కోల్ కతాలో టీఎంసీ ఆందోళన ఉద్రిక్తం

పశ్చిమ బెంగాల్ రాజధాని కోల్ కతాలో త్రుణమూల్, బీజేపీల మధ్య శనివారం ఘర్షణ వాతావరణం నెలకొంది. టీఎంసీ నుంచి రెండు రోజుల కిందట బీజేపీలో చేరిన ఎంపీ సునీల్ మోండల్ శనివారం బీజేపీ కార్యాలయానికి వచ్చారు. ఈ సమయంలో త్రుణమూల్ కార్యకర్తలు ఆయన కారును అడ్డుకున్నారు. దీంతో బీజేపీ కార్యాలయం ఎదుట ఉద్రిక్త వాతావరణం నెలకొంది. ఈ సమయంలో టీఎంసీ కార్యకర్తలు బీజేపీకి వ్యతిరేకంగా నినాదాలిచ్చారు. అయితే అక్కడా పోలీసులు బారికేడ్లు ఏర్పాటు చేసినా వాటిని తోసేశారు. దీంతో పోలీసులు వారిని అడ్డుకునే ప్రయత్నం చేసినా టీఎంసీ నాయకులు తమ నిరసనను కొనసాగించారు.