Junior NTR
NTR: కోలీవుడ్ స్టార్ సూర్య.. చెన్నై వదిలి ముంబై వెళ్లిపోయారు. భార్య జ్యోతిక, తన ఇద్దరు పిల్లలతో అక్కడ కాపురం పెట్టాడు. తమిళ చిత్రాలు చేస్తున్నప్పటికి సూర్య ముంబైలోనే ఉంటున్నారు. సూర్య బాటలో ఎన్టీఆర్ నడుస్తున్నాడట. ఆయన కూడా ముంబైకి షిఫ్ట్ అయ్యే ఆలోచనలో ఉన్నారట. టాలీవుడ్ వర్గాల్లో ఈ న్యూస్ సంచలనం రేపుతోంది. వార్ 2 మూవీలో నటిస్తున్న ఎన్టీఆర్ ఎక్కువగా.. ముంబైలోనే ఉంటున్నారు. తరచుగా హైదరాబాద్ నుంచి ముంబై వెళ్లి వస్తున్నారు.
హృతిక్ రోషన్-ఎన్టీఆర్ వార్ 2లో నటిస్తున్న సంగతి తెలిసిందే. అవుట్ అండ్ అవుట్ యాక్షన్ ఎంటర్టైనర్ గా వార్ 2 తెరకెక్కుతుంది. ఈ మూవీ షూటింగ్ త్వరలో పూర్తి కానుంది. అనంతరం ఎన్టీఆర్ దర్శకుడు ప్రశాంత్ నీల్ తో చిత్రం చేస్తారు. ఈ మూవీలో విలన్ రోల్ కోసం ఏకంగా అమీర్ ఖాన్ ని సంప్రదించారంటూ వార్తలు వస్తున్నాయి. ఇక ఎన్టీఆర్ లుక్ సైతం సరికొత్తగా ఉంటుందట. ఎన్టీఆర్ ఇప్పటి నుండే ఈ పాత్రకు సిద్ధం అవుతున్నారట. డైట్, వ్యాయామం విషయంలో కఠినంగా ఉంటున్నారట.
ఎన్టీఆర్-ప్రశాంత్ నీల్ మూవీ పీరియాడిక్ క్రైమ్ డ్రామా అట. డ్రగ్ మాఫియాను శాసించిన ఓ గ్యాంగ్ స్టర్ జీవితం ఆధారంగా తెరకెక్కనుందట. ప్రశాంత్ నీల్ మూవీ అనంతరం ఎన్టీఆర్ ముంబై కి షిఫ్ట్ అయ్యే అవకాశం కలదట. బాలీవుడ్ దర్శక నిర్మాతలు ఎన్టీఆర్ తో చిత్రాలు చేసేందుకు ఆసక్తిగా ఉన్నారు. ఈ క్రమంలో ఆయన స్ట్రెయిట్ హిందీ చిత్రాలు చేసే ఆలోచనలో ఉన్నారని అంటున్నారు.
పాన్ ఇండియా కాన్సెప్ట్ వచ్చాక భాషాబేధం లేకుండా పోయింది. కంటెంట్ ఉంటే అన్ని ఇండస్ట్రీస్ లో చిత్రాలకు ఆదరణ దక్కుతుంది. తెలుగులో స్టార్డం ఉన్న ఎన్టీఆర్ హిందీ చిత్రాలు టాలీవుడ్ లో సైతం సత్తా చాటడం ఖాయం. అందుకే ఎన్టీఆర్ ఈ నిర్ణయం తీసుకున్నాడట. మరి ఈ ఊహాగానాల్లో నిజమెంతో తెలియాల్సి ఉంది. కాగా ఎన్టీఆర్ దర్శకుడు నెల్సన్ దిలీప్ కుమార్ తో ఓ మూవీకి కమిట్ అయ్యాడని అంటున్నారు. దీనిపై అధికారిక ప్రకటన రావాల్సి ఉంది. నెల్సన్ జైలర్ మూవీతో భారీ విజయం నమోదు చేశాడు.
