Donald Trump Calls Modi: అమెరికా అధ్యక్షుడు డొనాల్డ్ ట్రంప్ భారత్ విషయంలో రోజుకో వేశం వేస్తున్నాడు. భారత్–పాకిస్తాన్ సీజ్ఫైర్ విజయంలో ఆయన జోక్యం లేకపోయినా నేనే ఆపానని ప్రచారం చేసుకున్నాడు. ఇక ఇటీవల మోదీ తనకు ఫోన్ చేశాడని, రష్యా నుంచి ఆయిల్ కొనుగోళ్లు క్రమంగా తగ్గిస్తానని హామీ ఇచ్చాడని చెప్పుకున్నాడు. భారత్ ఈ రెండింటినీ ఖండించింది. సీజ్ఫైర్ ప్రచారం నేపథ్యంలో ట్రంప్ పోన్ చేసినా మోదీ లిఫ్ట్ చేయలేదు. తాజాగా ట్రంప్ మరోమారు మోదీకి ఫోన్ చేశారు. దీపావళి సందర్భంగా శభాకాంక్షలు తెలిపారు. మోదీ–ట్రంప్ మధ్య జరిగిన స్నేహపూర్వక టెలిఫోన్ సంభాషణ రెండు దేశాల మధ్య సంబంధాలకు మరో స్థాయిలో వెలుగు నింపింది.
రెండు ప్రజాస్వామ్యాల ఉమ్మడి శక్తి
ట్రంప్ ఫోన్ కాల్పై మోదీ స్పందించారు. భారత్–అమెరికా లౌకిక ప్రజాస్వామ్యాల ఉమ్మడి విలువలను ప్రస్తావించడమే కాకుండా ప్రపంచానికి ఆశ, ధైర్యం, సహనానికి ప్రతీకలుగా నిలవాలని ఆకాంక్షించారు. ప్రజాస్వామ్యంలో పుట్టిన ఈ రెండు దేశాలు మానవతా దృక్పథంతో అంతర్జాతీయ స్థాయిలో శాంతి, స్థిరత్వానికి కృషి చేస్తున్నాయి అని ట్వీట్ చేశారు.
ఉగ్రవాదానికి వ్యతిరేకంగా
రెండు దేశాధినేతలు ఉగ్రవాదం అనే సాధారణ శత్రువుతో పోరాడటంలో సహకారం కొనసాగించాలని ముక్తకంఠంగా ప్రకటించారు. ఈ సందేశం అంతర్జాతీయ వేదికపై గట్టి సంకేతాన్ని ఇస్తూ, శాంతిని ధ్వంసం చేసే శక్తులకు ఎదురుదెబ్బగా నిలుస్తుంది.
దీపావళి సందర్భంగా వెలసిన ఈ పరస్పర అభినందనలు సాంస్కృతిక పరిమితులు దాటిపోయి, వ్యూహాత్మక భాగస్వామ్య దిశగా సాగుతున్న సంబంధాల చిహ్నంగా భావించవచ్చు. సాంకేతికత, వాణిజ్యం, రక్షణ రంగాల్లో ఇరుదేశాల మధ్య పరస్పర సహకారం మరింత విస్తరిస్తుందని విశ్లేషకులు అంచనా వేస్తున్నారు.
Thank you, President Trump, for your phone call and warm Diwali greetings. On this festival of lights, may our two great democracies continue to illuminate the world with hope and stand united against terrorism in all its forms.@realDonaldTrump @POTUS
— Narendra Modi (@narendramodi) October 22, 2025
