ప్రముఖ ప్రభుత్వ రంగ సంస్థలలో ఒకటైన డిఫెన్స్ రిసెర్చ్ అండ్ డెవలప్మెంట్ ఆర్గనైజేషన్ నిరుద్యోగులకు శుభవార్త చెప్పింది. తాజాగా డీఆర్డీవో నుంచి మరో జాబ్ నోటిఫికేషన్ విడుదలైంది. 79 అప్రెంటీస్ ఉద్యోగ ఖాళీల భర్తీ కొరకు డీఆర్డీవో నుంచి నోటిఫికేషన్ విడుదల కాగా ఆసక్తి, అర్హత ఉన్న అభ్యర్థులు ఈ ఉద్యోగాల కొరకు దరఖాస్తు చేసుకోవాలి. ఇప్పటికే ఈ ఉద్యోగాలకు దరఖాస్తు ప్రక్రియ ప్రారంభమైంది.
ఆసక్తి, అర్హత ఉన్న అభ్యర్థులు మే నెల 17వ తేదీలోగా ఈ ఉద్యోగాల కోసం దరఖాస్తు చేసుకోవాల్సి ఉంటుంది. ఎవరైతే ఈ ఉద్యోగాలకు దరఖాస్తు చేసుకుంటారో వాళ్లు నోటిఫికేషన్లో సూచించిన అన్ని డాక్యుమెంట్లను పోర్టల్ లో అప్ లోడ్ చేయాల్సి ఉంటుంది. మొత్తం 79 ఉద్యోగ ఖాళీలలో ఫిట్టర్ 14, మెషినిస్ట్ 6, టర్నర్ 4, కార్పంటర్ 3, ఎలక్ట్రీషియన్ 10, ఎలక్ట్రానిక్స్ మెకానిక్ 9, మెకానిక్(మోటార్ వెహికిల్) 3, వెల్డర్ (గ్యాస్ అండ్ ఎలక్ట్రిక్) 7, కంప్యూటర్ అండ్ పెరిఫిరల్స్ హార్డ్ వేర్ రిపైర్ అండ్ మెయింటెనెన్స్ మెకానిక్ 2 ఉద్యోగ ఖాళీలు ఉన్నాయి.
కంప్యూటర్ ఆపరేటర్ అండ్ ప్రోగ్రామింగ్ అసిస్టెంట్ ఉద్యోగ ఖాళీలు 5, డిజిటల్ ఫొటోగ్రాఫర్ ఉద్యోగ ఖాళీలు 6, సెక్రటేరియల్ అసిస్టెంట్ ఉద్యోగ ఖాళీలు 8, స్టెనోగ్రాఫర్(హిందీ) ఉద్యోగ ఖాళీ 1, స్టెనోగ్రాఫర్(ఇంగ్లిష్) ఉద్యోగ ఖాళీ 1 ఉన్నాయి. ఎవరైతే సంబంధిత ట్రేడ్ లలో ఐటీఐ చేసి ఉంటారో వాళ్లు ఈ ఉద్యోగాల కోసం దరఖాస్తు చేసుకోవచ్చు. https://apprenticeshipindia.org/ వెబ్ సైట్ ద్వారా ఈ ఉద్యోగాల కొరకు దరఖాస్తు చేసుకోవచ్చు.
దరఖాస్తు సమయంలో సూచించిన సర్టిఫికెట్లను అప్ లోడ్ చేయాల్సి ఉంటుంది. టెన్త్, ఐటీఐ సర్టిఫికెట్లు, మార్క్ షీట్లు, ఐడీ ప్రూఫ్, కుల ధ్రువీకరణ సర్టిఫికేట్లను admintbrl@tbrl.drdo.in ఈమెయిల్ కు ఒక పీడీఎఫ్ ఫైల్ లో పొందుపరిచి పంపడం ద్వారా దరఖాస్తు చేసుకోవచ్చు. మే 17వ తేదీ ఉద్యోగాలకు దరఖాస్తు చేయడానికి చివరి తేదీగా ఉంది.
