుకావడానికి సిద్ధమవుతున్నారని తెలిపారు.
ఈ మహాసభల్లో సంగీతం, సాహిత్యం, సినిమా, రాజకీయ రంగాల ప్రముఖుల సమ్మేళనం చోటుచేసుకోనుంది. ప్రముఖ సంగీత దర్శకుడు తమన్, గాయని చిత్ర కలిసి “సంగీత విభావరి” కార్యక్రమాన్ని నిర్వహించనున్నారు. అలాగే నేపథ్య గాయకులు సునీత, ఎస్.పి.బి చరణ్ లైవ్ మ్యూజిక్తో ప్రేక్షకులను అలరించనున్నారు. వీరితో పాటు ఇతర ప్రముఖ గాయనీ గాయకులు కూడా పాల్గొననున్నారు.
ఈ సార్వత్రిక వేడుకకు ప్రముఖ హీరోయిన్ సమంత హాజరుకానున్నారు. తెలుగు కమ్యూనిటీ మహాసభలకు ఆమె హాజరుకావడం ఇదే మొదటిసారి కావడం విశేషం. ఆమెతోపాటు హీరోయిన్ ఐశ్వర్య రాజేశ్ కూడా పాల్గొననున్నారు. వీరితో ప్రత్యేకంగా “మీట్ అండ్ గ్రీట్” కార్యక్రమాన్ని నిర్వహించనున్నారు.
పారంపర్య కార్యక్రమాల క్రమంలో శ్రీమతి శోభా రాజు “అన్నమాచార్య స్వరార్చన” పేరుతో సంగీత కార్యక్రమాన్ని అందించనున్నారు. ఇది శ్రావ్య సంగీతానికి కనువిందైన విందుగా నిలుస్తుందని నిర్వాహకులు పేర్కొన్నారు.
జూలై 4, 5 తేదీల వరకు సాధారణ రిజిస్ట్రేషన్ కొనసాగుతుందని, వచ్చిన అతిథుల కోసం సమీపంలోని హోటళ్లలో వసతి సదుపాయాలు ఏర్పాటుచేయడం జరిగిందని తెలిపారు. దేశ विदेशాల నుంచి పెద్ద సంఖ్యలో హాజరవుతున్న తెలుగు కుటుంబాలను అనుగుణంగా ఆతిథ్య ఏర్పాట్లు పూర్తయ్యాయని చెప్పారు.
తెలుగు సంస్కృతి, సాహిత్య, కళలకు అమెరికాలో కొత్త ప్రాణం పోసే ఈ తానా మహాసభలు ఘనవిజయాన్ని సాధించేందుకు అందరూ కలిసి రావాలని, ఈ వేడుకలో భాగస్వామ్యం కావాలని ఉదయ్ కుమార్ చాపలమడుగు మనవి చేశారు.
