Allu ayan: మెగాప్రిన్స్ వరుణ్తేజ్ హీరోగా కిరణ్ కొర్రపాటి దర్శకత్వంలో తెరకెక్కుతోన్న సినిమా గని. ఇందులో సయీ మంజ్రేకర్ హీరోయిన్గా నటిస్తున్నారు. సిద్ధు ముద్ద, అల్లు బాబీ సంయుక్తంగా నిర్మిస్తున్న సినిమా ఇది. బాక్సింగ్ నేపథ్యంల సాగే కథ ఇది. కిరణ్ కొర్రపాటి దర్శకత్వంలో రానున్న సినిమా ఇది. ఇటీవలే విడుదలైన ప్రోమో, పోస్టర్స్, సాంగ్లు సినిమాపై భారీ అంచనాలు నెలకొల్పాయి. మరోవైపు గని ఆంథమ్ పేరుతో వచ్చిన లిరికల్ వీడియో కూడా సూపర్ హిట్గా నిలిచింది. ప్రస్తుతం టాప్ ట్రెండిగ్లో ఒకటిగా ముందుకు దూసుకెళ్తోంది.
కాగా, ఈ ఆంథమ్పై అల్లు అర్జున్ కొడుకు అల్లు అయాన్ చేసిన స్టంట్స్ వీడియో ప్రస్తుతం నెట్టింట వైరల్గా మారింది. జిమ్లో వర్క్ఔట్స్ చేస్తున్నట్లు, చెమట చిందిస్తూ బాక్సింగ్ చేస్తున్నట్లు వీడియోలో కనిపించాడు అయాన్. దీంతో, అల్లు, మెగా అభిమానులు అయాన్పై కామెంట్ల వర్షం కురిపిస్తున్నారు. ప్రస్తుతం ఈ వీడియో నెట్టింట వైరల్గా మారింది.
మరోవైపు, ఈ సినిమాలో స్టంట్స్కోసం హాలీవుడ్కు చెందిన లార్నెల్స్టోవల్, వ్లాడ్ రింబర్గ్ వంటి వారిని బరిలోకి దింపినట్లు తెలుస్తోంది. ఇప్పటికే దాదాపు షూటింగ్ మొత్తం పూర్తి చేసుకున్న ఈ సినిమా.. డిసెంబరు 3న ప్రేక్షకుల ముందుకు రానుంది. ముకుంద సినిమాతో తెలుగు ప్రేక్షకులకు పరిచయమై.. కంచెతో భారీ స్థాయిలో అభిమానులను సొంతం చేసుకున్నారు వరుణ్ తేజ్. ఆ తర్వాత ఎఫ్2 సినిమాలో వెంకటేశ్తో కలిసి కనిపించి అలరించారు. ఇప్పుడు బాక్సింగ్ మాన్గా కనిపించి మెప్పించేందుకు సిద్ధమవుతున్నారు. మరి ఈ సినిమా ఎంతమేరకు విజయం సాధిస్తుందో తెలియాలంటే విడుదల వరకు వేచి చూడాల్సిందే.
