Tiger Nageswararao: వరుస విజయాలతో దూసుకెళ్తున్న మాస్మహారాజ రవితేజ.. ప్రస్తుతం సినిమా మీద సినిమాతో ఫుల్ బిజీగా ఉన్నారు. ఇప్పటికే నాలుగు చిత్రాలకు ఒప్పందం కుదుర్చుకున్న రవితేజ.. తాజాగా మరో సినిమాను చేస్తున్నట్లు ప్రకటించారు. వంశీ దర్శత్వంలో టైగర్ నాగేశ్వర్రావు చిత్రంలో నటించేందుకు సిద్ధమయ్యారు మాస్రాజ. ఈ సినిమా తెలుగు, తమిళ్, కన్నడ, మలయాళ, హిందీ భాషల్లో విడుదల కానున్నట్లు తెలిపారు. ఈ సందర్భంగా సినిమాకు సంబంధించిన పోస్టర్ను విడుదల చేశారు.
కాగా, స్టువర్టుపురంలో దోపిడీదారులు ఉండేవారని.. టైగర్ నాగేశ్వర్రావు సినిమా సినిమా ఇదే నేపథ్యంలోతెరకెక్కనున్నట్లు చిత్రబృందం ట్విట్టర్ వేదికగా తెలిపింది. స్టువర్టుపురం ముఠాలో నాగేశ్వరరావు ఒకరు. అతని తెగింపుకు గుర్తుగా టైగర్ అనే బిరుదు ప్రకటించారు. 1970లలో అధికారులకు నాగేశ్వరరావు ముచ్చెమటలు పట్టించారు. చిక్కినట్లే చిక్కి ఎవ్వరికీ కనిపించకుండా మాయమయ్యేవారు.ఒకానొక సమయంలో చెన్నై జైలు నుంచి కూడా తెలివిగా తప్పించుకున్నాడు. 1987లో పోలీసులు అతడిని మట్టుబెట్టారు.
కాగా, దోపిడీదారు నాగేశ్వరరావు గురించి దర్శకుడు వంశీ ఓ ఇంటర్వ్యూలో మాట్లాడుతూ.. నాగేశ్వరరావు కేవలం దొంగగా మాత్రమే చాలా మందికి తెలుసని.. ఆయన జీవితంలో అంతకుమించిన కోణాలు ఎన్నో ఉన్నాయని పేర్కొన్నారు. అతని రాబిన్హుడ్ తరహా జీవితం ఉండేదని అన్నారు. అతను కొల్లగొట్టిన సంపదను పేదలకు దానం చేసేవాడని.. స్టువర్టుపురంలో పుట్టిన కారణంగా నాగేశ్వరరావు చదువుకు దూరమయ్యారని అన్నారు. ఈ క్రమంలోనే చాలా మంది పిల్లల చదువుకు ఆయన సాయం చేసేవాడని వంశీ తెలిపారు. ఇలా ఆయన జీవితంలో ఎన్నో కోణాలు ఉన్నాయని వంశీ అన్నారు. దొంగాట సినిమాకు ముందే ఈ బయోపిక్ గురించి పరిశోధన ప్రారంభించినట్లు వంశీ తెలిపారు. అభిషేక్ అగర్వాల్ ఈ సినిమాకు నిర్మాతగా వ్యవహరించనున్నారు. జీవీ ప్రకాశ్కుమార్ సంగీత దర్శకుడు. కాగా, త్వరలోనే ఈ సినిమా హీరోయిన్, ఇతర నటీనటుల వివరాలను వెల్లడించనుంది.
