Time Travel: సినిమాలో ఎన్నో జోనర్లు ఉన్నాయి. క్రైమ్, రొమాంటిక్, థ్రిల్లర్ ఇలా రకరకాల జోనర్లు ఉన్నాయి. ప్రేక్షకులు కూడా అందుకు తగ్గట్లుగానే వాళ్ల టేస్ట్కు తగిన జోనర్ను ఎంచుకుంటూ సినిమాలు చూస్తుంటారు. ఇక ప్రస్తుతం ఓటీటీల హవా నడుస్తున్న కాలంలో.. ఈ జోనర్ విభజన మరింత పెరిగిపోయింది. ఈ క్రమంలోనే ప్రేక్షకులు విపరీతంగా మెచ్చిన జోనర్లలో ఒకటి టైమ్ ట్రావెల్. కాలంతో పాటు ప్రయాణం చేసే కథలు చాలా అరుదుగా వస్తుంటాయి. అయితే, ఇలాంటి తరహా చిత్రారు హాలీవుడ్ దర్శకుడు క్రిష్టోఫర్ నోలన్ దర్శకత్వంలో ఎక్కువగా చూస్తుంటాం. కానీ, ఇండియాలోనూ కొన్ని సినిమాలు టైమ్ ట్రావెల్ నేపథ్యంలో తెరకెక్కాయి. వాటిపై ఓ లుక్కేద్దాం.
Time Travel
నందమూరి బాలకృష్ణ హీరోగా నటించిన ఆదిత్య 369. 1991లో విడుదలైన ఈ సినిమా అప్పట్లో సరికొత్త ట్రెండ్ను సృష్టించింది. సింగీతం శ్రీనివాసరావు ఈ సినిమాకు దర్శకత్వం వహించారు.
కాగా, వాచ్తో టైమ్ ట్రావెల్ చేయొచ్చనే ఆలోచనతో వచ్చిన సినిమా 24. సూర్య హీరోగా నటించిన ఈ సినిమాకు కె విక్రమ్ కుమార్ దర్శకత్వం వహించారు. సమంత హీరోయిన్గా నటించింది. ఇందులో సూర్య హీరోగానే కాకుండా విలన్గానూ నటించారు.
గతం నుంచి ప్రస్తుతానికి ఓ ఫోన్లైన్ ద్వారా కనెక్షన్ ఏర్పడితే ఆ సినిమానే ప్లె ప్యాక్. సుకుమార్ అసిస్టెంట్ హరిప్రసాద్ ఈ సినిమాను తెరకెక్కించారు. ఇందులో దినేశ్, అననన్య ప్రధాన పాత్రల్లో నటించారు. వీరిలో ఒకరు 1993లో బ్రతికుంటే, మరొకరు 2019 కాలంలో జీవిస్తూ ఉంటారు. అయితే 26 ఏళ్ల టైమ్ గ్యాప్‌ ఉన్న ఈ పాత్రల మధ్య సంబంధం ఏంటీ ? ఫోన్ కాల్స్‌ ద్వారా గతంలో జరిగిన సంఘటనలో మార్పు తీసుకొస్తే ప్రస్తుతం, భవిష్యత్తులో ఎలాంటి మార్పులు సంభవిస్తాయో అని తెలిపేదే కథ.
తేజ సజ్జా, శివాని రాజశేఖర్ ప్రధాన పాత్రల్లో మాలిక్ రామ్ దర్శకత్వం వహించిన సినిమా అద్భుతం. ఈ సినిమా కూడా టైమ్ ట్రావేల్ నేపథ్యంలో తెరకెక్కిందే. ఇటీవలే హాట్స్టార్లో ఈ సినిమా విడుదలైంది.
Also Read: ఈసారైనా నాన్న మాట విను చైతూ..!
హీరో నాని నిర్మాతగా.. ప్రశాంత్ వర్మ దర్శకుడిగా పరిచమైన తొలి సినిమా ఆ!. ఇందులో కాజల్ అగర్వాల్, నిత్యా మేనన్, ఈషా రెబ్బ, రెజీనా కసాండ్ర తదితరులు కీలక పాత్రలు పోషించారు. ఈ సినిమా పూర్తిగా టైమ్ ట్రావెల్ చిత్రం కానప్పటికీ.. అందులో ఓ చిన్న సీన్ టైం ట్రావెల్కు రిలేటెడ్గా ఉంటుంది. ఆ సీన్తోనే సినిమా మొత్తం సాగుతుంది.
కాగా, టైమ్ట్రావెల్ జోనర్లో వచ్చిన తెలుగు వెబ్సిరీస్ కుడి ఎడమైతే. ఈ సిరీస్ కూడా ప్రేక్షకులను అమితంగా ఆకట్టుకుంది.
Also Read: చిన్నారితో ప్రేమగా బాలయ్య వీడియో.. నెట్టింట్లో వైరల్
