RRR Movie: రాజమౌళి దర్శకత్వంలో జూనియర్ ఎన్టీఆర్, మెగా పవర్స్టార్ రామ్చరణ్ హీరోలుగా రానున్న సినిమా ఆర్ఆర్ఆర్. ఇప్పటికే ఈ సినిమా నుంచి విడుదలైన పాటలు, ప్రోమోలు, పోస్టర్లు ప్రేక్షకులను ఎంతగానో ఆకట్టుకుంటున్నాయి. మరోవైపు, విడుదల తేదీ కూడా దగ్గరపడుతుండటంతో సినిమాపై రోజుకో కొత్త అడ్డేట్ ఇస్తూ.. సినిమాపై హైప్ పెంచుతున్నారు.
#ಹಳ್ಳಿನಾಟು ft PowerStar⚡@PuneethRajkumar❤️#PuneethRajkumar #KingAPPU pic.twitter.com/lOHjtOtagV
— Pramod⚡ (@_PramodAppu1) November 21, 2021
ఇటీవలే విడుదలైన నాటు నాటు పాట ఎంత ఫేమ్సో ప్రత్యేకంగా చెప్పనక్కర్లేదు. తారక్, చెర్రీలు ఇందులో ఊర మాస్ స్టెప్పులేస్తూ కనిపించారు. విడుదలైన కొద్ది గంటల్లోనే మిలియన్ల వ్యూస్తో దూసుకెళ్లిపోయింది. కాగా ఈ సినిమాలో తారక్, చెర్రీ వేసిన స్టెప్పులను వేస్తూ కొందరు సోషల్ మీడియాలో పోస్టులు కూడా చేశారు. దీంతో పైసా ఖర్చు లేకుండా సినిమాకు భారీ ప్రమోషన్స్ జరుగుతున్నట్లైంది.
తాజాగా, ఈ పాటకు కన్నడ పవర్స్టార్ పునీత్ రాజ్కుమార్ స్టెప్పులేస్తే ఎలా ఉంటుందో చూపిస్తూ.. నెట్టింట్లో ఓ వీడియో ఒకటి వైరల్ అవుతోంది. పునీత్ నటించిన సినిమాల్లోని స్టెప్పులన్నింటిని కలిపి నాటు నాటు పాటకు సింక్ అయ్యేలా జత చేశారు.
Also Read: శంకర్ సినిమా కోసం చరణ్ కొత్త లుక్.. నెట్టింట్లో పిక్స్ వైరల్
ఈ వీడియో చూసిన పునీత్ అభిమానులు పునీత్ డ్యాన్స్ అదుర్స్అంటున్నారు. కాగా, ఇటీవలే పునీత్రాజ్కుమార్ మరణించిన సంగతి తెలిసిందే. ఈ క్రమంలోనే ఆయన అభిమానులు ఇలా స్మరించుకుంటూ..వీడియోలను షేర్ చేస్తున్నారు.
డివివి దానయ్య ఈ సినిమాకు నిర్మాతగా వ్యవహరిస్తున్నారు. కాగా, ఇందులో రామ్ చరణ్ అల్లూరి సీతారామరాజుగా కనిపించబోతుండగా… ఎన్టీఆర్ కొమరం భీమ్ గా అలరించ నున్నారు. కాగా వీరి సరసన ఒలీవియా మోరిస్‌, ఆలియా భట్ హీరోయిన్స్ నటిస్తున్నారు. కాగా అజయ్ దేవగన్, శ్రియ , సముద్రఖని ముఖ్య పాత్రల్లో కనిపించనున్నారు. వచ్చే ఏడాది సంక్రాంతి కానుకగా జనవరి 7న ఈ మూవీ ప్రేక్షకుల ముందుకు రాబోతుంది.
Also Read: లక్కీఛాన్స్ కొట్టేసిన జబర్దస్ట్ బ్యూటీ.. చిరు సినిమాలో రష్మి?
